ନିୟମ ଉଲ୍ଲଂଘନ କରି ଜୋରିମାନା ଦେବେ ପୋଲିସବାବୁ : ୨ଜଣଙ୍କୁ ବସାଇ ନେଉଥିଲେ, ଚାଲାଣ କାଟିବାକୁ ପୁଲିସ କମିଶନରଙ୍କ ନିର୍ଦ୍ଦେଶ

କନକ ବ୍ୟୁରୋ : ପୋଲିସଙ୍କୁ ବି ନୂଆ ମୋଟର ଯାନ ଆଇନର ଭୟ । ନିୟମ ଉଲ୍ଲଂଘନ କରି ତଣ୍ଡ ଗଣିବେ ପୋଲିସ୍ ବାବୁ । ନିଜ ଗାଡ଼ିରେ ଦୁଇଜଣଙ୍କୁ ବସାଇ ନେଉଥିଲେ ପୁଲିସ ବାବୁଙ୍କୁ ଏବେ ଫାଇନ ଦେବାକୁ ପଡିବ । ଖୋଦ ଏହି ନିର୍ଦ୍ଦେଶ ଦେଇଛନ୍ତି ପୁଲିସ କମିଶନର ଡ଼. ସୁଧାଂଶୁ ଷଡ଼ଙ୍ଗୀ ।  ସୂଚନା ମୁତାବକ ନିଜ ହୋଣ୍ଡା ଆକ୍ଟିଭା ଗାଡ଼ିରେ ପୁଲିସ ବାବୁ ଜଣକ ନିଜ ସହ ଅନ୍ୟ ଦୁଇ ଜଣଙ୍କୁ ବସାଇ ଭୁବନେଶ୍ୱର ରାସ୍ତାରେ ବେଧଡକ ଭାବେ ବୁଲୁଥିଲେ । ଯାହାକୁ ନେଇ ଜଣେ ବ୍ୟକ୍ତି କମିଶନରଙ୍କୁ ଟ୍ୱିଟ କରିଥିଲେ।

ଏହି ସୂଚନା ପାଇବା ପରେ ପୁଲିସ ବାବୁଙ୍କର ମଧ୍ୟ ଚାଲାଣ କଟାଯିବ ବୋଲି କମିଶନର ନିର୍ଦ୍ଦେଶ ଦେଇଛନ୍ତି | ସୂଚନା ମୁତାବକ ହୋଣ୍ଡା ଆକ୍ଟିଭା ଗାଡି ଓଡି ୦୨ ଏଏମ ୯୩୫୮ ଗାଡିର ମାଲିକ ହେଉଛନ୍ତି ସନ୍ତୋଷ କୁମାର ଭଞ୍ଜ |