କନକ ବ୍ୟୁରୋ : ବିଦେଶରୁ ଫେରି ନିରୀକ୍ଷଣରେ ରହିଲେ ଗଜପତି । ସପରିବାର ସହ ନିଜ ଭୁବନେଶ୍ୱର ଘରେ ନିରୀକ୍ଷଣରେ ରହିଛନ୍ତି ପୁରୀ ଗଜପତି ମହରାଜ ଦିବ୍ୟସିଂହ ଦେବ । ଆମେରିକା ଗସ୍ତ ସାରି ଗଜପତି ସପରିବାର ୧୫ରେ ଫେରିିଥିଲେ । ଗତକାଲି ସରକାର ବିଦେଶ ଫେରନ୍ତାଙ୍କ ପାଇଁ ପଂଜୀକରଣ ବାଧ୍ୟତାମୂଳକ କରିବା ପରେ ଆଜି ଗଜପତି ମହରାଜ କୋଭିଡ ୧୯ ଅନଲାଇନ ପୋର୍ଟାଲରେ ସ୍ୱେଚ୍ଚାକୃତ ଭାବେ ଆସି ନିଜର ଓ ନୀଜ ପରିବାରର ପଂଜୀକରଣ କରିଛନ୍ତି । ପଞ୍ଜୀକରଣ ପରେ ନିଜ ଘରେ ହୋମ ଆଇସୋଲେସନରେ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମଙ୍ଗଳବାର ପୁରୀ ଶ୍ରୀନହର ପକ୍ଷରୁ ଗଜପତି ମହାରାଜାଙ୍କ ବ୍ୟକ୍ତିଗତ ସଚିବ ଏକ ବିଜ୍ଞପ୍ତି ଜାରି କରି ଏହା ପ୍ରକାଶ କରିଛନ୍ତି । ଗଜପତି ମହାରାଜା ପରିବାର ସହ ତାଙ୍କର ଭୁବନେଶ୍ୱର ବାଭବନରେ ଆସନ୍ତା ୧୪ଦିନ ଲାଗି କ୍ୟାରେଣ୍ଟାଇନ୍ରେ ରହିବେ ବୋଲି ସୂଚନା ଦିଆଯାଇଛି ।
ଏଥିସହ ଗଜପତି ମହାରାଜା ଜନସାଧାରଣଙ୍କୁ ନିବେଦନ କରିଛନ୍ତି ଯେ, ଯେଉଁମାନେ ବିଦେଶ ଗସ୍ତ କରି ଓଡ଼ିଶା ଫେରିଛନ୍ତି ବା ଫେରୁଛନ୍ତି ସେମାନେ ରାଜ୍ୟଜନତାଙ୍କ ସ୍ୱାର୍ଥ ଲାଗି ତୁରନ୍ତ ପଞ୍ଜୀକରଣ କରାନ୍ତୁ। ନିଜକୁ ୧୪ଦିନ ପୃଥକକରି ରଖନ୍ତୁ ଓ ରାଜ୍ୟ ସରକାରଙ୍କ ପକ୍ଷରୁ ଜାରି ପରାମର୍ଶକୁ ଅନୁସରଣ କରନ୍ତୁ।