ବିଶ୍ୱ ସ୍ୱାସ୍ଥ୍ୟ ସଂଗଠନର ‘ସେଫ ହ୍ୟାଣ୍ଡସ ଚ୍ୟାଲେଞ୍ଜ’ : ଅଭିନେତ୍ରୀ ଦୀପିକା ପାଦୁକୋନ ଓ ପ୍ରିୟଙ୍କା ଚୋପ୍ରାଙ୍କୁ ଟ୍ୱିଟରରେ ଟ୍ୟାଗ କଲେ ଡବ୍ଲୁଏଚଓ ନିର୍ଦ୍ଦେଶକ
କନକ ବ୍ୟୁରୋ : କୋଭିଡ-୧୯ ବା ନୋଭେଲ କରୋନା ଭାଇରସକୁ ବିଶ୍ୱବ୍ୟାପୀ ମହାମାରୀ ଘୋଷଣା କରିଛନ୍ତି ବିଶ୍ୱ ସ୍ୱାସ୍ଥ୍ୟ ସଂଗଠନ । ଏଥିପାଇଁ ବିଭିନ୍ନ କାର୍ଯ୍ୟକ୍ରମ, ପୁରସ୍କାର ବିତରଣ ଉତ୍ସବ ଠାରୁ ଆରମ୍ଭ କରି ସାକ୍ଷାତକାର ଓ ଫିଲ୍ମର ସୁଟିଂ ମଧ୍ୟ ବାତିଲ ହେଉଛି । ହେଲେ ବାରମ୍ବାର କୁହାଯାଉଛି ଭୟଭୀତ ହେବା ଅପେକ୍ଷା ଭାଇରସର ମୁକାବିଲା ପାଇଁ ସଚେତନତା ସୃଷ୍ଟି କରିବା ଜରୁରୀ । ଆଉ ସେଥିପାଇଁ ବିଶ୍ୱ ସ୍ୱାସ୍ଥ୍ୟ ସଂଗଠନ- ଡବ୍ଲୁଏଚଓ ଆରମ୍ଭ କରିଛନ୍ତି ‘ସେଫ ହ୍ୟାଣ୍ଡସ ଚ୍ୟାଲେଞ୍ଜ’ । ଡବ୍ଲୁଏଚଓର ନିର୍ଦ୍ଦେଶକ ଟ୍ୱିଟ କରି ଅନେକ ପ୍ରତିଷ୍ଠିତ ବ୍ୟକ୍ତିଙ୍କୁ ଏହି ଚ୍ୟାଲେଞ୍ଜ ନେବା ପାଇଁ ଅନୁରୋଧ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଟ୍ୱିଟରରେ ଲେଖିଛନ୍ତି ବିଶ୍ୱସ୍ତରୀୟ ପ୍ରତିଷ୍ଠିତ କଳାକାର ଏହି ସେଫ ହ୍ୟାଣ୍ଡସ ଚ୍ୟାଲେଞ୍ଜକୁ ଗ୍ରହଣ କରି ନିଜର ଭିଡିଓ ପୋଷ୍ଟ କରନ୍ତୁ ଓ ଅନ୍ୟ ତିନିଜଣଙ୍କୁ ଏହି ଚ୍ୟାଲେଞ୍ଜ ଗ୍ରହଣ କରିବା ପାଇଁ ଅନୁରୋଧ କରନ୍ତୁ । ଆମେ ସମସ୍ତେ ମିଳିମିଶି ଏହି ମାରାତ୍ମକ ଭୂତାଣୁର ମୁକାବିଲା କରିପାରିବା । ସବୁଠାରୁ ବଡକଥା ହେଉଛି ବିଶ୍ୱସ୍ତରୀୟ ଅଭିନେତ୍ରୀ ଦୀପିକା ପାଦିକୋନ ଏବଂ ପ୍ରିୟଙ୍କା