ବିଧାୟକଙ୍କୁ ନବୀନ ମନ୍ତ୍ର : ସରଳ ଜୀବନଯାପନ ଓ ଲୋକଙ୍କ ସହ ଉତ୍ତମ ବ୍ୟବହାର ପାଇଁ ପରାମର୍ଶ ଦେଲେ ମୁଖ୍ୟମନ୍ତ୍ରୀ ନ୍ୟୁଜ୍ By Pranjna Parimita Behera On Sep 13, 2019 - 12:14 PM Last updated Sep 13, 2019 - 12:16 PM 387 Share କନକ ବ୍ୟୁରୋ : ବିଧାୟକଙ୍କୁ ନବୀନ ମନ୍ତ୍ର । ବିଧାନସଭାର କାର୍ଯ୍ୟବିଧିର ପାଠ ପଢିଲେ ବିଧାୟକ । ଗୃହର ବ୍ୟବସ୍ଥିତ ଢଙ୍ଗରେ ବିଧି ବ୍ୟବସ୍ଥା ସମ୍ପର୍କରେ ବିଧାୟକ ମାନେ ପ୍ରଶିକ୍ଷଣ ନେଇଛନ୍ତି । ଓଡ଼ିଶା ବିଧାନସଭାର ନୂତନ ସମ୍ମିଳନୀ କକ୍ଷରେ ପ୍ରଶିକ୍ଷଣ କାର୍ଯ୍ୟକ୍ରମ ଆରମ୍ଭ ହୋଇଛି । ଦୁଇଦିନିଆ କର୍ମଶାଳାଙ୍କୁ ମୁଖ୍ୟମନ୍ତ୍ରୀ ଉଦଘାଟନ କରିଛନ୍ତି । ଏହି କାର୍ଯ୍ୟକ୍ରମରେ ବରିଷ୍ଠ , ଅଭିଜ୍ଞ ବିଧାୟକ ଓ ମନ୍ତ୍ରୀ ଓ ଲୋକସଭା ସଚିବାଳୟରେ ଅଂଶଗ୍ରହଣ କରି ବିଧାନସଭାର କାର୍ଯ୍ୟବିଧି ଓ ପରିଚାଳନା ନିୟମାବଳୀ ଉପରେ ଆଲୋଚନା କରିଛନ୍ତି । ତେବେ ଏହି କର୍ମଶାଳାରେ ବିଧାୟକଙ୍କୁ ଗୁରୁମନ୍ତ୍ର ଦେଇଛନ୍ତି ବିଜେଡ଼ି ସୁପ୍ରିମୋ । Kanak News is now on WhatsApp Join and get latest news updates delivered to you via WhatsApp Join Now ଲୋକଙ୍କ ସହ ଯୋଡି ହୋଇ ରହିବାକୁ ବିଧାନସଭା ବିଧାୟକଙ୍କୁ ଟିପ୍ସ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନବୀନ କହିଛନ୍ତି, ଗଣତନ୍ତ୍ରର ଜନତା ହେଉଛନ୍ତି ରିଅଲ ମାଷ୍ଟର । ତେଣୁ ସରଳ ଜୀବନଯାପନ କରିବା ସହ ଲୋକଙ୍କୁ ଗୁରୁତ୍ୱ ଦେବା ଓ ଉତ୍ତମ ବ୍ୟବହାର କରିବାକୁ ପରାମର୍ଶ ଦେଇଛନ୍ତି ନବୀନ । ପ୍ରଶିକ୍ଷଣ ଶିବିରରେ ବାଚସ୍ପତି ସୂର୍ଯ୍ୟନାରାୟଣ ପାତ୍ର କହିଥିଲେ, ପ୍ରତି ୧୫ ଦିନରେ ଥରେ ବିଧାୟକଙ୍କ ବୈଠକ ହେବ । ଏ ନେଇ ନୀତିଗତ ନିଷ୍ପତି ହୋଇଛି । ସରକାରୀ ଯୋଜନାରେ ହେଉଥିବା ବିଭିନ୍ନ ଖର୍ଚ୍ଚ ଉପରେ ବିଧାୟକଙ୍କୁ ଅବଗତ କରାଯିବ । ବିଧାନସଭାକୁ ପ୍ରଥମ ଥର ପାଇଁ ଆସିଥିବା ବିଧାୟକମାନେ ଏହାଦ୍ୱାରା ଉପକୃତ ହେବେ । 387 Share FacebookTwitterGoogle+WhatsAppTelegramEmailPrint