ହାଇକୋର୍ଟ ବିଚାରପତିଙ୍କ ଘରେ ସିବିଆଇ ଅଧିକାରୀ ପଶିବା ଘଟଣା ! ଆଜି ସୁପ୍ରିମକୋର୍ଟରେ ଶୁଣାଣି

20

କନକ ବ୍ୟୁରୋ : ହାଇକୋର୍ଟ ବିଚାରପତି ସି.ଆର ଦାସଙ୍କ ଘରେ ସିବିଆଇ ଅଧିକାରୀ ପ୍ରବେଶ ଉଦ୍ୟମ ମାମଲାର ଶୁଣାଣି ଆଜି ସୁପ୍ରିମକୋର୍ଟରେ ହେବ । ହାଇକୋର୍ଟ ବାର ଆସୋସିଏସନ ଏ ବାବଦରେ ଗତମାସ ୨୨ ତାରିଖରେ ହାଇକୋର୍ଟରେ ଜନସ୍ୱାର୍ଥ ମାମଲା ଦାୟର କରିଥିଲା । ହାଇକୋର୍ଟ ରାଜ୍ୟ ସରକାର, କେନ୍ଦ୍ର ସରକାର ସିବିଆଇ ସମେତ ୧୦ ପ୍ରତିପକ୍ଷଙ୍କୁ ନୋଟିସ ଜାରି କରିଥିଲେ । ତେବେ ସିବିଆଇ ଏହି ମାମଲାକୁ ଅନ୍ୟତ୍ର ସ୍ଥାନାନ୍ତର କରିବାକୁ ଆବେଦନ କରି ସୁପ୍ରିମକୋର୍ଟ ଯାଇଥିଲେ ।

ସୁପ୍ରିମକୋର୍ଟ ଗତ ୧୩ ତାରିଖରେ ହାଇକୋର୍ଟର ଶୁଣାଣି ଉପରେ ରୋକ ଲଗାଇବା ସହ ହାଇକୋର୍ଟ ବାର ଆସୋସିଏସନକୁ ନୋଟିସ ଜାରି କରଥିଲେ । ତେବେ ମିଳିଥିବା ଖବର ଅନୁସାରେ, ଆଜି ଜବାବ ଦାଖଲ ପାଇଁ ବାର ଆସୋସିଏସନ ଅଧିକ ସମୟ ମାଗିପାରେ । ମେଡିକାଲ କଲେଜ ଦୁର୍ନୀତି ମାମଲାରେ ଚଢଉ ପାଇଁ ବାହାରିଥିବା ସିବିଆଇ ଟିମ ହାଇକୋର୍ଟର ପୂର୍ବତନ ବିଚାରପତି କୁଦୁସିଙ୍କ ଘର ଭାବି ବିଚାରପତି ସି. ଆର ଦାସଙ୍କ ଘରେ ପଂହଚିବାକୁ ଉଦ୍ୟମ କରିଥିଲେ । ଏହା ପରେ ବିବାଦୀୟ ପରିସ୍ଥିତି ସୃଷ୍ଟି ହୋଇଥିଲା ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.