ଚୋପ୍ରାଙ୍କୁ ଏହି ଚ୍ୟାଲେଞ୍ଜ ଗ୍ରହଣ କରିବା ପାଇଁ ଟ୍ୱିଟରରେ ଟ୍ୟାଗ କରିଛନ୍ତି ଡବ୍ଲୁଏଚଓର ନିର୍ଦ୍ଦେଶକ । ଲୋକଙ୍କ ପାଖରେ ସଚେତନତାର ବାର୍ତା ପହଂଚାଇବା ପାଇଁ ଅନେକ ବିଶ୍ୱସ୍ତରୀୟ କଳାକାରଙ୍କୁ ଏହି ସେଫ ହ୍ୟାଣ୍ଡସ ଚ୍ୟାଲେଞ୍ଜ ସହିତ ଯୋଡିବା ଆରମ୍ଭ କରିଛନ୍ତି ବିଶ୍ୱ ସ୍ୱସ୍ଥ୍ୟ ସଂଗଠନ ।
କରୋନା ଭୂତାଣୁ ସଂକ୍ରମଣରୁ କେମିତି ନିଜ ହାତକୁ ସଫା ରଖିବେ ।
ପ୍ରଥମେ ଦୁଇ ହାତକୁ ଭଲଭାବେ ରନିଂ ୱାଟର ବା ଚଳନ୍ତା ପାଣିରେ ଧୁଅନ୍ତୁ । ଅର୍ଥାତ ଟ୍ୟାପ ପାଣିରେ ସଫା କରନ୍ତୁ । ପ୍ରଚୁର ମାତ୍ରାରେ ସାବୁନ ନେଇ ଦୁଇ ହାତରେ ଭଲଭାବେ ବୋଳି ଦିଅନ୍ତୁ । ପାପୁଲିରେ ପାପୁଲି ମିଶାଇ ଭଲଭାବେ ରଗଡି ଦିଅନ୍ତୁ । ବାମ ପାପୁଲିର ଉପର ପଟ ଓ ଆଙ୍ଗୁଠି ସନ୍ଧିକୁ ଡାହାଣ ହାତର ପାପୁଲି ଓ ଆଙ୍ଗୁଠି ସାହାଯ୍ୟରେ ରଗଡି ରଗଡ଼ି ଧୁଅନ୍ତୁ । ଏବେ ଡାହାଣ ପାପୁଲିରେ ସମାନ କୌଶଳ ଆପଣାନ୍ତୁ । ପାପୁଲି ସହ ପାପୁଲି ଓ ଆଙ୍ଗୁଠି ସହ ଆଙ୍ଗୁଠି ମିଶାଇ ରଗଡନ୍ତୁ । ଦୁଇ ପାପୁଲିର ଆଙ୍ଗୁଠିକୁ ଅଧା ମୁଠା କରି ପରସ୍ପର ବିରୋଧରେ ରଗଡନ୍ତୁ । ଦୁଇ ହାତ ବୁଢା ଆଙ୍ଗୁଠିକୁ ଗୋଟିକ ପରେ ଗୋଟିଏ ରଗଡନ୍ତୁ । ଆଙ୍ଗୁଠିର ଅଗ୍ରଭାଗକୁ ପାପୁଲି ଉପରେ ରଖା ଭଲଭାବେ ରଗଡନ୍ତୁ । ଏବେ ପୁଣିଥରେ ଚଳନ୍ତା ପାଣିରେ ଦୁଇ ହାତର ସାବୁନକୁ ଭଲଭାବେ ସଫା କରିନିଅନ୍ତୁ । ଶୁଖିଲା ତଉଲିଆରେ ଦୁଇ ହାତକୁ ପୋଛି ସଫା କରନ୍ତୁ । ଏବଂ ସେହି ତଉଲିଆରେ ପାଣି ଟ୍ୟାପକୁ ବନ୍ଦ କରନ୍ତୁ ।