ଆରବ ସାଗରରେ ଦାନା ବାନ୍ଧୁଛି ସାମୁଦ୍ରକି ବାୟୁ ହିକ୍କା : ଗୁଜରାଟରେ ପ୍ରବଳ ବର୍ଷା ସମ୍ଭାବନା
କନକ ବ୍ୟୁରୋ : ଗୁଜରାଟରେ ବିଗତ କିଛି ଦିନ ହେବ ଲଗାତାର ବର୍ଷା ହେଉଛି । ଉପକୂଳରେ ସୃଷ୍ଟି ହୋଇଥିବା ଡିପ୍ରେସନ ସାମୁଦ୍ରିକ ବାତ୍ୟାରେ ପରିଣତ ହୋଇସାରିଛି । ବାତ୍ୟାର ନାମ ଦିଆଯାଇଛି ହିକ୍କା । ତେବେ ଏହି ବାତ୍ୟା ଯୋଗୁଁ ଭାରତର ପଶ୍ଚିମ ଉପକୂଳରେ ବିଶେଷ ପ୍ରଭାବିତ ହେବାର ଆଶଙ୍କା ନାହିଁ । କିନ୍ତୁ ଏହାର ପ୍ରଭାବରେ ଗୁଜୁରାଟ,ତେଲେଙ୍ଗାନା, ଆନ୍ଧ୍ରପ୍ରଦେଶ ଓ କର୍ଣ୍ଣାଟକରେ ଆସନ୍ତା ୪୮ ଘଣ୍ଟା ପର୍ୟ୍ୟନ୍ତ ପ୍ରବଳ ବର୍ଷା ହେବ ବୋଲି ଜଣାପଡିଛି । ବାତ୍ୟା ପ୍ରଭାବରେ ଗୁଜୁରାଟରେ ପ୍ରବଳ ବେଗରେ ପବନ ବହିବାର ସମ୍ଭାବନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏହା ଆଜି ଦିନ ୧୧ଟା ୩୦ ମିନିଟ ସୁଦ୍ଧା ଗୁଜୁରାଟର ବେରାବଲଠାରୁ ୫୬୦ କିମି ଦକ୍ଷିଣ ପଶ୍ଚିମ ଦିଗରେ କେନ୍ଦ୍ରୀଭୂତ ହୋଇରହିଛି । ଏହା ଏବେ ଘଣ୍ଟାପ୍ରତି ୨୧ କିମି ବେଗରେ ଦକ୍ଷିଣ-ପଶ୍ଚିମ ଦିଗରେ ଗତି କରୁଛି । ଏହା ପଶ୍ଚିମମୁଖା ହୋଇ ଓମାନ ଆଡକୁ ଯିବାର ସମ୍ଭାବନା ରହିଛି । ଫଳରେ ଏହାର ବିଶେଷ ପ୍ରଭାବ ପଶ୍ଚିମ ଭାରତରେ ପଡିବାର ଆଶଙ୍କା ନାହିଁ । ତେବେ ଏହାର ପ୍ରଭାବରେ ଗୁଜୁରାଟ,ତେଲେଙ୍ଗାନା, ଆନ୍ଧ୍ରପ୍ରଦେଶ ଓ କର୍ଣ୍ଣାଟକରେ ଆସନ୍ତା ୪୮ ଘଣ୍ଟା ପର୍ୟ୍ୟନ୍ତ ପ୍ରବଳ ବର୍ଷା ହେବାର ସମ୍ଭାବନା ରହିଛି ବୋଲି ଆଇଏମଡି କହିଛି ।