ଭଦ୍ରକ ଜିଲ୍ଲାବାସୀଙ୍କ ପାଇଁ ଆଶ୍ୱସ୍ତିର ଖବର । ଆଜି ଠାରୁ ଖୋଲିବ ଢାବା ଓ ବହି ଦୋକାନ । ସାମାଜିକ ଦୂରତା ମାନିବାକୁ ପ୍ରଶାସନର କଡା ନିଷ୍ପତ୍ତି । ଢାବାରେ ଶୌଚାଳୟ କରିବା ବାଧ୍ୟତାମୂଳକ ।
କନକ ବ୍ୟୁରୋ : ଆଜି ଠାରୁ ଭଦ୍ରକରେ ଖୋଲା ରହିବ ଢ଼ାବା ଓ ବହିଦୋକାନ । ଆଜିଠୁ ଭଦ୍ରକ ସହରରେ ଖୋଲିବ ବହି ଦୋକାନ । ସକାଳ ୬ଟାରୁ ଦିନ ଗୋଟାଏ ଯାଏଁ ବହି ଦୋକାନ ଖୋଲିବାକୁ ନିର୍ଦ୍ଦେଶ ଦିଆଯାଇଛି । ସବୁଦିନ ବହି ଦୋକାନ ଖୋଲିବାକୁ ଜିଲ୍ଲପାଳ ନିର୍ଦ୍ଦେଶ ଦେଇଛନ୍ତି । ଭଣ୍ଡାରୀପୋଖରୀ ଓ ବାସୁଦେବପୁରରେ ଖୋଲିବନି ବହି ଦୋକାନ ।ସେହିପରି ଆଜିଠୁ ଭଦ୍ରକରେ ଢାବା ଖୋଲିବାକୁ ଜିଲ୍ଳାପାଳ ନିର୍ଦ୍ଦେଶ ଦେଇଛନ୍ତି । ଢାବାରେ ଶୌଚାଳୟ କରିବା ବାଧ୍ୟତାମୂଳକ । କିନ୍ତୁ ଢାବାରେ କୌଣସି ଲୋକ ଖାଇପାରିବେନି । ଲୋକେ ଢାବାରୁ କେବଳ ପାର୍ସଲ ନେଇପାରିବେ । ସାମିଜିକ ଦୂରତା ରଖିବାକୁ ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବୁଧବାର ୮୩ ନମ୍ବର କରୋନା ଆକ୍ରାନ୍ତ ଯାଜପୁର ଅଂଚଳର ବୋଲି ଜଣାପଡିବା ପରେ ଆକ୍ରାନ୍ତ ରହୁଥିବା ଅଂଚଳକୁ କଂଟେନମେଂଟ ଜୋନ ଘୋଷଣା କରିଛି ଜିଲ୍ଲା ପ୍ରଶାସନ । ଦଶରଥପୁର ବ୍ଲକ ଅନ୍ତର୍ଗତ ଅକରପଡା ଓ ଚିତାଳ ପଂଚାୟତର ୮ଟି ଗାଁକୁ କଂଟେନମେଂଟ ଅଂଚଳ ବୋଲି ଘୋଷଣା କରାଯାଇଛି । ଏହି ଅଂଚଳରେ ୮୭୫ ପରିବାରର ୩ ହଜାର ୫୭୬ ଜଣ ବ୍ୟକ୍ତି ରହୁଥିବା ଜିଲ୍ଲା ପ୍ରଶାସନ ସୂଚନା ଦେଇଛି । ଏହି ଅଂଚଳକୁ ମେ ୫ତାରିଖ ରାତି ୮ଟା ପର୍ଯ୍ୟନ୍ତ ଅବରୋଧ ଅଂଚଳ ଭାବେ ଘୋଷଣା କରାଯାଇଛି । ଏହି ସମୟରେ ଏହି ଅଂଚଳର ଲୋକ ବାହାରକୁ କିମ୍ବା ବାହାର ଲୋକ ସେହି ଅଂଚଳ ଭିତରକୁ ପ୍ରବେଶ କରି ପାରିବେ ନାହିଁ । ୮୩ ନମ୍ବର କରୋନା ଆକ୍ରାନ୍ତ ଜଣଙ୍କ ୨୯ ତାରିଖରେ କୋଲକାତାର ଗଙ୍ଗାଘାଟରୁ ବାହାରିଥିଲେ । ୩୦ ତାରିଖରେ ସଠିପୁରରେ ପହଁଚିଥିଲେ । ସେଠାରୁ ଏକ ଗାଡି ଯୋଗେ ଆସିଥିଲେ । ଫେରିବା ପରେ ସେ ୧୪ ଦିନ ଘରେ ସଂଗରୋଧରେ ରହିଥିଲେ । ସେସମୟରେ ତାଙ୍କ ଦେହରେ କରୋନାର କୌଣସି ଲକ୍ଷଣ ଦେଖା ଦେଇନଥିଲା । ତା ପରେ ସେ ବିଭିନ୍ନ ସ୍ଥାନକୁ ଯିବାଆସିବା କରିବା ସହ ପରିବାର ଓ ଗାଁ ଲୋକଙ୍କ ସହ ଅନାୟସରେ ମିଳାମିଶା କରିଥିଲେ । ତେଣୁ ତାଙ୍କ ସଂସ୍ପର୍ଶରେ ବହୁ ଲୋକ ଆସିଥାଇ ପାରନ୍ତି ବୋଲି ଅନୁମାନ କରାଯାଉଛି । ଏସବୁର କଂଟାକ୍ଟ ଟ୍ରେସିଂ କରାଯାଉଥିବା ଜିଲ୍ଲାପାଳ ସୂଚନା ଦେଇଛନ୍ତି ।
ଅନ୍ୟପଟେ ଭଦ୍ରକ ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା ୧୧ରେ ପହଞ୍ଚିବା ପରେ ପ୍ରଶାସନ ଓ ପୁଲିସର ମୁଣ୍ଡବିନ୍ଧା ଆରମ୍ଭ ହୋଇଛି । ବିଶେଷ କରି କଲିକତା ଫେରନ୍ତା ଅଧିକ ଚିନ୍ତା ବଢାଇ ଦେଇଛି । ଗତକାଲି ଦିନ ଓ ରାତି ସାରା ପୁଲିସ ବାସୁଦେବପୁର ବ୍ଲକର ନଅଟି ପଞ୍ଚାୟତର ୨୨ ଗାଁ ଓ ଭଣ୍ଡାରିପୋଖରୀ ବ୍ଲକର ୨ ପଞ୍ଚାୟତର ୨୨ଟି ଗାଁ ରେ ପଇଁତରା ମାରିଛନ୍ତି । ଏଇ କଣ୍ଟେନମେଣ୍ଟ ଜୋନରେ ବ୍ୟାପକ ପୁଲିସ ମୁତୟନ କରାଯାଇଛି । କଲିକତା ଫେରନ୍ତାଙ୍କୁ ଖୋଜୁଛି ପ୍ରଶାସନ। କଲିକତା ଲିଙ୍କ୍ ଖୋଜୁଛି ପୁଲିସ। ଦୁଇ ଦିନରେ ଦୁଇ ବ୍ଲକରୁ ୩୦୦ରୁ ଅଧିକ ଲୋକଙ୍କୁ କ୍ୱାରେଣ୍ଟାଇନରେ ରଖାଯାଇଛି। ଏମାନଙ୍କର ରକ୍ତ ନମୁନା ସଂଗ୍ରହ କରାଯାଇଛି ।