କନକ ବ୍ୟୁରୋ : ପଶ୍ଚିମବଙ୍ଗ ହିଂସା ପରେ ଚାଲିଛି ଆରୋପ ପ୍ରତ୍ୟାରୋପର ପର୍ବ । ନିର୍ବାଚନୀ ମାହୋଲରେ ଏପରି ଘଟଣା ପାଇଁ ଜାତୀୟ ରାଜନୀତି ଉଠୁଛି ପଡ଼ୁଛି । ଏହିକ୍ରମରେ ମୋଦି ବିରୋଧୀ ଏକାଠି ହେଲେଣି । ମମତାଙ୍କ ପଛରେ ଛିଡା ହେଲେ ସମସ୍ତ ବିରୋଧୀ । ମାୟାବତୀଙ୍କଠାରୁ ଆରମ୍ଭ କରି ରାହୁଲ ଗାନ୍ଧି, ଅଖିଳେଶ ଯାଦବ, ତେଜସ୍ୱୀ ଯାଦବ, କେସିଆର,ଚନ୍ଦ୍ରବାବୁ ନାଇଡୁ, ମମତାଙ୍କୁ ସମର୍ଥନ କରିଛନ୍ତି । ବିଜେପିର ଶୀର୍ଷ ନେତୃତ୍ୱ ଓ ମମତାଙ୍କ ମଧ୍ୟରେ ଜୋରଦାର ମୁକାବିଲା ଚାଲିଥିବାବେଳେ ତାଙ୍କ ପଛରେ ଛିଡା ହୋଇଛନ୍ତି ଏକାଧିକ ମୋଦି ବିରୋଧୀ ।
Kanak News is now on WhatsApp
Join and get latest news updates delivered to you via WhatsApp
ହିଂସା ଘଟଣା ନେଇ ଆଜି ମୋଦି ମମତାଙ୍କୁ ଟାର୍ଗେଟ କରି କହିଛନ୍ତି ଦେଶ ଏବେ ମମତାଙ୍କ ପ୍ରକୃତ ରୂପ ଦେଖିପାରୁଛି । ଅମିତ ଶାହାଙ୍କ ରୋଡ଼ ସୋରେ ଟିଏମସି କର୍ମୀ ବିଦ୍ୟାସାଗରଙ୍କ ମୂର୍ତ୍ତି ଭାଙ୍ଗିଛନ୍ତି । ବିଜେପି ଇଶ୍ୱରର ଚନ୍ଦ୍ର ବିଦ୍ୟାସାଗରଙ୍କ ପ୍ରତିମୂର୍ତ୍ତି ତିଆରି କରି ଟିଏମସିର ଗୁଣ୍ଡାକୁ ଉଚିତ ଶିକ୍ଷା ଦେବ । ସେମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଜରୁରୀ ମୋଦି କହିଛନ୍ତି ମୋଦି ।
ମୋଦିଙ୍କ ଏହି ବୟାନ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ବିଜେପି ରାଷ୍ଟ୍ରିୟ ଅଧ୍ୟକ୍ଷ ଅମିତ ଶାହାଙ୍କ ଉପରେ ବର୍ଷିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜି । ପଶ୍ଚିମବଙ୍ଗରେ ନିର୍ବାଚନୀ ରାଲି ସଭାକୁ ସମ୍ବୋଧିତ କରି ମୋଦି ଓ ଶାହାଙ୍କୁ ଘେରିଛନ୍ତି ମୁଖ୍ୟମନ୍ତ୍ରୀ ମମତା ବନାର୍ଜୀ । ମୋଦିଙ୍କୁ ଲଜ୍ଜାହୀନ କହିବା ସହ ଅମିତ୍ ଶାହାଙ୍କୁ ଗୁଣ୍ଡା ବୋଲି ବୋଲି କହିଛନ୍ତି । ମୋଦି କ୍ଷମା ମାଗନ୍ତୁ ବୋଲି ଦାବି କରିଛନ୍ତି ମମତା । ମମତା ବାନାର୍ଜୀ କହିଛନ୍ତି ବିଦ୍ୟାସାଗରଙ୍କ ମୁର୍ତ୍ତୀ ତିଆରି କରିବା ପାଇଁ ପଶ୍ଚିମବଙ୍ଗରେ ପର୍ଯ୍ୟାପ୍ତ ଧନ ରହିଛି । ପ୍ରଧାନମନ୍ତ୍ରୀ ମିଛ କହୁଥିବାରୁ ତାଙ୍କୁ ଉଠବସ୍ କରିବା ଉଚିତ୍ । ଟିଏମସି କର୍ମୀ ମୂର୍ତ୍ତି ଭାଙ୍ଗିଥିବା ନେଇ ମୋଦି ଅଭିଯୋଗ ପ୍ରମାଣିତ କରନ୍ତୁ । ବିନା କାରଣରେ ଟିମଏସିକୁ ଦୋଷଦେଲେ ପ୍ରଧାନମନ୍ତ୍ରୀଙ୍କୁ ଜେଲ ପଠାଇବାକୁ ପାଇଁ ଧମକ ଦେଲେ ମମତା ।