ଭୋଟ ସରିବା ପରେ ଫଳାଫଳ ନେଇ ଅଙ୍କକଷା ଆରମ୍ଭ : ଦମ୍ଭ ଦେଖାଇଲେ ବିଜେଡି ନେତା, ଅଧିକ ମାର୍ଜିନରେ ବିଜେପୁର ଦଖଲ କରିବ ଶଙ୍ଖ ଦଳ
କନକ ବ୍ୟୁରୋ : କିଏ ଜିତିବ ବିଜେପୁର ବାଜି ? ଭୋଟ୍ ସରିବା ପରେ ଫଳାଫଳ ନେଇ ଅଙ୍କକଷା ଆରମ୍ଭ ହୋଇଯାଇଛି । ଦେଢବର୍ଷ ଭିତରେ ତିିନି ତିନି ଥର ମତଦାନ କରିଥିବା ବିଜେପୁରବାସୀ ନୂଆ ବିଧାୟକ ବାଛି ସାରିଛନ୍ତି । ବିଜେପୁରବାସୀଙ୍କ ନିଷ୍ପତି ଇଭିଏମରେ ସିଲ୍ ହୋଇସାରିଥିବା ବେଳେ ଆସନ୍ତା ୨୪ତାରିଖରେ ଫଳାଫଳ ପ୍ରକାଶ ପାଇବ । ସେଦିନ ସ୍ପଷ୍ଟ ହୋଇଯିବ, କାହାର ହେଲା ବିଜେପୁର ? ରୀତା ସାହୁ, ସନତ ଗଡତିଆ ନା ଦିଲ୍ଲୀପ ପଣ୍ଡା । ତେବେ ନିର୍ବାଚନୀ ସରଗରମ ମଧ୍ୟରେ ଦମ୍ଭୋକ୍ତି କରିଛି ବିଜେଡ଼ି । ବିଜେପୁରରେ ବିଜୟୀ ହେବେ ବିଜୁ ଜନତା ଦଳ ।
Kanak News is now on WhatsApp
Join and get latest news updates delivered to you via WhatsApp
ବିଜେପୁରରେ ବିଜୟ ଧ୍ୱଜା ଉଡ଼ାଇବ ବିଜେଡ଼ି । ଏପରି ଦମ୍ଭୋକ୍ତି କରିଛନ୍ତି ମନ୍ତ୍ରୀ ସୁଶାନ୍ତ ସିଂ । ବିଜେଡ଼ି ଅନେକ ଉପନିର୍ବଚନ ଲଢ଼ିଥିଲେ ଚଳିତ ବିଜେପୁର ଉପନିର୍ବାଚନ ଭିନ୍ନ । ଏଥର ବିଜେପୁର ନିର୍ବାଚନ ଏକପାଖିଆ ହୋଇଛି । ନିର୍ବାଚନ ପ୍ରଚାର ସମୟରେ ବିଜେପି ଓ କଂଗ୍ରେସର କାର୍ଯ୍ୟକ୍ରମରେ ଲୋକଙ୍କର କୌଣସି ଆଗ୍ରହ ନଥିଲା । ଉପନିର୍ବାଚନରେ ବିଜେପୁରରେ ବିଜେଡ଼ି ମାହୋଲ ସୃଷ୍ଟି କରିଥିଲା । ବିଗତ ଉପନିର୍ବାଚନ ଓ ସାଧାରଣ ନିର୍ବାଚନ ଠାରୁ ମଧ୍ୟ ଅଧିକ ମାର୍ଜିନରେ ଭୋଟ୍ ପାଇବ ବିଜୁ ଜନତା ଦଳ । ବିଜେପୁର ବିଜେଡ଼ିର ବିଜୟ ସୁନିଶ୍ଚିତ ବୋଲି କହିଛନ୍ତି ସୁଶାନ୍ତ ସିଂ ।