ଅଦିନିଆ ରଥଯାତ୍ରାକୁ ବିରୋଧ : ପୁରୀ ଓ ରାଉରକେଲାରେ ଇସ୍କନ ବିରୋଧରେ ଏତଲା, କାର୍ଯ୍ୟାନୁଷ୍ଠାନ ଦାବି କଲା ଜଗନ୍ନାଥ ସେନା ଓ ସଚେତନ ନାଗରିକ ମଞ୍ଚ
କନକ ବ୍ୟୁରୋ : ଇସ୍କନ ପକ୍ଷରୁ ଆୟୋଜିତ ହେଉଥିବା ଅଦିନିଆ ରଥଯାତ୍ରାକୁ ବିରୋଧ । ଆସନ୍ତା ନଭେମ୍ବର ମାସରେ ଲୁଧିଆନା ଇସ୍କନ ପକ୍ଷରୁ ରଥଯାତ୍ରା ନେଇ ନିଷ୍ପତ୍ତି ହୋଇଥିବା ବେଳେ ଏହାକୁ ବିରୋଧ କରି ପୁରୀ ସିଂହଦ୍ୱାର ଥାନାରେ ଦୁଇଟି ମାମଲା ରୁଜୁ ହୋଇଛି । ସଂସ୍କୃତିକୁ ବିକୃତ ଓ ଅପମାନିତ କରୁଥିବା ଅଭିଯୋଗ କରି ପୁରୀ ଜଗନ୍ନାଥ ସେନା ଓ ସଚେତନ ନାଗରିକ ମଂଚ ପକ୍ଷରରୁ ଦୁଇଟି ମାମଲା ରୁଜୁ ହୋଇଛି । ଲୁଧିଆନା ଇସ୍କନ ମୁଖ୍ୟ ଅମିତ ଗର୍ଗଙ୍କ ବିରୋଧରେ ଏହି ଦୁଇଟି ମାମଲା ରୁଜୁ ହୋଇଛି । ସେହିପରି ଅନୁରୁପ ଭାବରେ ରାଉକେଲାରେ ମଧ୍ୟ ଏହାକୁ ନେଇ ଗୋଟିଏ ମାମଲା ରୁଜୁ ହୋଇଛି । ଲିଡ୍ ରାଉକେଲା ପକ୍ଷରୁ ଛେଣ୍ଡ ଥାନାରେ ଏହି ମାମଲା ରୁଜୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗକାରୀ ଏତଲାରେ ଦର୍ଶାଇଛନ୍ତି ପ୍ରତିବର୍ଷ ଆଷାଢ଼ ଶୁକ୍ଳପକ୍ଷ ଦ୍ୱିତୀୟ ତିଥିରେ ମହାପ୍ରଭୁଙ୍କ ବିଶ୍ୱପ୍ରସିଦ୍ଧ ରଥଯାତ୍ରା ଅନୁଷ୍ଠିତ ହେବାର ପରମ୍ପରା ରହିଛି । କିନ୍ତୁ ତିଥି ନଥାଇ ଅଦିନରେ ରଥଯାତ୍ରା ଆୟୋଜନ କରି ମହାପ୍ରଭୁ ଶ୍ରୀଜଗନ୍ନାଥଙ୍କୁ ଅସମ୍ମାନ କରୁଛନ୍ତି ଇସ୍କନ କର୍ତୁପକ୍ଷ । ଏହାଦ୍ୱାରା ଶ୍ରୀଜଗନ୍ନାଥ ସଂସ୍କୃତିକୁ ଅପମାନିତ କରିବା ସହ ହିନ୍ଦୁମାନଙ୍କ ଭାବାବେଗ ସହ ଖେଳୁଛନ୍ତି ବୋଲି ଅଭିଯୋଗ ହୋଇଛି । ଏଭଳି ଧର୍ମ ବିରୋଧୀଙ୍କ ବିରୋଧରେ ମାମଲା ରୁଜୁ କରି ତୁରନ୍ତ ଗିରଫ କରିବାକୁ ଏତଲାରେ ଦାବି କରିଛନ୍ତି । ଗତ ବିଧାନସଭା ଅଧିବେଶନ ସମୟରେ ଏହି ପ୍ରସଙ୍ଗ ଉଠାଇଥିଲେ ଖଣ୍ଡପଡା ବିଧାୟକ ସୌମ୍ୟରଞ୍ଜନ ପଟ୍ଟନାୟକ ।କହିଥିଲେ ଜଗନ୍ନାଥ ସଂସ୍କୃତି ପ୍ରଚାର ପସାର କରିବା ଭଲ କଥା କିନ୍ତୁ ଅଦିନିଆ ରଥଯାତ୍ରା କରିବା ଠିକ୍ ନୁହେଁ ।