ସୁନ୍ଦରଗଡ ଜିଲ୍ଲାପାଳଙ୍କ ନିଆରା ପଦକ୍ଷେପ : ସୋସିଆଲ ମିଡ଼ିଆ ଯୁଗରେ ଆରମ୍ଭ କଲେ ବହି ବଗିଚା
କନକ ବ୍ୟୁରୋ : ସୁନ୍ଦରଗଡ ଜିଲ୍ଲାପାଳଙ୍କ ନିଆରା ପଦକ୍ଷେପ । ଜିଲ୍ଲାପାଳଙ୍କ ଆବାସ ପାଲଟିଲା ବହି ବଗିଚା । ଏଣିକି ପ୍ରତି ରବିବାର ସୁନ୍ଦରଗଡବାସୀ ଜିଲ୍ଲାପାଳଙ୍କ ଆବାସକୁ ଯାଇ ପଢିପାରିବେ ବହି । ଜିଲ୍ଲା ପ୍ରଶାସନ ଓ ଜନସାଧାରଣଙ୍କ ମଧ୍ୟ ସଂପର୍କକୁ ଅଧିକ ମଜବୁତ କରିବାକୁ ଏପରି ଏକ ନିଆରା ପଦ କ୍ଷେପ ହାତକୁ ନେଇଛନ୍ତି ସୁନ୍ଦରଗଡ ଜିଲ୍ଲାପାଳ ନିଖିଲ ପବନ କଲ୍ୟାଣ ।
Kanak News is now on WhatsApp
Join and get latest news updates delivered to you via WhatsApp
ବର୍ତ୍ତମାନ ସମୟରେ ସମସ୍ତେ ବହି ଠାରୁ ଦୂରେଇ ଯାଇ ସୋସିଆଲ ମିଡିଆରେ ଅଧିକ ସମୟ ଦେଉଥିବା ବେଳେ ଜିଲ୍ଲାପାଳଙ୍କ ଏପରି ପଦକ୍ଷେପ ଲୋକଙ୍କୁ ବହି ଆଡକୁ ଆକର୍ଷିତ କରିବ । ଜିଲ୍ଲାପାଳଙ୍କ ଆବାସର ଏହି ବହି ବଗିଚା ଏକ ନିଆରା ଉଦ୍ୟମ ନିଶ୍ଚୟ । କିଛି ଦିନ ଆଗରୁ ସେ ବୁଲି ବୁଲି ଲୋକଙ୍କୁ ବହି ବାଂଟିବା ସହିତ ବହି ପଢିବା ପାଇଁ ଲୋକଙ୍କୁ ଅନୁରୋଧ କରିଥିଲେ । ଏବେ ସେଥିରୁ ଦୁଇ ପାଦ ଆଗକୁ ଆସି ନିଜ ଆବାସରେ ଖୋଲିଛନ୍ତି ବହି ବଗିଚା ।
ଲାଗୁଛି ସତେ ଯେମିତି ଏହା ଜିଲ୍ଲାପାଳଙ୍କ ଆବାସ ନୁହଁ କୌଣସି ଏକ ବଡ ବହି ଲାଇବ୍ରେରୀ । ଏହା ଭିତରେ ରହିଛି ନୋଭେଲ, କବିତା ସଂକଳନ, ଗଳ୍ପ ଠାରୁ ଆରମ୍ଭ କରି କୁନି ପିଲାଙ୍କ ପାଇଁ ପତ୍ରପତ୍ରିକା । ପ୍ରତି ରବିବାର ସକାଳ ୧୦ଟାରୁ ସଂଧ୍ୟା ୫ଟା ଯାଏଁ ଏହି ବହି ବଗିଚା ଖୋଲାରହିବ । ଜିଲ୍ଲାପାଳଙ୍କ ଏପରି ପଦ କ୍ଷେପକୁ ବିଭିନ୍ନ ମହଲରେ ସ୍ୱାଗତ କରାଯାଇଛି ।