କଂଗ୍ରେସ ପରାଜୟର କାରଣ ଖୋଜୁଛି କଂଗ୍ରେସ : ରାଜ୍ୟ କାର୍ଯ୍ୟାଳୟରେ ସମୀକ୍ଷା ବୈଠକ, ରାଜ୍ୟ ପ୍ରଭାରୀ ଜିତେନ୍ଦ୍ର ସିଂ, ପିସିସି ସଭାପତିଙ୍କ ସମେତ ବିଜୟୀ ଓ ପରାଜିତ ପ୍ରାର୍ଥୀ ସାମିଲ
କନକ ବ୍ୟୁରୋ : ନିର୍ବାଚନରେ ପରାଜୟର କାରଣ ଖୋଜୁଛି କଂଗ୍ରେସ । ସାଧାରଣ ନିର୍ବାଚନରେ କଂଗ୍ରେସ ଶୋଚନୀୟ ପରାଜୟ ବରଣ କରିଛି । ତେବେ ଏତେ ବଡ଼ ବିପର୍ୟ୍ୟୟ ପଛର କାରଣ କ’ଣ ହୋଇପାରେ ତାକୁ ନେଇ ଦଳ ପକ୍ଷରୁ ଆରମ୍ଭ ହୋଇଛି ମାନସ ମନ୍ଥନ । ଉଭୟ ଲୋକସଭା ଏବଂ ବିଧାନସଭାରେ କଂଗ୍ରେସର ପ୍ରଦର୍ଶନ ନିରାଶାଜନକ ରହିଛି । ଏଥିପାଇଁ ସମୀକ୍ଷା ବୈଠକ ବସିଛି । ବୈଠକରେ ବିଜୟ ପ୍ରାର୍ଥୀ , ପରାଜିତ ପ୍ରାର୍ଥୀ, ପିସିସି କର୍ମକର୍ତ୍ତା, ଜିଲ୍ଲା ସଭାପତି ଓ ୨୧ ଜଣିଆ ତଥ୍ୟ ଅନୁସନ୍ଧାନକାରୀ କମିଟି ବୈଠକରେ ସାମିଲ ହୋଇଛନ୍ତି । ରାଜ୍ୟ ପ୍ରଭାରୀ ଜିତେନ୍ଦ୍ର ସିଂ ଅଧ୍ୟକ୍ଷତାରେ ବୈଠକ ଚାଲିଛି । ଆଗାମୀ ଦିନରେ କଂଗ୍ରେସ କେମିତି ସୁଦୃଢ ହେବ ସେ ନେଇ ବୈଠକରେ ରଣନୀତି ପ୍ରସ୍ତୁତ କରାଯିବ ।ବୈଠକରେ କଂଗ୍ରେସ ବିଧାୟକ ଦଳ ନେତା ମଧ୍ୟ ଚୟନ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଚଳିତ ସାଧାରଣ ନିର୍ବାଚନରେ କଂଗ୍ରେସର ବଡ଼ ବଡ଼ ନେତାମାନେ ପରାଜିତ ହେବାସହ ପିସିସି ସଭାପତି ୨ଟି ଯାକ ଆସନରୁ ପରାଜିତ ହୋଇଛନ୍ତି । ମୋଟ୍ ୨୧ଟି ଲୋଭସଭା ଆସନରୁ କଂଗ୍ରେସ ହାତକୁ ମାତ୍ର ଗୋଟିଏ ଆସନ ଯାଇଛି । ଅନ୍ୟପଟେ ବିଧାନସଭାର ୧୪୬ ଟି ଆସନରୁ ୯ ଟି ଆସନ ଅକ୍ତିଆର କରିପାରିଛି ।