ଦେଶରେ ହୁ ହୁ ହୋଇ ବଢି ଚାଲିଛି ଆକ୍ରାନ୍ତଙ୍କ ସଂଖ୍ୟା : ବଢ଼ିପାରେ ଲକଡାଉନ୍ ଅବଧି ,ସର୍ବଦଳୀୟ ବୈଠକରେ ପ୍ରଧାନମନ୍ତ୍ରୀ ମୋଦିଙ୍କ ସଙ୍କେତ
କନକ ବ୍ୟୁରୋ : ଏପ୍ରିଲ ୧୪ ତାରିଖରେ ନହଟିପାରେ ଲକଡାଉନ୍ । ସର୍ବଦଳୀୟ ବୈଠକରେ ପ୍ରଧାନମନ୍ତ୍ରୀ ମୋଦି ଏନେଇ ସଂକେତ ଦେଇଛନ୍ତି । ଦେଶରେ ହୁ ହୁ ହୋଇ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି । ତେଣୁ ତାଲା ବନ୍ଦ ଆସନ୍ତା ୧୪ ତାରିଖରେ ହଟି ନପାରେ ବୋଲି ଚର୍ଚ୍ଚା ହେଉଛି । ତେବେ ତାଲା ବନ୍ଦ ବଳବତ୍ତର ରଖିବା ସପକ୍ଷରେ ଅନେକ ରାଜ୍ୟ ସରକାର ସର୍ବଦଳୀୟ ବୈଠକରେ ମତ ଦେଇଛନ୍ତି । ଏନେଇ ବିଜେଡି ସାଂସଦ ପିନାକୀ ମିଶ୍ର ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କରୋନା ପାଇଁ ମାର୍ଚ୍ଚ ୨୪ ତାରିଖରୁ ଏପ୍ରିଲ ୧୪ ଯାଏ ଦେଶରେ ୨୧ ଦିନିଆ ଲକଡାଉନ୍ ଜାରି ହୋଇଥିବା ବେଳେ ଏହି ଅବଧି ବଢିବ ନା ହଟିଯିବ ସେନେଇ ଚର୍ଚ୍ଚା ଜୋର ଧରିଛି । ଏନେଇ ଆଜି ଦେଶର ବିଭିନ୍ନ ଦଳର ନେତାଙ୍କ ସହ ଭିଡିଓ କନଫରେନ୍ସିଂରେ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ । ସର୍ବଦଳୀୟ ବୈଠକରେ ମାଗଣାରେ କରୋନା ଆକ୍ରାନ୍ତଙ୍କ ଚିକିତ୍ସା ସହ ୫ ପ୍ରସ୍ତାବ ରଖିଛନ୍ତି ବିରୋଧୀ ।
ଗତ ସପ୍ତାହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଭିଡିଓକନଫରେନ୍ସିଂ ସମୟରେ ଲକଡାଉନ ଶେଷ କରିବା ପାଇଁ ଏକ ମିଳିତ ଯୋଜନା ଉପରେ ଗୁରୁତ୍ୱ ଦେଇଥିଲେ । ତେବେ କରୋନା ସଂକ୍ରମଣ ବଢିଚାଲିଥିବା ଦୃଷ୍ଟିରୁ କଟକଣାକୁ ଆହୁରି ବଢାଇବାକୁ କେତେକ ରାଜ୍ୟ ଦାବି କରିଥିଲେ । ବିଭିନ୍ନ ବିଷେଷଜ୍ଞମାନେ ମଧ୍ୟ ଲକଡାଉନ ଅବଧିକୁ ବଢାଇବାକୁ ସୁପାରିଶ କରିଛନ୍ତି । ଗତ ମାର୍ଚ୍ଚ ୨୪ରେ ପ୍ରଧାନମନ୍ତ୍ରୀ ମୋଦୀ ଦେଶରେ ୨୧ ଦିନିଆ ଲକଡାଉନ ଘୋଷଣା କରିଥିଲେ ।