କରୋନା ମାରିଦେଲା ମାନବିକତା । କର୍ଣ୍ଣାଟକ ଓ ପଶ୍ଚିମବଙ୍ଗ ପରେ ଓଡିଶାରେ ଶବ ସତ୍କାରର ହୃଦୟବିଦାରକ ଚିତ୍ର । ଆମ୍ବୁଲାନ୍ସରୁ ମଶାଣୀକୁ ଟାଣି ଟାଣି ଶବ ନେଲେ ସଂପର୍କୀୟ ।ଜ୍ୱରରେ ମୃତ୍ୟୁ ପରେ କରୋନା ଭୟରେ ପାଖ ମାଡିନଥିଲେ ଗାଁ ଲୋକେ
କନକ ବ୍ୟୁରୋ : କରୋନା ମାରିଦେଲା ମାନବିକତା । କର୍ଣ୍ଣାଟକ ଓ ପଶ୍ଚିମବଙ୍ଗ ପରେ ଓଡିଶାରୁ ଆସିଛି ଶବସତ୍କାରର ଏକ ହୃଦୟ ବିଦାରକ ଚିତ୍ର । ଆମ୍ବୁଲାନ୍ସରୁ ମଶାଣୀକୁ ନେବା ପାଇଁ କାନ୍ଧ ନମିଳିବାରୁ ଟାଣି ଟାଣି ଶବ ନେଲେ ସଂପର୍କୀୟ । ଘଟଣାଟି ଘଟିଛି ଗଂଜାମ କବିସୂର୍ଯ୍ୟନଗରରେ । ଜ୍ୱରରେ ମୃତ୍ୟୁ ପରେ କରୋନା ଭୟରେ ପାଖ ମାଡିନଥିଲେ ଗାଁ ଲୋକେ । କବିସୂର୍ଯ୍ୟନଗର ଖରଡା ସାହିର ଜଣେ ଯୁବକ ଗଲା ଦଶ ଦିନ ହେଲା ଜ୍ୱରରେ ପିଡିତ ହୋଇଥିବାବେଳେ ଆମ୍ବୁଲାନ୍ସ ଯୋଗେ ତାଙ୍କୁ କୋଭିଡ ହସ୍ପିଟାଲକୁ ସ୍ତାନାନ୍ତରିତ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଆମ୍ବୁଲାନ୍ସ ଭିତରେ ହିଁ ତାଙ୍କର ମୃତ୍ୟୁ ହେବା ପରେ ତାଙ୍କ ଶବକୁ ତାଙ୍କ ସାହିକୁ ଫେରାଇ ନିଆଯାଉଥିଲା । ହେଲେ କରୋନା ଭୟରେ କେହି ଶବ ପାଖକୁ ଆସିନଥିଲେ । ଫଳରେ ସମ୍ପର୍କୀୟ ତାଙ୍କୁ ଟାଣି ଟାଣି ନେଇଥିଲେ । ଶେଷରେ ପୋଲିସ ପ୍ରଶାସନ ପକ୍ଷରୁ ଜେସିବି ସାହାଯ୍ୟରେ ନଦୀ ତଟରେ ଶବକୁ ପୋତି ଦିଆଯାଇଥିଲା । ଏପରିକି ସଂସ୍କାର ହେବା ପାଇଁ ମଧ୍ୟ ସାହି କୁଟୁମ୍ବ ମଧ୍ୟ କେହି ଆସିନଥିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି ।