ଭୁବନେଶ୍ୱରରେ ନିୟମ ମାନୁନଥିବା ଶିକ୍ଷାନୁଷ୍ଠାନ ଉପରେ ଚଢାଉ : ସରକାରୀ, ବେସରକାରୀ ସ୍କୁଲ ଓ କୋଚିଂ ସେଂଟର ଉପରେ ୪ଟି ସ୍କ୍ୱାର୍ଡର ଚଢାଉ
କନକ ବ୍ୟୁରୋ : ଭୁବନେଶ୍ୱରରେ ନିୟମ ମାନୁନଥିବା ଶିକ୍ଷାନୁଷ୍ଠାନ ଉପରେ ଚଢାଉ । ଭୁବନେଶ୍ୱରରେ କେତେକ ସ୍କୁଲ ଓ କୋଚିଙ୍ଗସେଂଟର କରୋନା ପାଇଁ ଲଗାଯାଇଥିବା କଟକଣା ମାନୁନଥିବା ଅଭିଯୋଗ ଆସିବା ପରେ, ଆଜି ବିଭାଗ ପକ୍ଷରୁ ଯାଂଚ କରାଯାଇଛି । ଭୁବନେଶ୍ୱର ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ଦ୍ୱାରା ଗଠିତ ୪ଟି ସ୍କ୍ୱାର୍ଡ ସହରର ବିଭିନ୍ନ ସ୍କୁଲରେ ସତ୍ୟତା ପରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କରୋନା ପାଇଁ ରାଜ୍ୟସରକାର ସମସ୍ତ ସ୍କୁଲ ବନ୍ଦ ପାଇଁ ନିର୍ଦ୍ଦେଶ ଦେଇଥିବା ବେଳେ ଭୁବନେଶ୍ୱରରେ ବିିଭିନ୍ନ ସରକାରୀ, ବେସରକାରୀ ସ୍କୁଲ ଓ କୋଚିଂ ସେଂଟର ଖୋଲା ରହୁଥିବା ଅଭିଯୋଗ ହୋଇଥିଲା । ଏହାର ଯାଂଚ କରିବା ପାଇଁ ଭୁବନେଶ୍ୱର ଶିକ୍ଷାଧିକାରୀଙ୍କୁ ନିର୍ଦ୍ଦେଶ ଦେଇଥିଲେ ଜିିଲ୍ଲା ଶିକ୍ଷାଧିକାରୀ । ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ବିଦ୍ୟାଳୟ ସ୍ତରର ସମସ୍ତ ପରୀକ୍ଷାକୁ ବାତିଲ କରିବା ସହ ବନ୍ଦ ରଖିବାକୁ ନିର୍ଦ୍ଦେଶ ଦେଇଥିଲା ଗଣଶିକ୍ଷା ବିଭାଗ । ଏପରିକି ବିଦ୍ୟାଳୟକୁ ଶିକ୍ଷକମାନେ ନଆସିବାକୁ କୁହାଯାଇଥିଲା ।
ଏସବୁ ସତ୍ତ୍ୱେ ରାଜଧାନୀର କିଛି ଶିକ୍ଷାନୁଷ୍ଠାନ ଗଣଶିକ୍ଷା ବିଭାଗର ନିର୍ଦେଶକୁ ଉଲ୍ଲଂଘନ କରୁଥିବା ଅଭିଯୋଗ ହୋଇଥିଲା। ଏହି ଅଭିଯୋଗକୁ ଭତ୍ତିକରି ରାଜଧାନୀରେ ନିୟମ ମାନୁ ନଥିବା ଶିକ୍ଷାନୁଷ୍ଠାନ ଉପରେ ନେତୃତ୍ୱରେ ଚଢ଼ାଉ ଆରମ୍ଭ ହୋଇଛି।