- ସିଡ଼ିଏସ ଭାବେ କାର୍ଯ୍ୟଭାର ସମ୍ଭାଳିଲେ ବିପିନ୍ ରାୱତ୍
- ମଙ୍ଗଳବାର ସେନା ମୁଖ୍ୟ ପଦରୁ ଅବସର ନେଇଥିଲେ
- ଦେଶର ପ୍ରଥମ ସିଡ଼ିଏସ୍ ହେଲେ ବିପିନ୍ ରାୱତ୍
Kanak News is now on WhatsApp
Join and get latest news updates delivered to you via WhatsApp
ନୂଆ ବର୍ଷା ପ୍ରଥମ ଦିନରେ ଦେଶର ପ୍ରଥମ ଚିଫ୍ ଅଫ୍ ଡିଫେନ୍ସ ଷ୍ଟାଫ୍ ରୂପେ ଦାୟିତ୍ୱ ନେଲେ ବିପିନ୍ ରାୱତ୍ । ଗତ ମଙ୍ଗଳବାର ସେନାମୁଖ୍ୟ ପଦରୁ ଅବସର ନେଇଥିବା ଜେନେରାଲ ବିପିନ୍ ରାୱତ୍ ଆଜି ସକାଳେ ସିଡ଼ିଏସ୍ ରୂପରେ କାର୍ଯ୍ୟଭାର ସମ୍ଭାଳିଛନ୍ତି । କାର୍ଯ୍ୟଭାର ସମ୍ଭାଳିବା ପରେ ତିନି ସେନା ପକ୍ଷରୁ ବିପିନ୍ ରାୱତଙ୍କୁ ଗାର୍ଡ଼ ଅଫ୍ ଅନର୍ ଦିଆଯାଇଛି । ନୂଆଦିଲ୍ଲୀରେ ପଦଭାର ଗ୍ରହଣ କରିଛନ୍ତି ଜେନେରାଲ ରାୱତ । ତାଙ୍କ ଶପଥଗ୍ରହଣ ଉତ୍ସବରେ ତିନି ସେନାର ମୁଖ୍ୟ ଉପସ୍ଥିତ ଅଛନ୍ତି । ଏହି ପଦରେ ବିପିନ ରାୱତ ୩ବର୍ଷ ପାଇଁ ରହିବେ । ଦାୟିତ୍ୱ ନେବା ପୂର୍ବରୁ ବିପିନ ରାୱତ ୱାର ମେମୋରିଆଲ ଯାଇ ସହିଦଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି । ଦାୟିତ୍ୱ ନେବା ପରେ ସେ କହିଛନ୍ତି, ୩ ସେନା ଏକଜୁଟ ହୋଇ କାମ କରିବେ । ଟିମ ୱାର୍କକୁ ଗୁରୁତ୍ୱ ଦିଆଯିବ । ରାଜନୀତିଠୁ ସେନା ବହୁ ଦୂରରେ ବୋଲି କହିଛନ୍ତି ନୂଆ ମୁଖ୍ୟ ।
ତିନି ସେନାବାହିନୀର ସେନାପତି ଭାବେ କାମ କରିବେ ସିଡିଏସ ବିପିନ୍ ରାୱତ । ତିନି ସେନା ସହ ଜଡିତ ସମସ୍ତ ମାମଲାରେ ପ୍ରତିରକ୍ଷାମନ୍ତ୍ରୀଙ୍କୁ ପରାମର୍ଶ ଦେବେ ସିଡିଏସ । ଏହାଛଡା କୌଣସି ଜରୁରୀକାଳୀନ ପରିସ୍ଥିତି କିମ୍ବା ସାମରିକ ଆକ୍ରମଣ ସମୟରେ ତିନି ସେନା ମଧ୍ୟରେ ତାଳମେଳ ରକ୍ଷା କରିବାର ଗୁରୁଦାୟିତ୍ୱ ସମ୍ଭାଳିବେ ବିପିନ୍ ରାୱତ ।
ଉତ୍ତରାଖଣ୍ଡର ପୌଡ଼ିରେ ଜନ୍ମ ଗ୍ରହଣ କରିଥିବା ଜେନେରାଲ ବିପିନ ରାୱତ ଏକ ଆର୍ମି ପରିବାରରୁ ଆସିଛନ୍ତି । ତାଙ୍କ ପରିବାରର ଅନେକ ପୀଢ଼ି ଭାରତୀୟ ସ୍ଥଳ ସେନାରେ କାର୍ଯ୍ୟ କରିସାରିଛନ୍ତି । ତାଙ୍କ ବାପା ଲକ୍ଷ୍ମଣ ସିଂ ରାୱତ ଲେଫ୍ଟନେଣ୍ଟ ଜେନେରାଲ ଭାବେ ଭାରତର ସେବା କରିଛନ୍ତି ।