ମନଇଚ୍ଛା ଲୋକସଭା ଆସନ ପରିବର୍ତ୍ତନ କଲା ଦଳ ! ଅସନ୍ତୋଷ ଜାହରି କଲେ କେନ୍ଦ୍ରମନ୍ତ୍ରୀ ଗିରିରାଜ ସିଂ, କହିଲେ ମୋର ଆତ୍ମସମ୍ମାନ ଉପରେ ଆଞ୍ଚ ଆସିଛି

କନକ ବ୍ୟୁରୋ : ୨୦୧୯ ଲୋକସଭା ନିର୍ବାଚନ ପାଇଁ ବିହାରରେ ବିଜେପି ସମସ୍ତ ଲୋକସଭା ପ୍ରାର୍ଥୀଙ୍କ ନାଁ ଘୋଷଣା କରିସାରିଛି । ପ୍ରାର୍ଥୀ ତାଲିକା ଘୋଷଣା ପରେ ନେତାଙ୍କ ମଧ୍ୟରେ ଅସେନ୍ତାଷ ଦେଖିବା ପାଇଁ ମିଳିଛି । ଟିକେଟ କଟିବା ତଥା ଆସନ ପରିବର୍ତ୍ତନ ପରେ ଦଳରେ ବିଦ୍ରୋହର ସ୍ୱର ତେଜ୍ ହୋଇଛି । ବିଜେପି ନେତାମାନେ ଏବେ ଦଳ ବିରୋଧୀ ମନ୍ତବ୍ୟ ଦେବାକୁ ପଛାଉ ନାହାନ୍ତି । ଦଳ ମନଇଚ୍ଛା ନିଷ୍ପତ୍ତି ନେବା ସହ ଆସନ ପରିବର୍ତ୍ତନ କରୁଛି ବୋଲି ମଧ୍ୟ ଅଭିଯୋଗ କରୁଛନ୍ତି ନେତା ।

Giriraj Singh, BJP: My self respect is hurt that no other MP's seat was changed in Bihar. It was decided without talking to me. State BJP leadership should tell me why was it done. I've nothing against Begusarai but I can't compromise with my self respect. #LokSabhaElection2019 pic.twitter.com/g7ld6k3myF

— ANI (@ANI) March 25, 2019

ଏହି କ୍ରମରେ କେନ୍ଦ୍ରମନ୍ତ୍ରୀ ଗିରିରାଜ ସିଂ ମଧ୍ୟ ଆସନ ପରିବର୍ତ୍ତନ ନେଇ ଅସନ୍ତୋଷ ପ୍ରକାଶ କରିଛନ୍ତି । କେନ୍ଦ୍ରମନ୍ତ୍ରୀ ତଥା ବିଜେପିର ଟାଣୁଆ ନେତା ଗିରିରାଜ ସିଂଙ୍କୁ ଚଳିତ ଥର ବେଗୁସରାଇ ସିଟ ପାଇଁ ପ୍ରାର୍ଥୀ କରିଛି ଦଳ । ହେଲେ ଗିରିରାଜ ସିଂ ବେଗୁସାଇ ବଦଳରେ ନବାଦାରୁ ନିର୍ବାଚନ ଲଢ଼ିବା ନେଇ ଇଚ୍ଛା ପ୍ରକଶ କରିଛନ୍ତି । କାରଣ ବର୍ତ୍ତମାନ ସେ ନବାଦାରୁ ହିଁ ସାସଂଦ ଅଛନ୍ତି । ନବାଦାରରେ ଲୋକ ସମ୍ପର୍କ ଭଲ ଥିବା ସତ୍ୱେ ଦଳ ତାଙ୍କୁ ବେଗୁସରାଇରୁ ପ୍ରାର୍ଥୀ କରିଛି ।

ସେ କହିଛନ୍ତି ତାଙ୍କ ଆସନ ପରିବର୍ତ୍ତନ କରିବା ପୂର୍ବରୁ ତାଙ୍କୁ କୌଣସି ସୂଚନା ଦିଆଯାଇ ନଥିଲା । ନବାଦାର ସାଂସଦ ତଥା ବିଜେପିର ବିରଷ୍ଠ ନେତା ଗିରିରାଜ ସିଂ କହିଛନ୍ତି ଏପରି ନିଷ୍ପତ୍ତି ଦ୍ୱାରା ମୋର ଆତ୍ମସମ୍ମାନ ଉପରେ ଆଂଚ ଆସିଛି । କାରଣର ବିହାରର କୌଣସି ଲୋକସଭା ସିଟ ପରିବର୍ତ୍ତନ ହୋଇନାହିଁ ।