ମାଲିକଙ୍କ ଜୀବନ ବଞ୍ଚାଇଲା ପୋଷା କୁକୁର : ଜୟପୁରରେ ଘର ଭିତରକୁ ପଶୁଥିବା ନାଗ ସାପ ସହ ପାଖାପାଖି ୩୦ ମିନିଟ ଧରି ଲଢିଲା ଡଗି, ସାପକୁ କାମୁଡି କରିଦେଲା ଦୁଇଖଣ୍ଡ
କନକ ବ୍ୟୁରୋ : ମାଲିକଙ୍କ ଜୀବନ ବଂଚାଇଲା ପୋଷା କୁକୁର । ଜୟପୁରରେ ଘର ଭିତରକୁ ପଶୁଥିବା ବିଷାକ୍ତ ନାଗ ସାପ ସହ ପାଖାପାଖି ୩୦ ମିନିଟ ଧରି ଲଢିଲା ଡଗି । ସାପକୁ କାମୁଡି କରିଦେଲା ଦୁଇଖଣ୍ଡ । ଏଭଳି ଦୃଶ୍ୟ ଦେଖିବାକୁ ମିଳିଛି କୋରାପୁଟ ଜିଲ୍ଲା ଜୟପୁର ସହରର ପାୱାର ହାଉସ୍ କଲୋନୀରେ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଅପରାହ୍ନ ପ୍ରାୟ ୩ଟାବେଳେ ଶଙ୍କର ପ୍ରସାଦ ତ୍ରିପାଠୀଙ୍କ ଘର ଭିତରକୁ ଏକ ବିରାଟକାୟ ନାଗ ପଶୁଥିବାବେଳେ ଏହାକୁ ଘର ଭିତରକୁ ପ୍ରବେଶ କରିବାକୁ ଦେଇନଥିଲା ପୋଷା କୁକୁର ଡଗି । ତାପରେ ସାପ ଓ କୁକୁର ମଧ୍ୟରେ ପାଖାପାଖି ୩୦ ମିନିଟ୍ ଲଢ଼େଇ ହୋଇଥିଲା । ଶେଷରେ ସାପକୁ କାମୁଡି ଦୁଇ ଖଣ୍ଡ କରିଦେଇଥିଲା ।