ବିଜେପିକୁ ଝଟକା ! ନମୋଟିଭିକୁ ନେଇ ନିର୍ବାଚନ କମିସନଙ୍କ କଡ଼ା ଆଭିମୁଖ୍ୟ, ଦେବାକୁ ହେବ ବାର୍ଷିକ ଖର୍ଚ୍ଚର ରିପୋର୍ଟ
କନକ ବ୍ୟୁରୋ : ଆସନ୍ତା କାଲି ପ୍ରଥମ ପର୍ଯ୍ୟାୟ ମତଦାନ । ପ୍ରଥମ ପର୍ଯ୍ୟାୟ ନିର୍ବାଚନକୁ ଆଉ ୨୪ ଘଂଟା ବାକି । ଭୋଟରଙ୍କ ହାତରେ ନେତାଙ୍କ ଚାବି । ବିଭିନ୍ନ ବୁଥ୍ ଗୁଡିକରେ ଇଭିଏମ ପହଂଚିଥିବା ବେଳେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ଭୋଟ୍ ପଡିବାକୁ ଥିବା ସମସ୍ତ ବୁଥରେ ସୁରକ୍ଷାକର୍ମୀଙ୍କୁ ମୁତୟନ କରାଯାଇଛି । ସୁରୁଖୁରୁରେ ମତଦାନ କରିବା ପାଇଁ ନିର୍ବାଚନ କମିସନ୍ ସବୁଦିଗକୁ କଡ଼ା ଦୃଷ୍ଟି ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏପଟେ ନିର୍ବାଚନ ପାଇଁ ସବୁ ରାଜନୈତିକ ଦଳ ଗୁଡ଼ିକର ପ୍ରଚାର ତରିକା ଉପରେ ନିର୍ବାଚନ କମିସନ୍ ଲଗାତାର ଅନୁଶୀଳନ କରୁଛନ୍ତି । ଆଉ ଏହି ପରିପେକ୍ଷୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନାମରେ ତିଆରି ହୋଇଥିବା ନମୋଟିଭି ପୁଣି ଥରେ ବିବାଦ ଘେରକୁ ଆସିଛି । ନମୋ ଟିଭିକୁ ନେଇ ନିର୍ବାଚନ କମିସନ କଡ଼ା ଆଭିମୁଖ୍ୟ ଜାହିର କରିଇନ୍ତି । ଭାରତୀୟ ଜନତା ପାର୍ଟିକୁ ଜବାବ ତଲବ କରିଛନ୍ତି ନିର୍ବାଚନ କମିସନ୍ । ନମୋ ଟିଭିକୁ ରାଜନୈତିକ ବିଜ୍ଞାପନ ଶ୍ରେଣୀଭୁକ୍ତ କରିଛନ୍ତି ନିର୍ବାଚନ କମିସନ୍ । ଆଦଶ ଆଚରଣ ବିଧି ଲାଗୁ ହେବାପରେ ଅନ୍ୟ ରାଜନୈତିକକ ଦଳ ପରି ନମୋଟିଭି ପାଇଁ ମଧ୍ୟ ଦଳ ଅନୁମତି ନେବାର ଥିଲା । ଏହି କାରଣରୁ ନମୋ ଟିଭିକୁ ଚ୍ୟାନଲେ ନୁହେଁ ରାଜନୈତିକ ବିଜ୍ଞାପନ ପକ୍ଷଭୁକ୍ତ କରିଛି ନିର୍ବାଚନ କମିସନ୍ ।
ଆଉ ଏନେଇ ନିର୍ବାଚନ କମିସନ ବିଜେପିକୁ ପ୍ରଶ୍ନ କରିବ । ଏହି ଚ୍ୟାରନେଲରେ ଖର୍ଚ୍ଚ ହେଉଥିବା ବାର୍ଷିକ ରାଶି ଅଡ଼ିଟ ରିପୋର୍ଟରେ ଦାଖଲ କରିବା ପାଇଁ ନିର୍ଦ୍ଦେଶ ଦେଇଛନ୍ତି ନିର୍ବାଚନ କମିସନ୍ । କାରଣ ପୂର୍ବରୁ ଏହି ଚ୍ୟାନେଲ ପାଇଁ ହେଉଥିବା ଖର୍ଚ୍ଚର ରିପୋର୍ଟ ଦାଖଲ କରିସାରିଛି ବୋଲି କହିଛି ଦଳ । ଅନ୍ୟପଟେ ନମୋଟିଭି ସାମଗ୍ରୀ ଗୁଡ଼ିକର ତଦାରଖ ପାଇଁ ମିଡ଼ିଆ ଓ ପର୍ଯ୍ୟାଲୋଚନା କମିଟ ନିଯୁକ୍ତ କରିଛନ୍ତି ନିର୍ବାଚନ କମିସନ୍ । ନମୋ ଟିଭିକୁ ଆସୁଥିବା ସମସ୍ତ ବିଜ୍ଞାପନ ଏହି କମିଟରି ଅନୁମତି ନେବାକୁ ପଡ଼ିବ ବୋଲି ନିର୍ଦ୍ଦେଶ ଦିଆଯାଇଛି ।