ଯୋଗୀ ଆଦିତ୍ୟନାଥଙ୍କୁ ବିଜେଡ଼ିର ଜବାବ ! ପ୍ରତାପ ଦେବ କହିଲେ, କାଳିଆ ଯୋଜନାରେ ଦୁର୍ନୀତିର ଗନ୍ଧ ନାହିଁ, ୧୦୦ରୁ ଅଧିକ ଆସନରେ ସରକାର କରିବୁ
କନକ ବ୍ୟୁରୋ : ଆଜି ଓଡିଶା ଗସ୍ତରେ ଆସିଛନ୍ତି ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଭବାନୀପାଟଣାରେ ବୁଥସ୍ତରୀୟ ବିଭିନ୍ନ ଯୋଜନା ବାବଦରେ ବି ନବୀନ ସରକାରଙ୍କୁ ଟାର୍ଗେଟ କରିଛନ୍ତି ୟୁପି ମୁଖ୍ୟମନ୍ତ୍ରୀ । କାଳିଆ ଯୋଜନା ଓ ଟଙ୍କିକିଆ ଚାଉଳ ନେଇ ସରକାରଙ୍କୁ ଟାର୍ଗେଟ କରିଛନ୍ତି ଯୋଗୀ ଆଦିତ୍ୟନାଥ । ଏହାର କଡ଼ା ଜବାବ ଦେଇଛନ୍ତି ବିଜେଡ଼ି ମୁଖପାତ୍ର ପ୍ରତାପ ଦେବ । ସେ କହିଛନ୍ତି, ୟୁପି ମୁଖ୍ୟମନ୍ତ୍ରୀ ଓଡ଼ିଶା ଆସି ରାଜ୍ୟ ସରକାରଙ୍କ ବିରୋଧରେ ଯେଉଁ ବିଷୋଦଗାର କରିଛନ୍ତି ତାହା ସମ୍ପୂର୍ଣ୍ଣ ଭିତ୍ତିହୀନ । ଋଣଛାଡ଼ କରିବେ ବୋଲି ପ୍ରତିଶ୍ରୁତି ଦେଇ କ୍ଷମତାକୁ ଆସିିଥିଲେ ଯୋଗୀ ଆଦିତ୍ୟନାଥ । ହେଲେ ସେ ଯେଉଁ ଋଣ ଛାଡ଼ କଲେ ସେଥିରେ ଲୋକେ ୧୫, ୧୬ , ୧୭ ଟଙ୍କା ପାଇଲେ । ତାହା ଚାଷୀଙ୍କୁ କେତେ ଉପକାର କଲା ? ସେ ପ୍ରଥମେ ନିଜ ରାଜ୍ୟ କଥା ବୁଝିବା ଉଚିତ୍ ।
Kanak News is now on WhatsApp
Join and get latest news updates delivered to you via WhatsApp
ଅପରପକ୍ଷେ କାଳିଆ ଯୋଜନାକୁ ରାଜ୍ୟ ସରକାରଙ୍କ ଠାରୁ ଆରମ୍ଭ କରି କୃଷି ବୈଜ୍ଞାନିକ, ସମସ୍ତ ରାଜ୍ୟ ସରକାର ଏପରିକି ପ୍ରଧାନମନ୍ତ୍ରୀ ମଧ୍ୟ ପ୍ରଶଂସା କରିଛନ୍ତି । କାଳିଆରେ ଯୋଜନାରେ ଦୁର୍ନିତୀର ନାମଗନ୍ଧ ନାହିଁ । ଏହି ଯୋଜନା ଅନୁସାରେ ଚାଷୀଙ୍କ ପାଖରେ ସିଧାସଳଖ ଟଙ୍କା ପହଞ୍ଚୁଛି । ତୃତୀୟ ବ୍ୟକ୍ତି ଏଠାରେ ହସ୍ତକ୍ଷେପ କରିପାରିବ ନାହିଁ । ତେଣୁ ଯୋଜନାରେ ଦୁର୍ନିତୀ ପ୍ରଶ୍ନ ଉଠୁନାହିଁ । କାଳିଆ ଯୋଜନା ବିଷୟରେ ପ୍ରଶ୍ନ କରିଥିବା ଯୋଗୀଙ୍କ ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ ।
ଏହାବ୍ୟତୀତ ଆଗାମୀ ବିଧାନସଭା ନିର୍ବାଚନରେ ବିଜେଡ଼ି ହିଁ ଜିତିବ ବୋଲି ଦୃଢ଼ୋକ୍ତି କରିଛନ୍ତି ପ୍ରତାପ ଦେବ । ଯେଉଁ ବର୍ଷ ଯୋଗୀ ମୁଖ୍ୟମନ୍ତ୍ରୀ ହୋଇଥିଲେ ସେହି ବର୍ଷ ଡିସେମ୍ବର ମାସରେ ମ୍ୟୁନିସିପାଲ ନିର୍ବାଚନରେ ହାରିଗଲା ବିଜେପି । ତାହାର ସମୀକରଣ ଏବେ ଯାଏଁ ବାଛିସାରିଲେଣି କି ଯୋଗୀ ବୋଲି ପ୍ରଶ୍ନ କରିଛନ୍ତି ପ୍ରତାପ ଦେବ । ବାକି ରହିଲା ଓଡ଼ିଶା କଥା । ପଂଚାୟ ନିିର୍ବାଚନରେ ଯାହା ହୋଇଛି, ତାହାର ପୁନରାବୃତ୍ତି ହେବନାହିଁ । ଆଗାମୀ ନିର୍ବାଚନରେ ୧୦୦ରୁ ଅଧିକ ସିଟ୍ ପାଇବ ବିଜେଡ଼ି ବୋଲି ଦୃଢୋକ୍ତି କରିଛନ୍ତି ପ୍ରତାପ ଦେବ । ଯେଉଁ ପ୍ରତିଶ୍ରୁତି ଲୋକଙ୍କୁ ୨୦୧୪ରେ ଦେଇଥିଲୁ, ତାକୁ ପୂରଣ କରିବା ପାଇଁ ପ୍ରାଣପଣେ ଉଦ୍ୟମ ଜାରି ରହିଛି । କେନ୍ଦ୍ରୀୟ ନେତାମାନେ ଓଡ଼ିଶା ଆସି ବାହାସ୍ପଟ ମାରିବା ବନ୍ଦ କରନ୍ତୁ ବୋଲି କହିଛନ୍ତି ପ୍ରତାପ ଦେବ ।
ଟଙ୍କିକିଆ ଚାଉଳ ବାବଦରେ ପ୍ରତାପ ଦେବ କହିଛନ୍ତି ଭାରତ ସମ୍ବିଧାନ ଅନ୍ତର୍ଗତ ଯେଉଁ ସରକାର କେନ୍ଦ୍ର୍ରକୁ ଆସିବେ ସେ ପିଡ଼ିଏସ୍ ମାଧ୍ୟମରେ ସମସ୍ତ ରାଜ୍ୟକୁ ଖାଦ୍ୟ ଯୋଗାଣ କରିବ । ଏହା କେନ୍ଦ୍ରର କର୍ତ୍ତବ୍ୟ । ଏବେ ଆମେ ଲୋକଙ୍କୁ ଦେଉଥିବା ଚାଉଳକୁ କେନ୍ଦ୍ର ଗୋଟିଏ ମୂଲ୍ୟରେ ଦେଉଥିଲେ, ଆମେ ତା’ର ମୂଲ୍ୟ କମାଇ ଆଉ କମ ମୂଲ୍ୟରେ ଲୋକଙ୍କୁ ଯୋଗାଉଛୁ । ଏକଥା ଓଡ଼ିଶାର ଜନସାଧାରଣ ଭଲରେ ବୁଝିଛନ୍ତି ।