ଭାରତକୁ ଆଉ ୨ଟି ସ୍ୱର୍ଣ୍ଣ ! କୁସ୍ତି ୫୭ କିଲୋଗ୍ରାମ ଫ୍ରି ଷ୍ଟାଇଲ ବର୍ଗରେ ରାହୁଲ ଆୱରେ ଓ ୭୪ କେଜି ଫ୍ରିଷ୍ଟାଇଲରେ ସୁଶୀଲ କୁମାରଙ୍କୁ ସ୍ୱର୍ଣ୍ଣ ପଦକ
କନକ ବ୍ୟୁରୋ : ରାଜ୍ୟଗୋଷ୍ଠୀ କ୍ରୀଡାରେ ଭାରତକୁ ଆଉ ୨ଟି ସ୍ୱର୍ଣ୍ଣ । କୁସ୍ତିର ୫୭ କିଲୋଗ୍ରାମ ବର୍ଗରେ ରାହୁଲ ଆୱରେ ଓ ୭୪ କେଜି ଫ୍ରିଷ୍ଟାଇଲରେ ସୁଶୀଲ କୁମାରଙ୍କୁ ସ୍ୱର୍ଣ୍ଣ ପଦକ ମିଳିଛି । ରାଜ୍ୟଗୋଷ୍ଠୀ କ୍ରୀଡାରେ ରାହୁଲଙ୍କ ଏହା ହେଉଛି ପ୍ରଥମ ପଦକ । କାନାଡାର ପ୍ରତିଦ୍ୱନ୍ଦୀ କୁ ସେ ହରାଇ ଏହି ସ୍ୱର୍ଣ୍ଣ ଜିତିଛନ୍ତି । ଫାଇନାଲ ମୁକାବିଲାରେ ସାଉଥ ଆଫ୍ରିକାର ଜନଓ ବୋଥାଙ୍କୁ ହରାଇ ରାଜ୍ୟ ଗୋଷ୍ଠି କ୍ରୀଡାରେ କ୍ରମାଗତ ତୃତୀୟ ଥର ପାଇଁ ସ୍ୱର୍ଣ୍ଣ ପଦକ ଜିତିଛନ୍ତି ସୁଶୀଲ କୁମାର । ଏହି ବିଜୟ ସହ ଭାରତର କୁସ୍ତିରେ ପଦକ ସଂଖ୍ୟା ୪ରେ ପହଚିଂଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଆଜି ରାଜ୍ୟଗୋଷ୍ଠୀ କ୍ରୀଡ଼ାର ଅଷ୍ଟମ ଦିବସରେ ମହିଳା ୫୦ ମିଟର୍ ରାଇଫଲ୍ ପ୍ରୋନ୍ର ଚୂଡ଼ାନ୍ତ ପର୍ଯ୍ୟାୟରେ ତେଜସ୍ୱିନୀ ସାଓ୍ଵନ୍ତଙ୍କୁ ରୌପ୍ୟ ପଦକ ମିଳିଛି । ସିଙ୍ଗାପୁରର ମାର୍ଟିନା ଲିଣ୍ଡ୍ସେ ବେଲୋସୋ ସ୍ୱର୍ଣ୍ଣ ପଦକ ପାଇଛନ୍ତି । ଏହି ରୌପ୍ୟ ପଦକ ସହ ଭାରତର ପଦକ ସଂଖ୍ୟା ହେଲା ୨୫ । ୩୭ ବର୍ଷୀୟ ସାଓ୍ଵନ୍ତଙ୍କ ପାଇଁ ଏହା ଥିଲା ଷଷ୍ଠ ରାଜ୍ୟଗୋଷ୍ଠୀ କ୍ରୀଡ଼ା ପଦକ । ସେ ୨୦୦୬ରେ ଦୁଇଟି ସ୍ୱର୍ଣ୍ଣ ଏବଂ ୨୦୧୦ରେ ଦୁଇଟି ରୌପ୍ୟ ଏବଂ ୨୦୧୦ରେ ଗୋଟିଏ କାଂସ୍ୟ ପଦକ ପାଇଥିଲେ । ୨୦ ପ୍ରତିଯୋଗୀ ବିଶିଷ୍ଟ ଅନ୍ତିମ ପର୍ଯ୍ୟାୟରେ ସାଓ୍ଵନ୍ତ ୧୦୨. ୧, ୧୦୨. ୪, ୧୦୩. ୩, ୧୦୨. ୮, ୧୦୩୭. ୭ ଏବଂ ୧୦୪. ୭ ସିରିଜ୍ରେ ବନ୍ଧୁକ ଚାଳନା କରି ସମୁଦାୟ ୬୧୮. ୯ ସଟ୍ ଖେଳିଥିଲେ । ଭେଲୋସୋ ସମୁଦାୟ ୬୨୧ ସଟ୍ ଖେଳି ସ୍ୱର୍ଣ୍ଣ ପଦକ ପାଇଛନ୍ତି । ସ୍କଟ୍ଲାଣ୍ଡ୍ର ସିଓନେଡ୍ ମ୍ୟାକ୍ଇନ୍ତୋସ୍ ୬୧୮. ୧ ସଟ୍ ଖେଳି କାଂସ୍ୟ ପଦକ ପାଇଛନ୍ତି ।