ଆଜି ବସୁଛି ଶ୍ରୀମନ୍ଦିର ପରିଚାଳନା କମିଟି ବୈଠକ : ରଥଯାତ୍ରା ସମ୍ପର୍କରେ ଆସିପାରେ ବଡ଼ ନିଷ୍ପତ୍ତି
କନକ ବ୍ୟୁରୋ : ରଥଯାତ୍ରାର ଆୟୋଜନ ସମ୍ପର୍କରେ ଆଜିି ଆସିପାରେ ଏକ ବଡ଼ ନିଷ୍ପତ୍ତି । ଆଜି ଶ୍ରୀମନ୍ଦିର ପରିଚାଳନା କମିଟିର ବୈଠକ ବସୁଥିବା ବେଳେ ଗତକାଲି ପୁରୀ ଶଙ୍କରାଚାର୍ଯ୍ୟ ଏବଂ ଗଜପତି ମହାରାଜଙ୍କୁ ଭେଟି ଆଲୋଚାନା କରିଛନ୍ତି ମୁଖ୍ୟ ପ୍ରଶାସକ । ଗତକାଲି ସନ୍ଧ୍ୟାରେ ପୁରୀ ଗଜପତିଙ୍କୁ ଭେଟିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ । ଏହା ପୂର୍ବରୁ ଦିନରେ ଶଙ୍କରାଚାର୍ଯ୍ୟଙ୍କୁ ଭେଟି ମଧ୍ୟ ସେ ଆଲୋଚନା କରିଥିଲେ । ଉଭୟଙ୍କ ମଧ୍ୟରେ ଢେର୍ ସମୟ ଧରି ଆଲୋଚନା ହୋଇଥିଲା। ଗଜପତି କଣ ମତ ରଖିଲେ, ଏ ସଂପର୍କରେ ମଧ୍ୟ ସରକାରୀ ଭାବେ କିଛି କୁହାଯାଇନାହିଁ।
Kanak News is now on WhatsApp
Join and get latest news updates delivered to you via WhatsApp
ଆଉ ଏହାରି ଭିତରେ ଆଜି ବସୁଛି ଶ୍ରୀମନ୍ଦିର ପରିଚାଳନା କମିଟିର ଗୁରୁତ୍ୱପୂର୍ଣ୍ଣ ବୈଠକ । କରୋନା କଟକଣା ଭିତରେ କେମିତି ହେବ ମହାପ୍ରଭୁଙ୍କ ରଥଯାତ୍ରା ଏବଂ ଚନ୍ଦନ ଯାତ୍ରା ନେଇ ନିଷ୍ପତ୍ତି ନିଆଯିବା ସମ୍ଭାବନା ରହିଛି । ପ୍ରଥମ ଥର ପାଇଁ ଭିଡିଓ କନଫରେନ୍ସିଂରେ ପରିଚାଳନା କମିଟି ବୈଠକ ହେବ । ରଥଯାତ୍ରା ହେବ କି ନାହିଁ, ସେ ସଂକ୍ରାନ୍ତରେ ନିଷ୍ପତ୍ତି ନେବା ପୂର୍ବରୁ ବିଭିନ୍ନ ବର୍ଗ ସହିତ ଆଲୋଚନା କରିବେ ସରକାର । ଆସନ୍ତା ଦୁଇ ତିନି ମଧ୍ୟରେ ଏ ସଂପର୍କରେ ଏକ ସ୍ପଷ୍ଟ ଚିତ୍ର ସାମ୍ନାକୁ ଆସିବା ସମ୍ଭାବନା ଅଧିକ ବୋଲି ସୂଚନା ମିଳୁଛି।