ଭିକାରୀ ଦେଲେ ଅଢେଇ ହଜାର ଟଙ୍କାର ବିଦ୍ୟୁତ ବିଲ : ବଡ଼ ବଡ଼ିଆ ଲୋକ ଠକୁଥିବା ବେଳେ ଭିକ୍ଷାବୃତି କରି ପରିବାର ଚଳାଉଥିବା କାର୍ତ୍ତିକ ବିଲ ପୈଠ କରି ଲୋକଙ୍କୁ କଲେ ସଚେତନ
କନକ ବ୍ୟୁରୋ : ସେସୁ ପକ୍ଷରୁ ବକେୟା ବିଦ୍ୟୁତ୍ ବିଲ ଉପଭୋକ୍ତାଙ୍କ ଲାଇନ କଟାଯିବା ଘଟଣା ଏବେ ଚର୍ଚ୍ଚା ସୃଷ୍ଟି କରିଛି । ଏହି ନିଷ୍ପତ୍ତି ଆସିବା ପରେ ଏବେ ବିଦ୍ୟୁତ୍ ବିଲ ଭରିବା ପାଇଁ ସେସୁ କାର୍ଯ୍ୟାଳୟରେ ଲୋକଙ୍କ ଭିଡ଼ ଦେଖିବାକୁ ମିଳିଛି । ଏଭଳି ସ୍ଥିତିରେ ଜଣେ ଅସହାୟ ବ୍ୟକ୍ତି କାର୍ତ୍ତିକ ନାଥ ଦୁଇ ହଜାର ୫ଶହ ଟଙ୍କାର ବିଦ୍ୟୁତ୍ ବିଲ ପୈଠ କରିଛନ୍ତି । ବଡ଼ ବଡ଼ିଆ ଲୋକ ଠିକ୍ ସମୟରେ ବିଲ ଦେଉନଥିବା ବେଳେ ଗାଁ ଗାଁ ବୁଲି ଭିକ୍ଷାବୃତି କରୁଥିବା ଜଣେ ଅସହାୟ ବ୍ୟକ୍ତି ବିଦ୍ୟୁତ୍ ବିଲ ପୈଠ ଲୋକଙ୍କୁ ସଚେତନ କରାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଭଦ୍ରକ ସହର ନିକଟସ୍ଥ ଉତ୍ତର ବାହିନୀ ସରିପୁର ଗାଁର କାର୍ତିକ ନାଥ ଭିକ୍ଷା ବୃତି କରି ନିଜର ପରିବାର ପ୍ରତିପୋଷଣ କରିଥାନ୍ତି । ଗାଁ ଗାଁ ବୁଲି ଭିକ୍ଷା କରି ୮ଜଣ ପରିବାରଙ୍କ ପେଟ ପୋଷି ଥାଆନ୍ତି । କାର୍ତିକ ନାଥ । ବିଦ୍ୟୁତ୍ କଟିଯିବା ଭୟରେ ନିଜ ପରିବାର ଲୋକଙ୍କ ପେଟ ଉପାସ ରଖି ଅଢେଇ ହଜାର ଟଙ୍କା ନେସ୍କୋ କାର୍ଯ୍ୟାଳୟରେ ଡ଼ିପୋଜିଟ କରିଛନ୍ତି । କାର୍ତିକଙ୍କର ଏଭଳି ପଦକ୍ଷେପକୁ ନେସ୍କୋ କର୍ମଚାରୀ ସ୍ୱାଗତ କରିଥିବା ବେଳେ ଅନ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି ।