ଜେଲଗଲେ ବ୍ରହ୍ମପୁରରୁ ଗିରଫ ଆଇପିଏଲ ସଟ୍ଟାବାଜ୍ ! ରାଜ୍ୟ ବାହାରୁ ଅନଲାଇନରେ ଆଇପିଏଲ ବେଟିଂକୁ କଂଟ୍ରୋଲ କରୁଛି କିଙ୍ଗପିନ
କନକ ବ୍ୟୁରୋ : ଆଇପିଏଲ ସିଜିନ୍ ୧୧ ଖେଳ ଚାଲିଥିବା ବେଳେ ବ୍ରହ୍ମପୁର ସହରରେ ସଟ୍ଟାବାଜିଙ୍କ ଦୌରାତ୍ମ୍ୟ ବଢିଛି । ସହରର ବିଭିନ୍ନ ସ୍ଥାନରେ ଭଡା ଘର ନେଇ ଆଇପିଏଲ କ୍ରିକେଟ୍ ମ୍ୟାଚରେ ଲକ୍ଷ ଲକ୍ଷ ଟଙ୍କାର ବେଟିଂ କରୁଛନ୍ତି ସଟ୍ଟାବାଜ୍ । ଏମାନଙ୍କୁ ଧରିବା ପାଇଁ ସଜାଗ ରହିଛି ବ୍ରହ୍ମପୁର ପୁଲିସ । ଗତକାଲି ସଂଧ୍ୟାରେ ସହରର ଗେଟ୍ ବଜାରରେ ଆଇପିଏଲ ବେଟିଂ ଚାଲିଥିବା ବେଳେ ପୁଲିସ ଚଢାଉ କରି ୩ ଜଣଙ୍କୁ ଗିରଫ କରିଛି ।
Kanak News is now on WhatsApp
Join and get latest news updates delivered to you via WhatsApp
ଆଉ ଦୁଇ ଜଣ ଫେରାର ହୋଇଯାଇଛନ୍ତି । ଗିରଫ ହୋଇଥିବା ଦିପକ ସମାନ୍ତରାୟ, ଜିତେନ୍ଦ୍ର ନାହାକ, ପ୍ରଶାନ୍ତ ବେହେରାଙ୍କ ଠାରୁ ୭ ଲକ୍ଷ ୬୧ ହଜାର ଟଙ୍କା ସହ ୪ଟି ମୋବାଇଲ ଜବତ ହୋଇଛି । ଗରିଫ ଅଭିଯୁକ୍ତଙ୍କୁ ଆଜି କୋର୍ଟ ଚାଲାଣ କରାଯାଇଛି । ତେବେ ବ୍ରହ୍ମପୁରରେ ଚାଲିଥିବା ଆଇପିଏଲ ବେଟିଂ ଅନଲାଇନରେ ବାହାର ରାଜ୍ୟରୁ କଂଟ୍ରୋଲ ଯାଉଥିବା ବେଳେ କିଙ୍ଗପିନକୁ ଧରିବା ପାଇଣ ପୁଲିସ ଛାନଭିନ୍ ଜାରି ରଖିଛି ।