ହାଇଦ୍ରାବାଦ ହାଉସରେ ମୋଦି-ଟ୍ରମ୍ପଙ୍କ ଦ୍ୱିପାକ୍ଷିକ ଆଲୋଚନା : ବାଣିଜ୍ୟ, ସୁରକ୍ଷା ଓ ତୈଳ କାରବାର ଉପରେ ଫୋକସ, ୩ ବିଲିୟନ ଡଲାର ପ୍ରତିରକ୍ଷା ଚୁକ୍ତି ଉପରେ ମୋହର
କନକ ବ୍ୟୁରୋ : ହାଇଦ୍ରାବାଦ ହାଉସରେ ଡୋନାଲ୍ଡ ଟ୍ରମ୍ପ ଓ ନରେନ୍ଦ୍ର ମୋଦିଙ୍କ ମଧ୍ୟରେ ଦ୍ୱିପାକ୍ଷିକ ଆଲୋଚନା ପରେ ଭାରତ-ଆମେରିକା ପକ୍ଷରୁ ମିଳିତ ବୟାନ ରଖାଯାଇଛି । ଟ୍ରମ୍ପ ସପରିବାରେ ସହ ଭାରତ ଆସିଥିବାରୁ ବହୁତ ଖୁସି ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦୁଇ ଦେଶ ମଧ୍ୟରେ ସକରାତ୍ମକ ଆଲୋଚନା ହୋଇଛି । ଭାରତ- ଆମେରିକା ମଧ୍ୟରେ ୩ଟି ଚୁକ୍ତି ସ୍ୱାକ୍ଷରିତ ହୋଇଛି । ବାଣିଜ୍ୟ, ସୁରକ୍ଷା, ତୈଳ କାରବାର ସହଯୋଗ ନେଇ ବହୁ ଚୁକ୍ତି ସ୍ୱାକ୍ଷରିତ ହୋଇଛି । ଦୁଇ ଦେଶ ମଧ୍ୟ ବଡ ବାଣିଜ୍ୟିକ୍ତ ଚୁକ୍ତି ହୋଇଛି । ୩ ବିଲିୟନ ଡଲାର ପ୍ରତିରକ୍ଷା ଚୁକ୍ତି ଉପରେ ମୋହର ବାଜିଛି । ଅତ୍ୟାଧୁନିକ ରକ୍ଷା ଉପକରଣ ଓ ଆତଙ୍କବାଦ ଉପରେ ରୋକ ଲଗାଇବା ନେଇ ଆଲୋଚନା ହୋଇଛି । ଆତଙ୍କବାଦ ବିରୋଧରେ ଉଭୟ ଦେଶ ମିଳିତ ଭାବେ ଲଢେଇ କରିବେ । ସେହିପରି ନିଶାକାରବାର, ଅପରାଧ ରୋକିବା ନେଇ ଆଲୋଚନା ହୋଇଥିବା ମୋଦି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଟ୍ରମ୍ପ କହିଛନ୍ତି, ଭାରତ ଗସ୍ତ ପାଇଁ ଆମନ୍ତ୍ରଣ କରିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଦେଇଛନ୍ତି ଡୋନାଲ୍ଡ ଟ୍ରମ୍ପ । ଭାରତ ଗସ୍ତକୁ କେବେବି ଭୁଲି ପାରିବି ନାହିଁ । ଉଭୟ ଦେଶ ମଧ୍ୟରେ ସମାନ ପରମ୍ପରା ଓ ଗଣତନ୍ତ୍ର ରହିଛି । ଏହି ଗସ୍ତ ଭାରତ ଆମେରିକା ମଧ୍ୟରେ ସଂପର୍କକୁ ଆହୁରି ଅଧିକ ମଜଭୂତ କରିବ । ଭାରତ ଗସ୍ତର ଦ୍ୱିତୀୟ ଦିନରେ ବି ଆତଙ୍କବାଦ ପ୍ରସଙ୍ଗ ଉଠାଇଛନ୍ତି ଟ୍ରମ୍ପ । ଭାରତ ମାଟିରୁ ଆତଙ୍କ ପାଳୁଥିବା ପାକିସ୍ତାନକୁ ଚେତାବନୀ ଦେଇଛନ୍ତି ।
ସେପଟେ ଦିଲ୍ଲୀର ସରକାରୀ ସ୍କୁଲଗୁଡିକରେ ଆପ ସରକାର ଆରମ୍ଭ କରିଥିବା ଏକ ନିଆରା ପାଠ୍ୟକ୍ରମର ଚର୍ଚ୍ଚରେ ଯୋଗ ଦେଇଛନ୍ତି ମେଲାନିଆ ଟ୍ରମ୍ପ । କିଭଳି ସ୍କୁଲ ପିଲାଙ୍କୁ ଖୁସି କରିବା ପାଇଁ ପାଠ ପଢା ଯାଉଛି ତାକୁ ବୁଲି ଦେଖିବାପାଇଁ ଆମେରିକା ରାଷ୍ଟ୍ରପତିଙ୍କ ପତ୍ନୀ ମେଲାନିଆ ଟ୍ରମ୍ପ ଦିଲ୍ଲୀ ନାନକପୁରାରେ ଥିବା ଏକ ସରକାରୀ ସ୍କୁଲରେ ପହଚିଂଛନ୍ତି । ସ୍କୁଲରେ ପହଚିଂବା ପରେ କୁନି କୁନି ପିଲା ଓ ଶିକ୍ଷକ ମେଲାନିଆଙ୍କୁ ଭବ୍ୟ ସ୍ୱାଗତ କରିଥିଲେ । ଛାତ୍ରୀମାନେ ମେଲାନିଆଙ୍କୁ ଫୁଲ ଚନ୍ଦ ଦେଇ ସ୍ୱାଗତ କରିଥିଲେ । ମେଲାନିଆଙ୍କ ଗସ୍ତ ପାଇଁ ସ୍କୁଲକୁ ଅତି ସୁନ୍ଦର ଭାବେ ସଜାଯାଇଛି । ଦିଲ୍ଲୀର ସରକାରୀ ସ୍କୁଲ ଗୁଡିକରେ ପିଲାଙ୍କୁ ଶିଖା ଯାଉଛି ଜୀବନରେ ଖୁସି ରହିବେ କେମିତି? ୨୦୧୮ରୁ ସମସ୍ତ ସରକାରୀ ସ୍କୁଲରେ ଏହିଭଳି ହାପିନେସ କରିକୁଲମ ବା ଖୁସି ହେବାଲାଗି ପାଠ୍ୟକ୍ରମ ଆରମ୍ଭ କରାଯାଇଛି । ଯେଉଁଠି ଛୋଟଛୋଟ ପିଲାଙ୍କୁ ନାଚ, ଗୀତ ମାଧ୍ୟମରେ ଖୁସି ବାଂଟିବାକୁ ପ୍ରୟାସ କରୁଛନ୍ତି ଶିକ୍ଷକ, ଶିକ୍ଷୟିତ୍ରୀ ।