ଦିଲ୍ଲୀ ଏନସିଆର୍ ଅଂଚଳରେ ଭୂମିକମ୍ପ ! ଭୟରେ ପଦାକୁ ବାହାରି ଆସିଲେ ଲୋକେ
କନକ ବ୍ୟୁରୋ : ଦିଲ୍ଲୀ-ଏନସିଆର ଅଂଚଳରେ ରବିବାର ଅପରାହ୍ନରେ ମୃଦୁ ଭୂମିକମ୍ପ ଅନୁଭୂତ ହୋଇଛି । ରାଜଧାନୀ ଦିଲ୍ଳୀର ଅନେକ ସ୍ଥାନରେ ଭୂକମ୍ପ ହୋଇଛି ବୋଲି ରାଜଧାନୀ ବାସିନ୍ଦା ଟୁଇଟ୍ କରିଛନ୍ତି । ଭାଗ୍ୟକୁ ଏହି ଭୂକମ୍ପ ପ୍ରଭାବରେ କୌଣସି କ୍ଷତି ଘଟିନାହିଁ। ତଥାପି ଭୟରେ ଭୂମିକମ୍ପ ଝଟକା ଯୋଗୁଁ ପଦାକୁ ବାହାରି ଆସିଥିଲେ ଲୋକେ । ଏ ସଂପର୍କରେ ଅଧିକ କିଛି ତଥ୍ୟ ହସ୍ତଗତ ହୋଇନାହିଁ ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, ଗତକାଲି ଜାପାନଠାରେ ୬.୭ ତୀବ୍ରତାର ଭୂକମ୍ପ ଅନୁଭୂତ ହୋଇଥିବା ବେଳେ ଆଜି ଅପରାହ୍ନରେ ଦିଲ୍ଲୀଠାରେ ସମାନ୍ୟ ପ୍ରଭାବ ଦେଖିବାକୁ ମିଳିଛି । ଜାପାନ ଭୂକମ୍ପରେ ୩୭ ଜଣଙ୍କ ଜୀବନ ଯାଇଥିବା ରିପୋର୍ଟ ରହିଛି ।
ଭୂମିକମ୍ପ ଆସିଲେ କ’ଣ କରିବେ ?
- ଯଦି ଆପଣ କୌଣସି ବିଲଡିଙ୍ଗରେ ଅଛନ୍ତି ତେବେ ହଠାତ ସେଠାରେ ବସିଯାଆନ୍ତୁ ବା କୌଣସି ମଜବୁତ ଫର୍ଣ୍ଣିଚର ତଳକୁ ଚାଲିଯାଆନ୍ତୁ । ଯଦି ପାଖରେ ସେଭଳି କିଛି ଜିନିଷ ଉପଲବ୍ଧ ନାହିଁ, ତେବେ ନିଜ ଚେହେରାକୁ ହାତରେ ଘୋଡ଼ାଇ କୋଣର କୌଣସି ସ୍ଥାନରେ ବସିଯାଆନ୍ତୁ ।
- ଯଦି ବିଲଡିଙ୍ଗ ବାହାରେ ଅଛନ୍ତି ତେବେ ଖମ୍ବ,ଗଛ ଏବଂ ତାରା ଠାରୁ ଦୂରେଇ ରୁହନ୍ତୁ ।
- ଯଦି କୌଣସି ଗାଡ଼ିରେ ଯାତ୍ରା କରୁଛନ୍ତି, ତେବେ ସେହିଠାରେ ରହିଯାଆନ୍ତୁ ଏବଂ ତା ମଧ୍ୟରେ ବସି ରୁହନ୍ତୁ ।
- ଯଦି ଅଳିଆ ଆବର୍ଜନା ମଧ୍ୟରେ ଫସି ଯାଇଛନ୍ତି ତେବେ ଦିଆସିଲିର ବ୍ୟବହାର କରନ୍ତୁ ନାହିଁ ଏବଂ ହଲନ୍ତୁ ନାହିଁ ଓ ଧକ୍କା ମାରନ୍ତୁ ନାହିଁ ।
- ବିଲଡିଙ୍ଗ ମଧ୍ୟରେ ଫସି ଯାଇଥିଲେ କୌଣସି ପାଇପ କିମ୍ବା କାନ୍ଥକୁ ଧୀରେ ଧୀରେ ଛୁଅନ୍ତୁ,ଯାହା ଦ୍ୱାରା ସୁରକ୍ଷା କର୍ମୀ ଆପଣଙ୍କ ସ୍ଥିତି ବିଷୟରେ ଜାଣିପାରବେ ।
- ଯଦି ଆପଣଙ୍କ ନିକଟରେ କୌଣସି ସିଟି ଅଛି ତେବେ ବଜାନ୍ତୁ । ଯଦି କୌଣସି ମଧ୍ୟ ଉପାୟ ନାହିଁ ତେବେ ଜୋରରେ ପାଟି କରନ୍ତୁ । ଶବ୍ଦ କରିବା ଦ୍ୱାରା ଶ୍ୱାସରେ ଧୂଳି ଆଦି ଜମିପାରେ । ସର୍ବଦା ପାଖରେ ଦୁର୍ବିପାକ ସହାୟକ ଜିନିଷ ରଖନ୍ତୁ ।