କନକ ବ୍ୟୁରୋ : ସମ୍ବଲପୁରରେ ଏନକାଉଣ୍ଟର । ଆଜି ଭୋର ସମୟରେ ସିଟିଷ୍ଟେସନ ନିକଟରେ ଫୁଟିଛି ଗୁଳି । ପୋଲିସ ଗୁଳିରେ ଆହତ ହୋଇ ଧରାପଡିଛି କୁଖ୍ୟାତ ଅପରାଧୀ ବିଟୁ ଓରଫ ମୌସମ୍ ଅଖତର । ବିଟୁର ଡାହାଣ ଗୋଡରେ ବାଜିଛି ଗୁଳି । ତା ନିକଟରୁ ଗୋଟିଏ ପିସ୍ତଲ, ଜୀବନ୍ତ ଗୁଳି, ୪ ହଜାର ଟଙ୍କା ଜବତ କରିଛି ପୋଲିସ । ବିଶେଷ ସୂତ୍ରରୁ ଖବର ପାଇ ଧନୁପାଲି ପୋଲିସ ଓ ସ୍ପେଶାଲ ସ୍କ୍ୱାର୍ଡ, ସିଟି ଷ୍ଟେସନ ନିକଟରେ ବିଟୁକୁ ଘେରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ପୋଲିସକୁ ଦେଖି ବିଟୁ ପୋଲିସ ଉପରକୁ ପ୍ରଥମେ ଗୁଳି ଚଳାଇ ଖସିଯିବାକୁ ଉଦ୍ୟମ କରିବା ବେଳେ ପୋଲିସ ତାକୁ ଏନକାଉଣ୍ଟର କରିଥିଲା । ଏହି ସମୟରେ ବିଟୁର ଆଉ ଜଣେ ସହ ଯୋଗୀ ଫେରାର ହୋଇଯାଇଥିବା ସୂଚନା ମିଳିଛି । ତାକୁ ଧରିବା ନିମନ୍ତେ ପୁଲିସ ଉଦ୍ୟମ ଚାଲୁ ରଖିଛି। ଚିକିତ୍ସା ନିମନ୍ତେ ଆହତ ବିଟ୍ଟୁକୁ ସମ୍ବଲପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ବିଟ୍ଟୁ ନାମରେ ସମ୍ବଲପୁର ଜିଲ୍ଲାର ବିଭିନ୍ନ ଥାନାରେ ୧୫ରୁ ଅଧିକ ମାମଲା ରହିଛି । ଏହି ଏନ୍କାଉଣ୍ଟର୍ ସମୟରେ ସାମାନ୍ୟ ଆହତ ହୋଇଥିବା ଜଣେ ଏଏସଆଇ ମଧ୍ୟ ସେଠାରେ ଚିକିତ୍ସିତ ହୋଇଛନ୍ତି।