ଶଙ୍କରାଚାର୍ଯ୍ୟଙ୍କ ବିରୋଧରେ ନରସିଂହ ନେଇଥିବା ବୟାନ ନିନ୍ଦନୀୟ : ସ୍ୱାମୀ ନିଶ୍ଚଳାନନ୍ଦ ସରସ୍ୱତୀଙ୍କ ସପକ୍ଷରେ ବାହାରିଲା ବିଜେପି
କନକ ବ୍ୟୁରୋ : ସ୍ୱାମୀ ନିଶ୍ଚଳାନନ୍ଦ ସରସ୍ୱତୀ ଶଙ୍କରାଚାର୍ଯ୍ୟଙ୍କ ସପକ୍ଷରେ ବାହାରିଲା ବିଜେପି । ଶଙ୍କରଚାର୍ଯ୍ୟଙ୍କୁ ନେଇ ନରସିଂହ ମିଶ୍ର ପ୍ରଶ୍ନ ଉଠାଇବା ପ୍ରସଙ୍ଗରେ ଆଜି ବିଜେପି ସାମ୍ବାଦିକ ସମ୍ମିଳନୀ କରିଛି । ଶଙ୍କରାଚାର୍ଯ୍ୟଙ୍କ ବିରୋଧରେ ଏଭଳି ବୟାନ ନିନ୍ଦନୀୟ । ଜାଣିଶୁଣି ନରସିଂହ ମିଶ୍ର ଲୋକଙ୍କ ଭାବନାକୁ ଆଘାତ ଦେଇଛନ୍ତି । ସାଢେ ୪ କୋଟି ଓଡିଶାବାସୀଙ୍କୁ ସେ କ୍ଷମା ମାଗନ୍ତୁ । ଆଇନମନ୍ତ୍ରୀ ଥିବା ବେଳେ ସେ ବିବାଦୀୟ ବୟାନ ଦେଇଥିଲେ ବୋଲି ବିଜେପି କହିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ବିଧାନସଭାରେ ଓଡିଶା ହିନ୍ଦୁ ଦେବୋତ୍ତର ବିଧେୟକ ପାରିତ ହେବାବେଳେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର କହିଥିଲେ, ଦେବୋତ୍ତର ଆଇନ୍ ଅନୁସାରେ ମଠ ଗୁଡିକ ଆକାଉଂଟ୍ ଡିଟେଲ ଦେବା ଆବଶ୍ୟକ । କେବଳ ଏତିକି ନୁହେଁ ଆୟର ୫ ପ୍ରତିଶତ ସରକାରଙ୍କୁ ଦେବା କଥା । ହେଲେ ୧୦ ବର୍ଷ ଧରି ଗୋବର୍ଦ୍ଧନ ମଠ ଆୟବ୍ୟୟ ହିସାବ କାହିଁକି ଦେଇନାହିଁ ବୋଲି ନରସିଂହ ପ୍ରଶ୍ନ କରିଥିଲେ ।
ତେବେ ଏନେଇ ଗୋବର୍ଦ୍ଧନ ପୀଠର ମୁଖପାତ୍ର କହିଥିଲେ, ଶଙ୍କରାଚାର୍ଯ୍ୟଙ୍କୁ ନରସିଂହ ମିଶ୍ରଙ୍କ ସ୍ୱୀକୃତିର ଆବଶ୍ୟକତା ନାହିଁ ।