ଭିଡ଼ିଓ ପୋଷ୍ଟ କରି ଫସିଲେ ଦିଲ୍ଲୀ ମୁଖ୍ୟମନ୍ତ୍ରୀ : ନିର୍ବାଚନର ଗୋଟିଏ ଦିନ ପୂର୍ବରୁ ନୋଟିସ୍ ପଠାଇଲେ ନିର୍ବାଚନ କମିସନ୍, କାଲି ସନ୍ଧ୍ୟା ସୁଦ୍ଧା ଜବାବ ଦେବେ କେଜ୍ରିୱାଲ
କନକ ବ୍ୟୁରୋ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ନିର୍ବାଚନ କମିଶନଙ୍କ ନୋଟିସ୍ ।ଦିଲ୍ଲୀ ବିଧାନସଭା ନିର୍ବାଚନ ପାଇଁ ଆସନ୍ତାକାଲି ଭୋଟ ଗ୍ରହଣ ହେବାକୁ ଥିବା ବେଳେ ଆଜି ନିର୍ବାଚନ ଆୟୋଗ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ନୋଟିସ ପଠାଇଛନ୍ତି । ସୋମବାର ଦିନ କେଜ୍ରିୱାଲ ଟ୍ୱିଟରରେ ଏକ ଭିଡିଓ ସେୟାର କରିଥିଲେ । ଏହାକୁ ନେଇ ନିର୍ବାଚନ ଅୟୋଗ ଏହି ନୋଟିସ ପଠାଇଛନ୍ତି । ମିଳିଥିବା ସୂଚନା ମୁତାବକ ଫେବୃୟାରୀ ୩ ତାରିଖରେ କେଜ୍ରିୱାଲ ଏକ ବିବାଦୀୟ ଭିଡିଓ ଟ୍ୱିଟରରେ ସେୟାର କରିଥିଲେ । ଏହା ବିରୋଧରେ ବିଜେପି କମିସନଙ୍କ ନିକଟରେ ଫେରାଦ ହୋଇଥିଲା।
Kanak News is now on WhatsApp
Join and get latest news updates delivered to you via WhatsApp
ଏହି ମାମଲାରେ ନିର୍ବାଚନ ଆୟୋଗ ଫେବୃୟାରୀ ୮ ତାରିଖ ସନ୍ଧ୍ୟା ୫ଟା ସୁଦ୍ଧା ଜବାବ ମାଗିଛନ୍ତି । ଏହା କରିବାରେ ବିଫଳ ହେଲେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଏହି ନୋଟିସରେ କୁହାଯାଇଛି । ଏଠାରେ ସୂଚନା ଥାଉ କି କେଜ୍ରିୱାଲ ଏହି ଭିଡିଓ ଟ୍ୱିଟ କରିବାର ଦିନକ ପରେ ଅର୍ଥାତ ଫେବୃୟାରୀ ୪ ତାରିଖ ଦିନ ବିଜେପି ଏହା ବିରୋଧରେ ଅଭିଯୋଗ ଆଣିଥିଲା ।
ଗତ ୧୦ ଦିନ ମଧ୍ୟରେ କେଜ୍ରିଓ୍ଵାଲଙ୍କୁ ନିର୍ବାଚନ ଆୟୋଗଙ୍କ ଏହା ହେଉଛି ୨ୟ ନୋଟିସ । ଗତ ଜାନୁଆରି ୩୦ ତାରିଖରେ କେଜ୍ରିଓ୍ଵାଲ ଏକ କୋର୍ଟ ପରିସରରେ ଓକିଲମାନଙ୍କୁ ମହଲ୍ଲା କ୍ଲିନିକ ସଂପର୍କରେ ଘୋଷଣା କରିଥିବାରୁ ଆୟୋଗ ତାଙ୍କୁ ନୋଟିସ ଜାରିକରି ଚେତାବନୀ ଦେଇଥିଲେ । ଦିଲ୍ଲୀରେ ଆସନ୍ତାକାଲି ଅର୍ଥାତ ଶନିବାରଦିନ ଭୋଟଗ୍ରହଣ ହେବ ।