ଟ୍ରେଣ୍ଡ ଅନୁସାରେ ରାଜ୍ୟରେ କଂଗ୍ରେସର ପ୍ରଦର୍ଶନ ନିରାଶାଜନକ : ୨.୩୦ ସୁଦ୍ଧା ମାତ୍ର ୩ଟି ବିଧାନସଭା ଆସନରେ ଆଗୁଆ ରହିଛି ଦଳ
କନକ ବ୍ୟୁରୋ : ଟ୍ରେଣ୍ଡ ଅନୁସାରେ ୨୦୧୯ ନିର୍ବାଚନରେ ରାଜ୍ୟରେ କଂଗ୍ରେସର ପ୍ରଦର୍ଶନ ନାହିଁ କହିଲେ ଚଳେ । ରାଜ୍ୟରେ ଚଳିତ ନିର୍ବାଚନରେ କଂଗ୍ରେସର ପ୍ରଦର୍ଶନ ନୈରାଶଜନକ ହୋଇଛି । ଟ୍ରେଣ୍ଡ୍ ଅନୁସାରେ ରାଜ୍ୟର ୨୧ଟି ଲୋକସଭା ଆସନ ମଧ୍ୟରୁ କୌଣସି ଗୋଟିଏ ଆସନରେ ବି ଦଳର ପ୍ରାର୍ଥୀ ଆଗୁଆ ନାହାନ୍ତି । କେବଳ ନବରରଙ୍ଗପୁର ଲୋକସଭା ଆସନରେ ଦଳୀୟ ପ୍ରାର୍ଥୀ ପ୍ରଦୀପ ମାଝୀ କଡ଼ା ଟକ୍କର ଦେଉଛନ୍ତି। କୋରାପୁଟରେ ସପ୍ତଗିରି ଉଲକା କିଛି ରାଉଣ୍ଡରେ ଆଗରେ ଥିଲେ ସୁଦ୍ଧା ଏବେ ପର୍ଯ୍ୟନ୍ତ କିଛି ସ୍ପଷ୍ଟ କହିହେଉନାହିଁ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ବିଧାନସଭା ନିର୍ବାଚନରେ ଦଳର ଫଳାଫଳ ଭଲ ହୋଇନାହିଁ । ଟ୍ରେଣ୍ଡ୍ ଅନୁସାରେ ଦଳର ପ୍ରାର୍ଥୀ ୧୪୭ଟି ବିଧାନସଭା ଆସନ ମଧ୍ୟରୁ ମାତ୍ର ୧୦ଟିରେ ଆଗୁଆ ରହିଛି । ଗତଥର ଦଳ ୧୬ଟି ଆସନ ଜିତି ମୁଖ୍ୟ ବିରୋଧୀ ଦଳର ମାନ୍ୟତା ପାଇଥିଲା । କଂଗ୍ରେସ ବିଧାୟକ ଦଳର ନେତା ନରସିଂହ ମିଶ୍ର ବିରୋଧୀ ଦଳ ନେତା ହୋଇଥିଲେ । ଏଥର ନରସିଂହ ମିଶ୍ର ବଲାଙ୍ଗୀର ବିଧାନସଭା ଆସନରେ କଡ଼ା ଟକ୍କର ଦେଉଛନ୍ତି ।