ଯାଜପୁରର କଣ୍ଟେନମେଣ୍ଟ ଜୋନ ଉପରେ କଡା ନଜର : ପ୍ରବେଶ ପଥ ସିଲ କରି ଯାଂଚ କରୁଛି ପୁଲିସ, ଅନ୍ତଃଜିଲ୍ଲା ସୀମାରେ ବି ଚେକିଂ ଜୋରଦାର
କନକ ବ୍ୟୁରୋ : ଯାଜପୁରରେ ସୋମବାର ଆଉ ୪ ଟି କରୋନା ପଜିଟିଭି ଚିହ୍ନଟ ପରେ ପ୍ରଶାସନ ପଦକ୍ଷେପ । ଏରବାଙ୍କ ପଂଚାୟତର ୩ଟି ଗାଁକୁ କଣ୍ଟେନମେଣ୍ଟ ଜୋନ ଘୋଷଣା କରିଛି ଜିଲ୍ଲା ପ୍ରଶାସନ । ଏରବାଙ୍କ, ଇନ୍ଦାରୋଇ ଓ ରଘୁନାଥପୁର ଗାଁକୁ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି । ଏହାପରେ ପୁଲିସ ପ୍ରଶାସନ ତରଫରୁ ତିନି ଗାଁର ପ୍ରବେଶ ପଥକୁ ସିଲ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗାଁରୁ କେହି ବାହାରିବା ଉପରେ କଟକଣା ରହିଥିବା ବେଳେ ଗାଁ ଭିତରକୁ କୌଣସି ଲୋକଙ୍କୁ ଛଡା ଯାଉ ନାହିଁ । ଏହି ତିନି ଗାଁରେ ମେ ୧୮ ତାରିଖ ପର୍ଯ୍ୟନ୍ତ କଂଟେନମେଂଟ ଜୋନ ଜାରି ରହିବ । ସେହିପରି ଆଜି ଯାଜପୁର ଜିଲ୍ଲାର ୪ଟି ଗାଁ ଯାଜପୁର ବ୍ଲକର ପଣସା ଓ ବାସୁଦେବପୁର ଗାଁ, କୋରେଇ ବ୍ଲକର ମୁକନ୍ଦପୁର ଓ ଦଶରଥପୁର ବ୍ଲକର ବିରଜାପୁର ଗାଁର କଂଟେନମେଂଟ ଜୋନ ଅବଧି ଆଜି ଶେଷ ହୋଇଥାନ୍ତା । ତେବେ ଏହି ୪ଟି ଗାଁର କଂଟେନମେଂଟ ଜୋନ ଅବଧିକୁ ମେ ୧୮ ତାରିଖ ଯାଏଁ ବୃଦ୍ଧି କରାଯାଇଥିବା ଘୋଷଣା କରିଛି ଜିଲ୍ଲାପ୍ରଶାସନ ।