ନିର୍ବାଚନ ପୂର୍ବରୁ ରାହୁଲଙ୍କ ବଡ଼ ଘୋଷଣା ! କଂଗ୍ରେସ ସରକାର ଗଢ଼ିଲେ ଏକ ବର୍ଷରେ ୨୨ ଲକ୍ଷ ନିଯୁକ୍ତି
କନକ ବ୍ୟୁରୋ : ରୋଜଗାର ଦେବାରେ ଫେଲ ହୋଇଛନ୍ତି ମୋଦି ସରକାର । ୨୦୧୪ରେ ମୋଦି ସରକାର ଦେଇଥିବା ପ୍ରତିଶ୍ରୁତି ପାଳନ ହୋଇନି । ମୋଦି ସରକାରଙ୍କୁ ଟାର୍ଗେଟ କରିବା ସହ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ନିର୍ବାଚନ ପୂର୍ବରୁ ବଡ଼ ଘୋଷଣା କରିଛନ୍ତି । କଂଗ୍ରେସ କ୍ଷମତାକୁ ଆସିଲେ ଏକ ବର୍ଷ ମଧ୍ୟୋର ୨୨ ଲକ୍ଷ ସରକାରୀ ଚାକିରି ଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି କଂଗ୍ରେସ ଅଧ୍ୟକ୍ଷ । କେବଳ ପ୍ରତିଶ୍ରୁତି ଦେଇ ନାହାନ୍ତି ରାହୁଲ, ପୂରଣ କରିବା ପାଇଁ ତାରିଖ ମଧ୍ୟ ଦେଇଛନ୍ତି । କଂଗ୍ରେସ ଦଳ କ୍ଷମତାକୁ ଆସିଲେ ଆସନ୍ତା ବର୍ଷ ୩୧ ମାର୍ଚ୍ଚ ପର୍ଯ୍ୟନ୍ତ ୨୨ ଲକ୍ଷ ସରକାରୀ ଚାକିରି ସୁଯୋଗ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ମୋଦି ସରକାରଙ୍କୁ ରୋଜଗାର ମୁଦ୍ଦାରେ ଘେରିବା ସହ ଲୋକସା ନିର୍ବାଚନର ଠିକ ଦଶ ଦିନ ପୂର୍ବରୁ ଏପରି ଘୋଷଣା କରିଛନ୍ତି ରାହୁଲ ଗାନ୍ଧୀ । ରାହୁଲଙ୍କ ଏହି ଘୋଷଣା ଗୁରୁତ୍ୱ ବହନ କରୁଛି । ଟ୍ୱିଟ ଜରିଆରେ ଏହି ପ୍ରତିଶ୍ରୁତି ଦେଇଛନ୍ତି ରାହୁଲ ଗାନ୍ଧୀ । ରାହୁଲ କହିଛନ୍ତି ବର୍ତ୍ତମାନ ସମୟରେ ଦେଶରେ ପାଖାପାଖି ୨୨ ଲକ୍ଷ ସରକାରୀ ଚାକିରି ପାଇଁ ପଦବୀ ଖାଲି ପଡ଼ିଛି । ରାହୁଲ କହିଛି କଂଗ୍ରେସ ସରକାରେ ଗଡ଼ିଲେ ୩୧ ମାର୍ଚ୍ଚ ୨୦୨୦ ପର୍ଯ୍ୟନ୍ତି ସମସ୍ତ ପଦବୀ ପୂରଣ କରାଯିବ ।
ଏହାପୂର୍ବରୁ ଗତକାଲି ଆନ୍ଧ୍ରପ୍ରଦେଶ ବିଜୟୱାଡ଼ାରେ ମଧ୍ୟ ଅନେକ ପ୍ରତିଶ୍ରୁତି ଦେଇଛନ୍ତି ରାହୁଲ ଗାନ୍ଧୀ । ଲୋକସଭା ନିର୍ବାଚନରେ କଂଗ୍ରେସ କ୍ଷମତାକୁ ଆସିଲେ ଦାରିଦ୍ର୍ୟ ବିରୋଧରେ ସର୍ଜିକାଲ ଷ୍ଟ୍ରାଇକ୍ ହେବ । ଆନ୍ଧ୍ର ପ୍ରଦେଶକୁ ସ୍ବତନ୍ତ୍ର ରାଜ୍ୟ ପାହ୍ୟା ମାନ୍ୟତା ମିଳିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ଗରିବମାନଙ୍କ ପ୍ରତି ଆଦୌ ଦରଦ ନାହିଁ ବୋଲି କହି କାଲି ବର୍ଷିଥିଲେ ରାହୁଲ ।