ସାବଧାନ୍ : ବଜାରରେ ବିକ୍ରି ହେଉଛି ଫୁଲ ଝାଡ଼ୁରେ ତିଆରି ନକଲି ଜିରା
କନକ ବ୍ୟୁରୋ : ବଜାରରେ ବ୍ରିକି ହେଉଛି ନକଲି ଜିରା । ମିଛ ନୁହେଁ ନିରାଟ ସତ କଥା । ପୂର୍ବରୁ ଅନେକ ସାମଗ୍ରୀରେ ଅପମିଶ୍ରଣ କଥା ଶୁଣିଥିବେ, ଏବେ ଜିରା ବି ଏହି ତାଲିକାରେ ସାମିଲ ହୋଇଛି । ଜିରା ସ୍ୱାସ୍ଥ୍ୟ ପାଇଁ ହିତକର । ତରକାରୀ ଠାରୁ ଆରମ୍ଭ କରି ଦେଶୀ ଔଷଧରେ ଜିରା ବ୍ୟବହାର କରାଯାଏ । ତେବେ ବର୍ତ୍ତମାନ ଗୁଣକାରୀ ଜିରା ବି ଅପମିଶ୍ରିତ ଖବର ଆସିବା ପରେ ଜନତା ଚିନ୍ତାରେ । ଦିଲ୍ଲୀ ପୋଲିସ୍ ବବାନାରେ ଏକ ନକଲି ଜିରା କାରଖାନାର ପର୍ଦ୍ଦାଫାସ କରିଛି ।
Kanak News is now on WhatsApp
Join and get latest news updates delivered to you via WhatsApp
ଫୁଲ ଝାଡୁର ଗୁଣ୍ଡ, ଗୁଡ ଶିରା, ଷ୍ଟୋନ ପାଉଡର ମିଶ୍ରଣ କରି ଏହି ନକଲି ଜିରା ପ୍ରସ୍ତୁତ କରାଯାଉଛି । ଦିଲ୍ଲୀ, ଗୁଜୁରାଟ, ରାଜସ୍ଥାନ, ୟୁପି ଏବଂ ଅନ୍ୟ କେତେକ ସହରରେ ବହୁ ମାତ୍ରାରେ ଯୋଗାଣ କରାଯାଥିଲେ । ତେବେ ଏବିଷୟରେ ଜାଣିବା ପରେ ପୋଲିସ୍ ନକଲି ଜିରା କାରଖାନାରେ ଚଢ଼ାଉ କରି ୫ ଜଣଙ୍କୁ ବବାନା ଗିରଫ କରିଛି । ପୋଲିସ ଏହି ଫ୍ୟାକ୍ଟ୍ରିରୁ ୨୦ ହଜାର କିଲୋ ନକଲି ହାଠ ହଜାର କିଲୋ କଞ୍ଚା ମାଲ୍ ଜବତ କରିଛି । ନକଲି ଜିରାକୁ ଅସଲି ଜିରା ସହ ୮୦:୨୦ ଅନୁପାତରେ ମିଶ୍ରଣ କରାଯାଉଥିଲା ଓ ଏହାକୁ ଲକ୍ଷାଧିକ ଟଙ୍କାରେ ବିକ୍ରି କରାଯାଉଥିଲା । ୟୁପିର ଶାହାଜାହାନପୁରରୁ ଜଲାଲାବାଦ ଯାଏଁ ଏହି ନକଲି ଜିରା ଫ୍ୟାକ୍ଟ୍ରିର ଚେର ଲମ୍ଵିଥିଲା।