ବାତ୍ୟା ଫୋନି ପାଇଁ ଆମ୍ବୁଲାନ୍ସ ସେବା ସମ୍ପୂର୍ଣ୍ଣ ପ୍ରସ୍ତୁତ ! ଜରୁରୀକାଳୀନ ପରିସ୍ଥିତିରେ କାଣନ୍ତୁ କେଉଁ ନମ୍ବର ଡାଏଲ କରିବେ ?
କନକ ବ୍ୟୁରୋ : ସ୍ଥଳଭାଗକୁ ପାଖେଇ ପାଖେଇ ଆସୁଛି ବାତ୍ୟା ଫୋନି । ଆସନ୍ତାକାଲି ୮ଟାରୁ ୧୦ ମଧ୍ୟରେ ପୁରୀରେ ଲ୍ୟାଣ୍ଡଫଲ କରିବ ବାତ୍ୟା ଫୋନି । ବାତ୍ୟା ବେଳେ ସଜାଗ ରହିବ ‘୧୦୮’ ଆମ୍ବୁଲାନ୍ସ । ବାତ୍ୟା ମୁକାବିଲା ପାଇଁ ବ୍ୟାପକ ପ୍ରସ୍ତୁତି କରାଯାଇଛି । ଜରୁରୀକାଳୀନ ପରିସ୍ଥିତିରେ ସେବା ଯୋଗାଇବା ପାଇଁ ସଜାଗ ରହିବ ଆମ୍ବୁଲାନ୍ସ । ବାତ୍ୟା ପ୍ରଭାବିତ ଜିଲ୍ଲାରେ ୨୫ଟି ଅତିରିକ୍ତ ଗାଡ଼ି ମୁତୟନ କରାଯାଇଛି । ବାତ୍ୟା ହେଉଥିବା ସମୟରେ ୧୦୮ ଓ ୧୦୨କୁ କଲ୍ କଲେ ତୁରନ୍ତ ସହାୟତା ମିଳିବ । ସାହାଯ୍ୟ ପାଇଁ ଅସ୍ଥାୟୀ ନମ୍ବରକୁ କଲ କରି ମଧ୍ୟ ଯୋଗାଯୋଗ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଆମ୍ବୁଲାନ୍ସ କର୍ମଚାରୀ ମାନଙ୍କର ଛୁଟିକୁ ଆସନ୍ତା ରବିବାର ପର୍ଯ୍ୟନ୍ତ ବାତିଲ କରାଯାଇଥିବାବେଳେ ହେଡ଼କ୍ୱାର୍ଟରରୁ ବାହାରକୁ କାହାକୁ ନଯିବାକୁ କୁହାଯାଇଛି । ବାତ୍ୟାର ପ୍ରକୋପକୁ ଆଶଙ୍କାକରୀ ଆମ୍ବୁଲାନ୍ସ ଗମନାଗମନ ପାଇଁ ଯଥେଷ୍ଟ ପରିମାଣର ଇନ୍ଧନ ଗଚ୍ଛିତ ରଖାଯାଇଛି । ଗାଡି ଗୁଡିକୁ ସମ୍ଭାବିତ ଜଳବନ୍ଦୀ ଅଞ୍ଚଳରୁ ଦୁରେଇ ଉଚ୍ଚା ସ୍ଥାନ ମାନଙ୍କରେ ରଖାଯାଇଛି । ବାତ୍ୟାରେ ମୋବାଇଲ ନେଟୱାର୍କ ବ୍ୟାଘାତ ଆଶଙ୍କା କରି ବିକଳ୍ପ ସୁରୂପ ଅଧିକ କିଛି ମୋବାଇଲ ନମ୍ବର ଆଣି ବିଭିନ୍ନ ସ୍ଥାନରେ ସହଜ ଯୋଗାଯୋଗ ପାଇଁ ପ୍ରଦାନ କରାଯାଇଛି । ଆହୁରୀ ମଧ୍ୟ ଜରୁରୀ କଲ୍ ଗୁଡ଼ିକ ରିସିଭ୍ କରିବା ପାଇଁ କଲ୍ ସେଣ୍ଟରରେ ୨୪ଘଣ୍ଟିଆ ସଜାଗ ରହିବା ପାଇଁ ନିର୍ଦ୍ଦେଶ ଦିଆଯାଇଛି ।”
୧୦୮ ଆମ୍ବୁଲାନ୍ସ ପାଇଁ ଡାଏଲ କରନ୍ତୁ -୦୬୭୪/-୭୧୫୪୩୧୦୮/୩୦୬୬୦୦୦
୧୦୨ ଆମ୍ବୁଲାନ୍ସ ସେବା ପାଇଁ ଡାଏଲ କରନ୍ତୁ -୦୬୭୪-୭୧୯୮୧୦୨