ନୀତିରେ ପରିବର୍ତ୍ତନ ନା ଷଡ଼ଯନ୍ତ୍ର ! ପ୍ରଥମ ଥର ପାଇଁ ପିଓକେକୁ ଭାରତର ଅଂଶ ବୋଲି ମାନିଲା ଚୀନ୍
କନକ ବ୍ୟୁରୋ : ଭାରତକୁ ନେଇ ଚୀନ ନୀତିରେ ପରିବର୍ତ୍ତନ ଆସିଛି ବୋଲି ସଙ୍କେତ ମିଳିଛି । ଚୀନ ପ୍ରଥମ ଥର ପାଇଁ ପାକିସ୍ତାନ କବଜାରେ ଥିବା କାଶ୍ମୀର (ପିଓକେ)କୁ ଭାରତର ଅଂଶ ବୋଲି ମାନିଛି । ସରକାରୀ ଚ୍ୟାନେଏ ସିଜିଟିଏନ୍ ନିଜର ରିପୋର୍ଟରେ ପିଓକେକୁ ଭାରତ ନକ୍ସାରେ ଦେଖାଇଛି । ଏବେ ପର୍ଯ୍ୟନ୍ତ ପିଓକେକୁ ପାକିସ୍ତାନର ଅଂଶ ବୋଲି ଦର୍ଶାଯାଉଥିଲା ଚୀନ୍ । ଆଉ ଏନେଇ ଭାରତ ଲଗାତାର ଚୀନ ନୀତିକୁ ବିରୋଧ ମଧ୍ୟ କରୁଥିଲା ।
Kanak News is now on WhatsApp
Join and get latest news updates delivered to you via WhatsApp
ସରକାରୀ ଚ୍ୟାନେଲ ସିଟିଜିଏନ ଶୁକ୍ରବାର ଦିନ କରାଚିର ଚୀନ ବାଣିଜ୍ୟ ଦୂତାବାସରେ ଆତ୍ମଘାତୀ ଆକ୍ରମଣର ଖବର ଦେଖାଇ ପିଓକେକୁ ଭାରତୀୟ ନକ୍ସାରେ ଥିବା ଦର୍ଶାଇଛି । ନକ୍ସାରେ ପୁରା ଜମ୍ମୁ-କଶ୍ମୀର ଭାରତୀର ଅଂଶ ବୋଲି କହିଛି ଚୀନ୍ । ତେବେ କିଛି ସ୍ପଷ୍ଟ ହୋଇନି ଚ୍ୟାନେଲର ଏହି ପଦକ୍ଷେପ ନୀତିରେ କୌଣସି ବିଶେଷ ପରିବର୍ତ୍ତନ ଯୋଗୁଁ ହୋଇଛି ନା ଭୁଲରେ ହୋଇଛି । ତେବେ ସୂଚନା ଅନୁସାରେ ଚୀନର ସରକାରୀ ଚ୍ୟାନେଲ ଏହି ପ୍ରକାର ଭୁଲ କୌଣସି ପ୍ରକାରେ କରିପାରିବ ନାହିଁ । କାରଣ ସରକାରଙ୍କ ନିର୍ଦ୍ଦେଶ ବିନା ଏହି ପ୍ରକାର କୌଣସି ରିପୋର୍ଟ ଦେଖାଇବା ସମ୍ଭବ ନୁହେଁ ।
ପିଓକେକୁ ଭାରତର ଅଂଶ ମାନିବା ପରେ ଚୀନ-ପାକିସ୍ତାନ ମଧ୍ୟରେ ଅନେକ ପରିଯୋଜନା ଉପରେ ପ୍ରଭାବ ପଡ଼ିପାରେ । କାରଣ ଏହାର ଏକ ବଡ଼ ଅଂଶ ପିଓକେ ଦେଇ ଯାଉଛି । ଭାରତ ଏହି ପରିଯୋଜନା ନେଇ ପାକିସ୍ତାନ ଓ ଚୀନ୍ ବିରୋଧରେ ଆପତ୍ତି ମଧ୍ୟ ଜଣାଇଥିଲା ।