ଗ୍ଲେନମାର୍କ ପରେ ବଜାରକୁ ଆସିଲା ସିପ୍ଲା କମ୍ପାନୀର କରୋନା ଔଷଧ । ରେମିଡେସିବୀରକୁ ସିପ୍ରମି ନାଁରେ ବଜାରକୁ ଆଣିବାକୁ ଡିସିଜିଆଇଙ୍କ ଅନୁମତି
କନକ ବ୍ୟୁରୋ : ଦେଶରେ କରୋନା ସଂକ୍ରମଣ ହାର ଦ୍ରୁତ ଗତିରେ ବଢ଼ିବାରେ ଲାଗିଛି । ଆଉ ଏହାରି ଭିତରେ କରୋନାର ଭୂତାଣୁର ଚିକିତ୍ସା ପାଇଁ ଗ୍ଲେନମାର୍କ ପରେ ସିପ୍ଲା ଲଂଚ କରି ସିପ୍ରମି ନାମକ ଔଷଧ । ଏହାର ବ୍ୟବହାର ପାଇଁ ସରକାର ସିପ୍ଲାକୁ ଅନୁମତି ଦେଇଛନ୍ତି । ସିପ୍ଲାକୁ ଡ୍ରଗ୍ କଂଟ୍ରୋଲର ଜେନେରାଲ ଅଫ୍ ଇଣ୍ଡିଆ ବା ଡିସିଜିଆଇ ଜରିଆରେ ରେମଡେସିବୀର ଔଷଧ ବଜାରକୁ ଛାଡିବାକୁ ଅନୁମତି ମିଳି ଯାଇଛି । ଅନୁମତି ପାଇବା ପରେ ସିପ୍ଲା ଏହାକୁ ସିପ୍ରମି ନାମରେ ବଜାରକୁ ଛାଡିବ । କୋଭିଡ୍-୧୯ରେ ସଂକ୍ରମିତ ଗୁରୁତ୍ୱର ରୋଗୀଙ୍କ କ୍ଷେତ୍ରରେ ଏହି ଔଷଧର ବ୍ୟବହାର କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଆମେରିକାର ଏଫଡିଏ, ଅତ୍ୟନ୍ତ ଜରୁରୀ ପରିସ୍ଥିତିରେ ଗିଲିୟଡ ସାଇସେଜର ରେମଡେସିବୀରକୁ କରୋନା ଭୂତାଣୁର ଚିକିତ୍ସା ପାଇ ବ୍ୟବହାର କରିବାକୁ ଅନୁମତି ଦେଇଛି । ଏହାପରେ ମେ ମାସରେ ଗିଲିୟଡ ସାଇସେଜ ସିପ୍ଲାକୁ ଏହି ଔଷଧ ପ୍ରସ୍ତୁତ ଓ ବିପଣନ କରିବା ପାଇଁ ଅନୁମତି ଦେଇଥିଲା । ବର୍ତ୍ତମାନ ସିପ୍ଲା ପକ୍ଷରୁ ରିସ୍କ ମ୍ୟାନେଜମେଂଟ ପ୍ଲାନ ଅନୁସାରେ ସିପ୍ରମି ଔଷଧକୁ ବ୍ୟବହାର କରିବା ପାଇଁ ପ୍ରଶିକ୍ଷଣ ଦିଆଯିବ । ଏବଂ ରୋଗୀର ସହମତିରେ ଏହାକୁ ବ୍ୟବହାର କରାଯିବ ।
ଅନ୍ୟପଟେ ଭାରତୀୟ ଔଷଧ ନିର୍ମାତା କମ୍ପାନୀ ଗ୍ଲୋନ୍ମାର୍କ କରୋନା ରୋଗର ଚିକିତ୍ସା ପାଇଁ ବଜାରକୁ ଆଣିଛି ଔଷଧ । ଏହି ଔଷଧର ନାଁ ରହିଛି ଫାବି-ଫ୍ଲୁ । କମ୍ପାନୀ ଦାବି କହିଛି- କରୋନା ଭୁତାଣୁ ଦ୍ୱାରା କମ୍ କିମ୍ବା ମଧ୍ୟମ ଧରଣର ଆକ୍ରାନ୍ତ ହୋଇଥିଲେ ଏହି ଔଷଧ ଖାଇପାରିବେ । ଏହା ୮୮ ପ୍ରତିଶତ ଯାଏଁ ଫଳପ୍ରଦ ବୋଲି କଂପାନୀ ପକ୍ଷରୁ କୁହାଯାଇଛି ।