୩ଟି ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କଲା କଂଗ୍ରେସ ! ପିପିଲିରୁ ଅଜିତ ମଙ୍ଗରାଜ, ଖୋର୍ଦ୍ଧାରୁ ସ୍ୱାଗତିକା ଓ ଖଣ୍ଡପଡ଼ାରୁ ବସନ୍ତଙ୍କୁ ଟିକେଟ ଦେଲା ଦଳ
କନକ ବ୍ୟୁରୋ : ତିନୋଟି ବିଧାନସଭା ପାଇଁ ପ୍ରାର୍ଥୀ ଘୋଷଣା କରିଛି କଂଗ୍ରେସ । ପିପିଲିରୁ ଅଜିତ ମଙ୍ଗରାଜଙ୍କୁ ଟିକେଟ ମିଳିଥିବା ବେଳେ ଖୋର୍ଦ୍ଧାରୁ ସ୍ୱାଗତିକା ପଟ୍ଟନାୟକଙ୍କୁ ପ୍ରାର୍ଥୀ କରିଛି ଦଳ । ଅନ୍ୟପଟେ ଖଣ୍ଡପଡ଼ାରୁ ବସନ୍ତ କୁମାର ମହାରଣାଙ୍କୁ ଟିକେଟ ଦେଇଛି କଂଗ୍ରେସ ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ପିପିଲି ପାଇଁ ଯୁଧିଷ୍ଠିର ସାମନ୍ତରାୟଙ୍କ ପିପିଲି ପାଇଁ ଟିକେଟ ମିଳିଥିବା ବେଳେ ସେ ନିର୍ବାଚନ ଲଢ଼ିବା ପାଇଁ ମନା କରିଦେଇଥିଲେ । ପିପିଲି ବିଧାନସଭା ଆସନ ପାଇଁ କଂଗ୍ରେସ ଯୁଧିଷ୍ଠିର ସାମନ୍ତରାୟଙ୍କୁ ପ୍ରାର୍ଥୀ କରିଥିବା ବେଳେ ଚଳିତ ନିର୍ବାଚନରୁ ସେ ଓହରିଯାଇଛନ୍ତି । ଜାଣି ଶୁଣି ବିଳମ୍ବରେ ଟିକେଟ ଦିଆଯାଇଛି ଅଭିଯୋଗ କରି ନିର୍ବାଚନ ଲଢ଼ିବା ପାଇଁ ମନା କରିଦେଇଥିଲେ ଯୁଧିଷ୍ଠିର । ତେଣୁ ତାଙ୍କ ବଦଳରେ ଅଜିତ ମଙ୍ଗରାଜଙ୍କୁ ପ୍ରାର୍ଥୀ କରିଛି କଂଗ୍ରେସ । ଅନ୍ୟପଟେ ବିଜେଡି ପୁଣି ଥରେ ଏହି ଆସନରୁ ପୂର୍ବତନ ମନ୍ତ୍ରୀ ପ୍ରଦୀପ ମହାରଥୀଙ୍କୁ ପ୍ରାର୍ଥୀ କରିଛି ।
ସେପଟେ ଖୋର୍ଦ୍ଧାରୁ ସ୍ୱାଗତିକା ପଟ୍ଟନାୟକଙ୍କୁ ଟିକେଟ ଦେଇଛି ଦଳ । ଗତ ନିର୍ବାଚନରେ ଦିଲ୍ଲୀପ ଶ୍ରୀଚନ୍ଦନଙ୍କୁ ପ୍ରାର୍ଥୀ କରିଥିଲା ଦଳ । ହେଲେ ଏଥର ଖୋର୍ଦ୍ଧା ପାଇଁ ପ୍ରାର୍ଥୀ ବଦଳାଇଛି ଦଳ । ସୂଚନାଯୋଗ୍ୟ ୨୦୧୪ରେ ବିଜେଡ଼ି ଟିକେଟରୁ ରାଜେନ୍ଦ୍ର କୁମାର ସାହୁ ନିର୍ବାଚନ ଜିତିଥିଲେ । ସେପଟେ ଖଣ୍ଡପଡ଼ାରେ ଗତ ନିର୍ବାଚନରେ ବିନୋଦିନୀ ମହାନ୍ତିଙ୍କୁ ଟିକେଟ ଦେଇଥିବା ବେଳେ ଏଥର ବସନ୍ତ କୁମାର ମହାରଣାଙ୍କୁ ଟିକେଟ ଦେଇଛି ଦଳ ।