ଆଉ ମନଇଚ୍ଛା ଛୁଟି ନେଇପାରିବେ ନାହିଁ ସରକାରୀ କର୍ମଚାରୀ ! ନିୟମରେ ପରିବର୍ତ୍ତନ କରୁଛନ୍ତି ସରକାର, କଡ଼ାକଡ଼ି ହେବ ନୂତନ ବ୍ୟବସ୍ଥା
ସରକାରୀ କର୍ମଚାରୀମାନେ ଆଉ ମନଇଚ୍ଛା ଛୁଟି ନେଇପାରିବେ ନାହିଁ । ସରକାରୀ ବିଭାଗର ଛୁଟି ବ୍ୟବସ୍ଥା ଉପରେ ପରିବର୍ତ୍ତନ କରିବା ପାଇଁ ସରକାର ପ୍ରସ୍ତୁତି ଆରମ୍ଭ କରିଛନ୍ତି । ତେବେ ଚଳିତ ବର୍ଷ ନୁହେଁ ଆଗାମୀ ବର୍ଷରୁ ଏହି ନୂତନ ଛୁଟି ବ୍ୟବସ୍ଥା ଲାଗୁ ହେବ ବୋଲି ଆଶାକରାଯାଉଛି । ନୂଅତ ବ୍ୟବସ୍ଥା ଅନୁସାରେ ସରକାରୀ କର୍ମଚାରୀ ମାନେ ଛୁଟି ନେବା ପାଇଁ ବିଭାଗୀୟ ମୁଖ୍ୟଙ୍କ ଠାରେ ଅନଲାଇନ୍ ଆବେଦନ କରିବା ପାଇଁ ପଡ଼ିବ । କାଗଜରେ ଦିଆଯାଇଥିବା ଆବେଦନ ପତ୍ର ସ୍ୱୀକାର କରାଯିବ ନାହିଁ । ସରକାରୀ ନିର୍ଦ୍ଦେଶ ଅନୁସାରେ ଏଥିପାଇଁ ଏକ ସପ୍ଟୱେର ବିକଶିତ କରାଯିବ । ଯାହା ଜରିଆରେ ବିଭାଗର ତୃତୀୟ ଶ୍ରେଣୀର କର୍ମଚାରୀ ଠାରୁ ଆରମ୍ଭ କରି ଅନ୍ୟ କର୍ମଚାରୀମାନେ ଛୁଟି ପାଇଁ ଆବେଦନ କରିପାରିବେ । ତେବେ ଏହି ନିୟମ କେବଳ ବିହାର ପାଇଁ କରାଯାଉଛି । ଆଇଟି ସୂତ୍ର ଅନୁସାରେ ସରକାରୀ ନିର୍ଦ୍ଦେଶ ଅନୁସାରେ ଅନ୍ୟ ରାଜ୍ୟର ଛୁଟିକୁ ଆକଳନ କରିବା ପରେ ଏ ବ୍ୟବସ୍ଥା ଲାଗୁ ହେବ ।
Kanak News is now on WhatsApp
Join and get latest news updates delivered to you via WhatsApp
ୟୁପି, ବଙ୍ଗଳା, ଛାଡ଼ଖଣ୍ଡ ପରି ରାଜ୍ୟର ସରକାରୀ କର୍ମଚାରୀଙ୍କୁ ଯେଉଁ ପ୍ରକାରେ ଛୁଟି ମିଳୁଛି ସେଇ ଅନୁସାରେ ସପ୍ଟୱେର ବିକଶିତ କରାଯିବ । ଆଉ ସେହି ଅନୁସାରେ ହିଁ ସରକାରୀ କର୍ମଚାରୀଙ୍କୁ ଛୁଟି ମିଳିବ । ଉକ୍ତ ସପ୍ଟୱେରରେ କର୍ମଚାରୀ ଓ ପଦାଧୀକାରୀଙ୍କ ପାଇଁ ଅନେକ ପ୍ରକାର ବିଳକଳ୍ପ ରହିବ । ବିଭାଗର ନାମ କ’ଣ ଓ ଛୁଟି ନେବାର କାଣର ଆଦି ଜାଣିବା ପରେ ଛୁଟି ପାଇଁ ଅନୁମିତି ମଳିବ । ଛୁଟି ବ୍ୟବସ୍ଥାକୁ କଡ଼ାକଡ଼ି କରିବା ପାଇଁ ସରକାର ଏପରି ନିଷ୍ପତ୍ତି ନେଇଛନ୍ତି । ଏବେ ବ୍ୟବସ୍ଥା ଅନୁସାରେ ରାଜ୍ୟରେ ସରକାରୀ କର୍ମଚାରୀମାନେ କାଗଜରେ ଛୁଟି ପାଇଁ ଆବେଦନ କରୁଥିଲେ । ନୂଆ ବ୍ୟବସ୍ଥା ଲାଗୁ ହେବା ପରେ ଛୁଟର ଅନଲାଇନ୍ ରେକର୍ଡ଼ ରହିବ । ଆଉ ଏଥିରୁ ଜଣାପଡ଼ିବ କେଉଁ କର୍ମଚାରୀ କେତେ ଛୁଟି ନେଉଛନ୍ତି । ସୂତ୍ର ଅନୁସାରେ ଆଗାମୀ ବର୍ଷ ଜାନୁୟାରୀ ମାସରୁ ଏହି ବ୍ୟବସ୍ଥା ଲାଗୁ କରାଯିବ ।