କନକ ବ୍ୟୁରୋ: ଆଜିର ଦୁନିଆ କହୁଛି ପୁଅ ଓ ଝିଅ ମଧ୍ୟରେ କୌଣସି ପାର୍ଥକ୍ୟ ନାହିଁ । ଯଦି ଝିଅ ଉଚ୍ଚଶିକ୍ଷିତା, ଚାକିରି କରୁଛି ସେ ସ୍ବାଧିନ ଜୀବନ ବଞ୍ଚୁଛି, ପୁରୁଣା ବନ୍ଧନରୁ ମୁକ୍ତି ପାଇପାରିବ । କିନ୍ତୁ ଯେତେବେଳେ ଯୌତୁକ ଯାତନାରେ ଜଣେ ଝିଅର ଜୀବନ ଯାଉଛି ସେତେବେଳେ କଥାଟି କେବଳ ଏକ ସ୍ବପ୍ନ କରି ଲାଗୁଛି । ବେଙ୍ଗାଲୁରୁର ଆସିଥିବା ଛାତିଥରା ଘଟଣା ଏହାର ଏକ ତାଜା ଉଦାହରଣ ।

Advertisment

ଝିଅର ସ୍ବପ୍ନକୁ ପୂରା କରାଇବାକୁ ବାପା ମା ବେଶ କଷ୍ଟ କରିଥିଲେ । ଅଭାବ ଅନଟନ ଭିତରେ ପାଠପଢ଼ାଇ ଉଚ୍ଚଶିକ୍ଷିତା କରାଇଥିଲେ । ଯେତେବେଳେ ନିଜ ଗୋଡରେ ନିଜେ ଛିଡା ହେଲା,  ଭଲ ଘର, ଭଲ ବର ଦେଖି ଶିଳ୍ପାଙ୍କୁ ବିବାହ କରାଇବା  ସହ ଶାଶୂଘର ଲୋକ ଦାବି ମୁତାବକ ଟିକିନିକି ସବୁ ସାମାନପତ୍ର, ନଗଦଟଙ୍କା,ଅଳଙ୍କାର, ଗାଡି ଦେଇଥିଲେ । ଏପରିବି ଯୌତୁକ ଦାବି ପୂରା କରିବାକୁ  ଘର ବିକିବାକୁ ମଧ୍ୟ ପଛେଇନଥିଲେ । ହେଲେ ସବୁ କିଛି ଛାରଖାର କରିଦେଲେ ଯୌତୁକ ରାକ୍ଷାସ । ଗର୍ଭବତୀ ବୋହୂକୁ ଏତେ ମାନସିକ ଓ ଶାରିରିକ ଯାତନା ଦେଲେ ଯେ ଶେଷରେ ଶିଳ୍ପା ଜୀବନ ହାରିଥିବା ଅଭିଯୋଗ ହୋଇଛି । ଘଟଣା ବେଙ୍ଗାଲୁରୁର । ଘର ଭିତରୁ ମିଳିଛି ଝୁଲନ୍ତା ଅବସ୍ଥାରେ ମିଳିଛି ମୃତଦେହ । ଅଭିଯୋଗ ରହିଛି 

ଜୀବନ ହାରିଲେ ସଫ୍ଟୱେର ଇଞ୍ଜିନିୟର
- ବିବାହ ସମୟରେ ଶିଳ୍ପାଙ୍କ ଘରଲୋକ ୪୫ ଲକ୍ଷ ଟଙ୍କାର ଯୌତୁକ ଦେଇଥିଲେ
-୧୫ ଲକ୍ଷ ନଗଦ ଟଙ୍କା, ୧୫୦ ଗ୍ରାମ୍ ସୁନା ଓ ୫ ଲକ୍ଷ ଟଙ୍କାର ଆସବାବପତ୍ର
-ବାହାଘରର ଗୋଟିଏ ବର୍ଷ ପରେ ପୁଣି ୧୦ ଲକ୍ଷ ଟଙ୍କା ମାଗିଥିଲେ 
-ଉପାୟ ନପାଇ ଘର ବିକିଥିଲେ ଶିଳ୍ପାଙ୍କ ବାପାମାଆ
-୧୦ ଲକ୍ଷ ଟଙ୍କା ପାଇବା ପରେ ସ୍ବାମୀ ପ୍ରବୀଣ ଚାକିରି ଛାଡ଼ିଥିଲେ
-ବେଙ୍ଗାଲୁରୁରେ ଗୁପଚୁପ୍ ବେପାର ଆରମ୍ଭ କରିଥିଲେ
-ପୁଣି ଘରୁ ଟଙ୍କା ଆଣିବା ପାଇଁ ଶିଳ୍ପାଙ୍କୁ ମାନସିକ ଓ ଶାରୀରିକ ନିର୍ଯାତନା ଦେଉଥିଲେ
-୩ ବର୍ଷର ନିର୍ଯାତନା ସହି ନପାରି ଗର୍ଭବତୀ ଶିଳ୍ପା ଆତ୍ମହତ୍ୟା କରିଥିବା ଅଭିଯୋଗ
ଶିଳ୍ପା ଓ ପ୍ରବୀଣଙ୍କର ଏକ ବର୍ଷର ପୁଅ ଅଛି 

ପାରିପାର୍ଶ୍ୱିକ ସ୍ଥିତି ଦେଖି ଝିଅ ଆତ୍ମହତ୍ୟା ନୁହେଁ ତାକୁ ହତ୍ୟା କରିଥିବା ଶିଳ୍ପାଙ୍କ ବାପା ମା ଅଭିଯୋଗ କରିଛନ୍ତି । ସ୍ବାମୀ ପ୍ରବୀଣଙ୍କୁ ଗିରଫ କରିଛି ବେଙ୍ଗାଲୁରୁ ପୁଲିସ । ଗତ କିଛି ଦିନ ହେବ ଦେଶର ବିଭିନ୍ନ କୋଣରୁ ଆସୁଛି ଲୋମଟାଙ୍କୁରା, ଛାତିଥରା ଯୌତୁକ ଜନିତ ହତ୍ୟା ଓ ଆତ୍ମହତ୍ୟା ମାମଲା । କେଉଁଠି କିଏ ବୋହୂକୁ ଜାଳି ଦେଉଛି ତ ପୁଣି କେଉଁଠି ବିଷ ଦେଇ ହତ୍ୟା କରୁଛି ।ପ୍ରଶ୍ନ ଉଠୁଛି ଆଉ କେତେ ଜୀବନ ନେବ ଯୌତୁକ ଯାତନା?