କଂଗ୍ରେସ ଜାରି କଲା ଘୋଷଣାପତ୍ର : ବେକାର ଯୁବବର୍ଗଙ୍କୁ ମାସିକ ୫୦୦୦ରୁ ୭୫୦୦ ଟଙ୍କା ଭତ୍ତା, ସିଏଏକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ ଦେବାକୁ ପ୍ରତିଶ୍ରୁତି
କନକ ବ୍ୟୁରୋ : ପାଖେଇ ଆସୁଛି ଦିଲ୍ଲୀ ବିଧାନସଭା ନିର୍ବାଚନ । ଭୋଟ୍ ପାଇଁ ଚାଲିଛି କସରତ । ନିର୍ବାଚନ ପାଇଁ ଏବେଠାରୁ ରାଜନୀତି ଉଷ୍ମ ହେବାରେ ଲାଗିଲାଣି । ର୍ବାଚନ ପାଖେଇ ଆସୁଥିବା ବେଳେ କୌଣସି ମୌକାକୁ ହାତଛଡା କରିବାକୁ ଚାହୁଁନାହାନ୍ତି ନେତା । ପ୍ରମୁଖ ରାଜନୈତିକ ଦଳ ଗୁଡ଼ିକ ଦିଲ୍ଲୀ ଅକ୍ତିଆର କରିବା ପାଇଁ ଜନତାଙ୍କ ନିକଟରତର ହେବାକୁ ଚେଷ୍ଟା କରୁଛନ୍ତି । ଆମ ଆଦମି ପାର୍ଟି ଓ ବିଜେପି ପରେ ଆଜି କଂଗ୍ରେସ ପକ୍ଷରୁ ଦିଲ୍ଲୀ ନିର୍ବାଚନ ପାଇଁ ଘୋଷଣାପତ୍ର ଜାରି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ମାନିଫେଷ୍ଟୋ ଅନୁସାରେ ୩୦୦ ୟୁନିଟ୍ ମାଗଣା ବିଜୁଳି ସମେତ ବିଳୁଳି ବଂଚାଇଲେ କ୍ୟାସବ୍ୟାକ୍ ଦେବାପାଇଁ ପ୍ରତିଶ୍ରୁତି ଦିଆଯାଇଛି । ବେକାର ଯୁବବର୍ଗଙ୍କୁ ମାସିକ ବେରୋଜଗାରୀ ଭତ୍ତା ଦେବାକୁ ମଧ୍ୟ ଘୋଷଣା ହୋଇଛି । ଗ୍ରାଜୁଏଟଙ୍କୁ ମାସିକ ୫ ୦୦୦ ଟଙ୍କା ଏବଂ ପୋଷ୍ଟ ଗ୍ରାଜୁଏଟ୍ ବେକାର ଯୁବବର୍ଗଙ୍କୁ ମାସିକ ୭୫୦୦ ଟଙ୍କା ଭତ୍ତା ଦେବାକୁ ଘୋଷଣା ପତ୍ରରେ କୁହାଯାଇଛି । କେବଳ ଏତିକି ନୁହେଁ ରାଜଧାନୀ ଦିଲ୍ଲୀରେ ୧୦୦ ଇନ୍ଦିରା କ୍ୟାଣ୍ଟିନ୍ ଖୋଲିବା ପାଇଁ ପ୍ରତିଶ୍ରୁତି ଦିଆଯାଇଛି । ଏହି କ୍ୟାଣ୍ଟିନରେ ମାତ୍ର ୧୫ ଟଙ୍କାରେ ମିଳିବ ମିଲ୍ । ଆଉ ସବୁଠାରୁ ବଡ଼ କଥା ହେଲା ମହିଳାମାନେ ଚଳାଇଲେ ଏହି କ୍ୟାଣ୍ଟିନ୍ ।
ଦିଲ୍ଲୀରେ କଂଗ୍ରେସ ସରକାର ଗଢ଼ିଲେ ନାଗରିକତା ସଂଶଧୋନ ଆଇନକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିବ ବୋଲି କୁହାଯାଇଛି । ଘୋଷଣାପତ୍ରରେ କଂଗ୍ରେସ ଦର୍ଶାଇଛି ଦିଲ୍ଲୀର କଲୋନି ଗୁଡ଼ିକର ବିକାଶ ପାଇଁ ୫ ବର୍ଷରେ ୩୫ ହଜାର କୋଟି ଖର୍ଚ୍ଚ କରାଯିବ । ରାଜଧାନୀରେ ଥିବା ସମସ୍ତ ଝୁପୁଡ଼ି ଘରକୁ ପକ୍କାରେ ପରିଣତ କରାଯିବ ବୋଲି ମଧ୍ୟ ପ୍ରତିଶ୍ରୁତି ମିଳିଛି । ଦିଲ୍ଲୀ କଂଗ୍ରେସ ଅଧ୍ୟକ୍ଷ ସୁଭାଷ ଚୋପ୍ରା ଏବଂ ଦଳୀୟ ସଦସ୍ୟ ଆନନ୍ଦ ଶର୍ମା ଓ ଅଜୟ ମାକେନ ପ୍ରମୁଖ ଏହି ଅବସରରେ ଉପସ୍ଥିତ ଥିଲେ।