ଜଳେଶ୍ୱର ଅଞ୍ଚଳରେ ବେଧଡକ ଚାଲିଛି ନିଶା କାରବାର : ଚଢାଉବେଳେ ଖସିଗଲା ଡ୍ରଗ୍ସ ମାଫିିଆ, ମା’କୁ ଉଠାଇଲେ ଅବକାରୀ ଅଧିକାରୀ
କନକ ବ୍ୟୁରୋ : କେନ୍ଦ୍ରୀୟ ଅବକାରୀ ବିଭାଗ ହାତରୁ ଖସିଗଲା ଡ୍ରଗ୍ସ ମାଫିଆ ସେକ୍ ମୁନା । ହେଲେ ତାର ମାଆକୁ ଉଠେଇ ନେଲା ଚଢଉ କରୁଥିବା ଟିମ୍ । ଜଳେଶ୍ୱର ଶାସନବାଡ ଅଂଚଳରେ ଆଜି ଭୋର ସମୟରେ ହୋଇଥିଲା ଚଢଉ । ଏଥିରେ ଡ୍ରଗ୍ସ କାରବାର ଚଳେଇ ଥିବା ସେକ୍ ମୁନା ଫେରାର ହୋଇଯାଇଥିବା ବେଳେ ମାଆ ରମିନା ବେୱାକୁ ଧରିଥିଲା ଅବକାରୀ ବିଭାଗ । ତାଙ୍କ ନିକଟରୁ ପ୍ରାୟ ୩୧୦ ଗ୍ରାମ ବ୍ରାଉନ ସୁଗର ଜବତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଜବତ ହୋଇଥିବା ବ୍ରାଉନ ସୁଗରର ମୂଲ୍ୟ ପ୍ରାୟ ୩୧ ଲକ୍ଷ ଟଂକା ହେବ ବୋଲି କେନ୍ଦ୍ରୀୟ ଅବକାରୀ ବିଭାଗ ପକ୍ଷରୁ ଜଣାପଡିଛି । ସେକ୍ ମୁନା ନାଁରେ ଓଡିଶା ଓ ପଶ୍ଚିମବଙ୍ଗରେ ୪୦ରୁ ଅଧିକ ମାମଲା ରହିଛି । ସେକ୍ ମୁନାର ସାନଭାଇକୁ ମଧ୍ୟ ଡ୍ରଗ୍ସ କାରବାର ମାମଲାରେ ଗିରଫ କରି ଜେଲ ପଠାଇ ଦେଇଛି ।