କରୋନା ସ୍ଥିତିକୁ ଦୃଷ୍ଟିରେ ରଖି ସିବିଏସଇର ବଡ଼ ନିଷ୍ପତ୍ତି : ବିନା ପରୀକ୍ଷାରେ ପାସ୍ ହେବେ ପ୍ରଥମରୁ ଅଷ୍ଟମ ଶ୍ରେଣୀ ଯାଏଁ ଛାତ୍ରଛାତ୍ରୀ
କନକ ବ୍ୟୁରୋ : କରୋନା ସ୍ଥିତିକୁ ଦୃଷ୍ଟିରେ ରଖି ସିବିଏସ୍ଇର ବଡ଼ ନିଷ୍ପତ୍ତି । ବିନା ପରୀକ୍ଷାରେ ପାସ୍ ହେବେ ପ୍ରଥମରୁ ଅଷ୍ଟମ ଶ୍ରେଣୀ ଛାତ୍ରଛାତ୍ରୀ । ଏନସିଆରଟି ସହ ପରାମର୍ଶ କରିବା ପରେ ସିବିଏସ୍ଇ ଏଭଳି ଏକ ନିଷ୍ପତି ନେଇଛି । ନବମ ଓ ଏକାଦଶ ଶ୍ରେଣୀ ଛାତ୍ରଛାତ୍ରୀଙ୍କ ପରୀକ୍ଷା ଓ ମୁଲ୍ୟାୟନ ସରିଛି । ଏପଟେ ଦଶମ ଓ ଦ୍ୱାଦଶ ଶ୍ରେଣୀରେ ସ୍ଥଗିତ ହୋଇଥିବା ବିଷୟ ଗୁଡ଼ିକର ପରୀକ୍ଷା ପୁଣି ଥରେ ଅନୁଷ୍ଠିତ ହେବ । ଏଥିପାଇଁ ନୂଆ ତାରିଖ ଘୋଷଣା ହେବ । ଏନେଇ ପରୀକ୍ଷାର ୧୦ ଦିନ ପୂର୍ବରୁ ଛାତ୍ରଛାତ୍ରୀଙ୍କୁ ଅବଗତ କରାଯିବ ବୋଲି ସୂଚନା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ବିଏସଇ ବା ମାଧ୍ୟମିକ ଶିକ୍ଷା ପରିଷଦ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ସମସ୍ତ ଛାତ୍ରଛାତ୍ରୀ ପାସ୍ କରିବେ ବୋଲି ଘୋଷଣା କରିସାରିଛି । ଗଣଶିକ୍ଷା ମନ୍ତ୍ରୀ ସମୀର ଦାସ ଏ ସଂପର୍କରେ ସୂଚନା ଦେଇ କହିଥିଲେ, ଚଳିତ ବର୍ଷଠାରୁ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଲାଗୁ ହେବାକୁ ଥବା ପାସ୍ ଫେଲ ନିଷ୍ପତି ଲାଗୁ ହେବ ନାହିଁ । କରୋନା ଯୋଗୁଁ ଆଉ ପରୀକ୍ଷା କରିବାକୁ ସମୟ ନାହିଁ । ତେଣୁ ସମସ୍ତେ ଛାତ୍ରଛାତ୍ରୀଙ୍କୁ ପାସ୍ କରାଯିବ । ତେବେ ନବମ ଶ୍ରେଣୀର ସମସ୍ତ ପରୀକ୍ଷା ଶେଷ ହୋଇଛି, ମାତ୍ର ଗୋଟିଏ ପରୀକ୍ଷା ବାକି ଅଛି । ତେଣୁ କରୋନା ଭୟାବହ ପରେ ଏହି ଶ୍ରେଣୀର ପାସ୍ ଫେଲ୍ ନେଇ ନିଷ୍ପତିି ନିଆଯିବ ବୋଲି ମନ୍ତ୍ରୀ କହିଛନ୍ତି ।