ଫେସବୁକ୍ ବଦଳାଇଦେଲା ଭାଗ୍ୟ : ବାପାଙ୍କ ମୃତ୍ୟୁ ପରେ ପରିବାର ପାଳିବା ପାଇଁ ଜଳଖିଆ ଦୋକାନ ଖୋଲିଥିଲେ ୧୦ ବର୍ଷର ବାଳକ, ସୋସିଆଲ୍ ମିଡ଼ିଆରେ ଖବର ପ୍ରଘଟ ପରେ ସୁନୀଲଙ୍କ ପାଇଁ ବଢ଼ିଲା ସହାୟତାର ହାତ
କନକ ବ୍ୟୁରୋ : କୁନି କାନ୍ଧରେ ପରିବାରର ଭାର । ପାଟନାରେ ବସବାସ କରୁଥିବା ଜଣେ ବାଳକର ସଂଘର୍ଷମୟ କାହାଣୀ ଶୁଣିଲେ ଆପଣଙ୍କ ଆଖିରେ ବି ଲୁହ ଜକେଇ ଆସିବ । ଏହି ୧୦ବର୍ଷ ବାଳକଙ୍କ ନାମ ହେଉଛି ସୁନୀଲ। ସୁନୀଲଙ୍କ ପିତା ରାଜନ ଗୋଡଙ୍କର ଚାରିମାସ ପୂର୍ବରୁ ନିଧନ ହୋଇଯାଇଥିଲା । ୫୫ବର୍ଷୀୟ ବିଧବା ମା’, ପତ୍ନୀ ଓ ଛଅ ଶିଶୁଙ୍କ ଭରଣପୋଷଣ ଦାୟିତ୍ୱ ରାଜନଙ୍କ ଉପରେ ଥିଲା। ।
Kanak News is now on WhatsApp
Join and get latest news updates delivered to you via WhatsApp
ରାଜନ୍ଙ୍କ ମୃତ୍ୟୁ ପରେ ପୂରା ପରିବାର ଅନାଥ ଓ ଅସହାୟ ହୋଇପଡ଼ିଥିଲା। ଗୋଟିଏ ବେଳା ଖାଇବାକୁ ପାଇବା ରାଜନ୍ଙ୍କ ପରିବାର ପକ୍ଷେ ଅସମ୍ଭବ ଥିଲା । ପିତାଙ୍କ ମୃତ୍ୟୁ ପରେ ପରିବାରର ଏଭଳି ପରିସ୍ଥିତି ଦେଖି ଖେଳିବା ବୁଲିବା ବୟସରେ ସୁନୀଲ ଏସବୁ ଦାୟିତ୍ୱ ନିଜ କାନ୍ଧକୁ ନେଇଥିଲା । ପରିବାରର ଏଭଳିସ୍ଥିତିକୁ ଦେଖି ମନକୁ ଦୃଢ଼ କରି ସୁନୀଲ ଏକ ବରା, ଆଳୁଚପ୍, ପିଆଜି ଦୋକାନ ଆରମ୍ଭ କରିଥିଲା । ପ୍ରତିଦିନ ସକାଳୁ ସେ ଏହି ଠେଲାକୁ ଘରୁ ବାହାର କରି ନିକଟସ୍ଥ ରେଳ ଷ୍ଟେସନ୍ରେ ନେଇ ଲାଗାଇ ଥାଏ । ସେଠାରେ ଏହି ବରା, ଆଳୁଚପ୍ ଓ ପିଆଜିର ବ୍ୟବସାୟ ଆରମ୍ଭ କରିଥାଏ ।
ଗୋଟିଏ ସପ୍ତାହ ପୂର୍ବରୁ କିଛି ସ୍ଥାନୀୟ ବ୍ୟକ୍ତି ଓ ସାମ।ଜିକ କର୍ମକର୍ତ୍ତା ଅଜୟ ପାଣ୍ଡ୍ୟାଙ୍କ ନଜର ସୁନୀଲ ଉପରେ ପଡ଼ିଥିଲା। ଏତେ କମ୍ ବୟସରେ ସେ କାହିଁକି ଏଭଳି ବରା ପିଆଜି, ଆଳୁଚପ୍ ବ୍ୟବସାୟ କରୁଛି ବୋଲି ସୁନୀଲ ଠାରୁ ସବୁ ପଚାରି ବୁଝିଥିଲେ। ଏହାପରେ ଅଜୟ ନିଜ ଫେସ୍ବୁକ୍ରେ ସୁନୀଲର ଫଟୋ ସହିତ ତାର ଜୀବନ କାହାଣୀକୁ ଫେସ୍ବୁକ୍ରେ ସେୟାର କରି ଦେଇଥିଲେ। ଅଜୟଙ୍କ ଏହି ଗୋଟିଏ ପୋଷ୍ଟ ପରେ ସୁନୀଲକୁ ସାହାଯ୍ୟ କରିବା ପାଇଁ ଅନେକ ଲୋକ ଏବେ ଆଗେଇ ଆସିଥିବା ଜଣାପଡ଼ିଛି।