ତାଲାବନ୍ଦର ଫାଇଦା ଉଠାଉଛନ୍ତି ଖୁଚୁରା ପରିବା ବେପାରୀ : ଘଡ଼ି ଘଡ଼ିକେ ନିର୍ଦ୍ଧାରଣ ହେଉଛି ଦର
କନକ ବ୍ୟୁରୋ : ତାଲା ବନ୍ଦ ଯୋଗୁଁ ଖୁଚୁରା ପରିବା ବେପାରୀଙ୍କୁ ମଉକା ମିଳିଛି। ମନଇଚ୍ଛା ଦର କରୁଛନ୍ତି । ଘଡ଼ି ଘଡ଼ିକେ ଦର ନିର୍ଦ୍ଧାରଣ ହେଉଛି । କହିବାକୁ କେହି ନାହିଁ । ଯେମିତି ପାରିଲେ ସେମିତି ଖାଉଟିଙ୍କୁ ଶୋଷିଲେ । ପାଇକାରୀ ଦର ଓ ଖୁଚୁରା ଦର ମଧ୍ୟରେ ଆକାଶପାତାଳ ଫରକ୍ । ପାଇକାରୀ ଦର କିଏ କେଉଁଠି ନିର୍ଦ୍ଧାରଣ କରୁଛି, ତାହା ଖାଉଟି ଜାଣିବା ସମ୍ଭବ ହେଉନାହିଁ ।
Kanak News is now on WhatsApp
Join and get latest news updates delivered to you via WhatsApp
ମଙ୍ଗଳବାର କ୍ୟାପିଟାଲ ହାଟରୁ ପରିବା କିଣିଥିବା କିଛି ଗ୍ରାହକଙ୍କ ସୂଚନାନୁସାରେ ପରିବା ଦର ବେଶ୍ ଭଲ ରହିଛି । କେବଳ ପୋଟଳକୁ ବାଦ୍ ଦେଲେ ଅନ୍ୟ ସବୁ ପରିବା ହାରାହାରି ୨୦ଟଙ୍କାରେ ବିକ୍ରି ହୋଇଥିଲା । କାପ୍ସିକମ୍ ଭଳି କିଛି ପରିବା କମ୍ ଦର(କିଲୋ ୧୦ ଟଙ୍କା)ରେ ମିଳୁଛି । ପୋଟଳ କିଲୋ ୬୦ରୁ ଅଧିକ ରହିଥିଲା । ମାତ୍ର କ୍ୟାପିଟାଲ ହାଟ ଦର ସହିତ ଭରତପୁରରେ ପରିବା ଦର ତୁଳନା କଲେ, ଖାଉଟିମାନେ କିଭଳି ଶୋଷଣର ଶିକାର ହେଉଛନ୍ତି, ତାହା ଜଳଜଳ ଦେଖାଯିବ । ଭରତପୁରରେ କୌଣସି ସବୁଜ ପରିବା କିଲୋ ୬୦ ଟଙ୍କାରୁ ତଳକୁ ନାହିଁ ବୋଲି ସ୍ଥାନୀୟ ଲୋକେ କହିଛନ୍ତି । ସେହିଭଳି ଡୁମୁଡୁମା ଅଞ୍ଚଳରେ ମଧ୍ୟ କେଉଁଠି କେତେବେଳେ କି ଦର ରହୁଛି, ଖାଉଟିମାନେ ବୁଝିବା ସମ୍ଭବ ହେଉନାହିଁ । ମଙ୍ଗଳବାର ଡୁମୁଡୁମାରେ ସାପ୍ତାହିକ ହାଟ ପାଳିଥିବାରୁ ଲୋକମାନେ ଭଲ ଦରରେ ପରିବା କିଣିଛନ୍ତି । କିନ୍ତୁ କଳିଙ୍ଗନଗର, ତମାଣ୍ଡୋ ଓ ଯାଁଳାରେ ପରିବା ଚଢ଼ା ଦରରେ ବିକ୍ରି ହୋଇଛି ।