କନକ ବ୍ୟୁରୋ : ମଝି ନଈକୁ ଟାଣିନେଲା କୁମ୍ଭୀର । କେନ୍ଦ୍ରପଡା ରାଜନଗରରୁ ଏଭଳି ଏକ ଅଭାବନୀୟ ଘଟଣା ଘଟିଛି । ନଈରେ ଗାଧୋଉଥିବା ବେଳେ ୧୪ ବର୍ଷର ବାଳକକୁ କୁମ୍ଭୀର ଟାଣିନେଇଛି । ଡିଆପାରୀ ଗାଁର ବିଚିତ୍ର ସେଠୀଙ୍କ ପୁଅ ଶ୍ରୀକାନ୍ତ ସେଠୀ ନଈରେ ଗାଧୋଉଥିଲେ । ଏତିକିବେଳେ ହଠାତ ଏକ କୁମ୍ଭୀର ଝାମ୍ପ ମାରି ମଝି ନଈକୁ ପ୍ରକାଶଙ୍କୁ ଟାଣିନେଇଛି । ଗ୍ରାମବାସୀଙ୍କ ସହଯୋଗରେ ଅଗ୍ନିଶମ ଓ ବନବିଭାଗ ପକ୍ଷରୁ ଖୋଜାଖୋଜି ଚାଲିଛି । କୁମ୍ଭୀର ଆତଙ୍କରେ ଆତଙ୍କିତ ହୋଇପଡ଼ିଛନ୍ତି ରାଜନଗରବାସୀ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଆଜି ସକାଳେ ନଦୀରେ ଗାଧୋଉଥିବା ବେଳେ ଜଣେ ୧୪ ବର୍ଷୀୟ ବାଳକଙ୍କୁ କୁମ୍ଭୀର ନଦୀ ଭିତରକୁ ଟାଣି ନେଇଛି । ଖବର ପାଇ ଅଗ୍ନିଶମ ବିଭାଗ, ବନ ବିଭାଗର କର୍ମଚାରୀମାନେ ନଦୀକୂଳରେ ପହଞ୍ଚି ଗ୍ରାମବାସୀଙ୍କ ସହଯୋଗରେ କୁମ୍ଭର ଟାଣି ନେଇଥିବା ବାଳକଙ୍କୁ ଠାବ କରିବା ପାଇଁ ଉଦ୍ୟମ ଚଳାଇଛନ୍ତି । ନଦୀକୁଳରେ ଥିବା ଲୋକେ କୁମ୍ଭୀର ଠାରୁ ଶ୍ରୀକାନ୍ତଙ୍କୁ ଉଦ୍ଧାର କରିବାକୁ ଉଦ୍ୟମ କରିଥିଲେ ମଧ୍ୟ ଏଥିରେ ସଫଳ ହୋଇ ପାରି ନ ଥିଲେ । ଶ୍ରୀକାନ୍ତଙ୍କ ମାଆ ଓ ପରିବାର ଲୋକଙ୍କ ବୁକୁଫଟା କାନ୍ଦରେ ସମଗ୍ର ଅଞ୍ଚଳ ଶୋକାକୁଳ ହୋଇଉଠିଛି । ତେବେ ବନବିଭାଗ ନଦୀର ଗାଧୁଆ ତୁଠରେ ସୁରକ୍ଷା ବାଡ଼ ଦେଉ ନ ଥିବାରୁ ଲୋକେ କୁମ୍ଭୀରମାନଙ୍କ ଶିକାର ହେଉଛନ୍ତି ବୋଲି ଲୋକେ ଅଭିଯୋଗ କରିଛନ୍ତି ।