ବିଜେଡିର ବିଜେପୁର କସରତ ! ଦଳୀୟ ଅଫିସରେ ଗୁରୁତ୍ୱପୂର୍ଣ୍ଣ ବୈଠକ, ବରଗଡର ସବୁ ବିଧାୟକ, ଜିଲ୍ଲା ସଭାପତି,ପର୍ଯ୍ୟବେକ୍ଷକ ସାମିଲ
କନକ ବ୍ୟୁରୋ : ବିଜେପୁର ପାଇଁ ବିଜେଡିର କସରତ । ଭୁବନେଶ୍ୱରର ବିଜେଡି ପାର୍ଟି ଅଫିସରେ ଗୁରୁତ୍ୱପୂର୍ଣ୍ଣ ବୈଠକ ହୋଇଛି । ଏଥିରେ ବରଗଡର ସବୁ ବିଧାୟକ, ଜିଲ୍ଲା ସଭାପତି, ପର୍ଯ୍ୟବେକ୍ଷକ ଓ ବିଜେପୁର ନିର୍ବାଚନମଣ୍ଡଳୀର କିଛି ନେତା ସାମିଲ ହୋଇଥିଲେ । ବୈଠକ ପରେ ୩ ବରିଷ୍ଠ ନେତା ଦେବୀ ମିଶ୍ର, ପ୍ରସନ୍ନ ଆଚାର୍ଯ୍ୟ ଓ ସ୍ନେହାଙ୍ଗିନୀ ଛୁରିଆ ନବୀନ ନିବାସରେ ଦଳର ସୁପ୍ରିମୋ ନବୀନ ପଟ୍ଟନାୟକଙ୍କୁ ଭେଟିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ବିଧାୟକ ସୁବଳ ସାହୁଙ୍କ ପରଲୋକ ପରେ ବିଜେପୁର ବିଧାନସଭା ଆସନ ଖାଲି ପଡିଛି । ଏହି ଉପନିର୍ବାଚନ ବିଜେଡି-ବିଜେପି ପାଇଁ ସମ୍ମାନର ପ୍ରଶ୍ନ ହୋଇଛି । ସୁବଳ ସାହୁଙ୍କ ପରିବାର ବିଜେଡିର ମିଶିସାରିଛନ୍ତି । ଏଠାରୁ ରୀତା ସାହୁ ବିଜେଡି ପ୍ରାର୍ଥୀ ହେବେ ବୋଲି ମୁଖ୍ୟମନ୍ତ୍ରୀ ଘୋଷଣା କରିସାରିଛନ୍ତି । ବିଜେପି ପ୍ରାର୍ଥୀ ନେଇ ଏବେ ବି ସସପେନ୍ସ ଜାରି ରହିଛି । ବିଜେଡି ଛାଡି ବିଜେପିରେ ମିଶିଥିବା ଅଶୋକ ପାଣିଗ୍ରାହୀ ଏଠାରୁ ଦଳୀୟ ପ୍ରାର୍ଥୀ ହୋଇପାରନ୍ତି ବୋଲି ଚର୍ଚ୍ଚା ଚାଲିଛି ।