ଏଟିଏମରୁ ଟଙ୍କା ଉଠାଣ ସମୟରେ ଗ୍ରୀନ ଲାଇଟ୍ ଜଳିବା ଜରୁରୀ : ଜାଣନ୍ତୁ ଏହାର କାରଣ, ନହେଲେ କ୍ଷତିରେ ପଡ଼ିପାରନ୍ତି !
ଆଜିକାଲି ବ୍ୟାଙ୍କ୍ ଗ୍ରାହକଙ୍କୁ ଅନେକ ସୁବିଧା ଯୋଗାଉଛି । ୨୪ ଘଂଟା ଏଟିଏମରୁ ଟଙ୍କା ବାହାର କରିବାର ସୁଯୋଗ ଦେଉଛି । ତେବେ ପୂର୍ବାପେକ୍ଷା ଏଟିଏମର ବ୍ୟବହାର ବଢ଼ିଯାଉଛି । ଆଉ କେହି ବ୍ୟାଙ୍କ ଯାଇ ଧାଡ଼ିରେ ଛିଡ଼ା ହୋଇ ଟଙ୍କା ନେଣଦେଣ କରିବା ପାଇଁ ପସନ୍ଦ କରୁନାହାନ୍ତି । କାରଣ ଏଟିଏମରୁ ଅତି ସହଜରେ ଟଙ୍କା ଉଠାଣ ହୋଇପାରୁଛି । ତେବେ ଏଟିଏମରେ କାରବାର ଯେତିକି ବଢ଼ୁଛି, ଏଟିଏମରେ ଠକାମି ମଧ୍ୟ ସେତିିକି ବଢ଼ିଚାଲିଛି । ଟିକିଏ ସାବଧାନ ହେଲେ ଆପଣ ଠକାମିର ବର୍ତ୍ତି ପାରିବେ । ଏହାର ଅର୍ଥ ଆପଣ ଏଟିଏମରୁ ଟଙ୍କା ବାହାର କରିବା ପୂର୍ବରୁ ଆପଣ ପ୍ରଥମେ ଏଟିଏମ ସୁରକ୍ଷିତ ଅଛି କି ନାହିଁ ଯାଂଚ କରିନିଅନ୍ତୁ । ଏଟିଏମରେ ସବୁଠାରୁ ବଡ଼ ବିପଦ ହେଲା କାର୍ଡ଼ କ୍ଲୋନିଂ । କାର୍ଡ଼ କ୍ଲୋନିଂ ଅର୍ଥ ଆପଣଙ୍କ ସମସ୍ତ ତଥ୍ୟ ଚୋରୋଇ ନୂଆ କାର୍ଡ଼ ତିଆରି କରିବା ।
Kanak News is now on WhatsApp
Join and get latest news updates delivered to you via WhatsApp
ହ୍ୟାକର କୌଣସି ବି ୟୁଜରଙ୍କ ଡାଟା ଏଟିଏମ ମେସିନେରେ କାର୍ଡ଼ ଲଗାଇବା ପାଇଁ ଥିବା ସ୍ଲଟରୁ ଚୋରାଇ ନିଅନ୍ତି । ଏଟିଏମ ମେସିନରେ କାର୍ଡ଼ ସ୍ଲଟରେ ଏପରି ଏକ ଯନ୍ତ୍ର ଲଗାଇ ଥାଆନ୍ତି, ଯାହା ଆପଣଙ୍କ କାର୍ଡ଼ର ସମସ୍ତ ତଥ୍ୟ ଚୋରାଇ ନିଏ । ଏହାପରେ ହ୍ୟାକର ବ୍ଲୁଟୁଥ୍ କିମ୍ବା ଅନ୍ୟ ଡିଭାଇସରେ ଡାଟା ଚୋରି କରନ୍ତି । ଆପଣଙ୍କ କାର୍ଡ଼ର ସମସ୍ତ ଆକ୍ସେସ୍ ନେବା ପାଇଁ ହ୍ୟାକସର ପାଖରେ ଆପଣଙ୍କ ପିନ୍ ନମ୍ବର ରହିବା ଜରୁରୀ । ହ୍ୟାକର ପିନ୍ ନମ୍ବରକୁ କ୍ୟୋମେରା ଦ୍ୱାରା ଟ୍ରିକ କରିପାରନ୍ତି । ଏଥିରୁ ରକ୍ଷା ପାଇବା ପାଇଁ ଏଟିଏମରେ ନିଜର ପିନ୍ ଏଂଟର କରିବା ସମୟରେ ଅନ୍ୟ ହାତରେ ନିଶ୍ଚୟ ଲୁଚାଇ ପିନ ଦିଅନ୍ତୁ । ଯଦ୍ୱାରା ସିସିଟିଭିରେ ପିନ୍ ଉତ୍ତୋଳନ ହୋଇପାରିବ ନାହିଁ । ଏହା ବ୍ୟତୀତ ଏଟିଏମରେ ଯିବା ସମୟରେ ଏଟିଏମ ମେସିନରେ କାର୍ଡ଼ୁ ସ୍ଲଟକୁ ଧ୍ୟାନ ସହକାରେ ଦେଖନ୍ତୁ । ଦେଖନ୍ତୁ ସେଥିରେ ଥିବା କାର୍ଡ଼ ସ୍ଲଟରେ କୌଣସି ପରିବର୍ତ୍ତନ ହୋଇଛି କମ୍ବା କୌଣସି ଗଡ଼ବଡ଼ି ଅଛି କି ?
ଏପରିସ୍ଥଳେ ଉକ୍ତ ଏଟିଏମକୁ ବ୍ୟବହାର କରନ୍ତୁ ନାହିଁ । କାର୍ଡ଼ ସ୍ଲଟରେ କାର୍ଡ଼ ଲଗାଇବା ସମୟରେ ତା’ ଉପରେ ଥିବା ଗ୍ରୀନ୍ ଲାଇଟ୍ ଉପରେ ଧ୍ୟାନ ଦିଅନ୍ତୁ । ଯଦି ସ୍ଲଟରେ ଗ୍ରୀନ୍ ଲାଇଟ ଜଳୂୁଛି ତେବେ ଏଟିଏମ ସୁରକ୍ଷିତ ଅଛି । ଏଟିଏମରେ ଲାଇଟ୍ ଜଳୁନଥିବାର ଦେଖିଲେ ସେହି ଏଟଏମକୁ ବ୍ୟବହାର କରନ୍ତୁ ନାହିଁ । କାରଣ ସେଥିରେ କିଛି ନା କିଛି ଗଡ଼ବଡ଼ି ଥିବ । ଯଦି ଆପଣଙ୍କୁ କେବେ ବି ଲାଗୁଛି ଆପଣ ହ୍ୟାକର୍ସ ଜାଲରେ ପଡ଼ିସାରିଛନ୍ତି, ତେବେ ଆପଣ ତୁରନ୍ତ ପୋଲିସରେ ଅଭିଯାଗ କରନ୍ତୁ । କାରଣ ସେଥିରେ ଆପଙ୍କୁ ହ୍ୟାକରର ଫିଙ୍ଗରପ୍ରିଂଟ ମିଳିଯିବ । ଏହାସହ ପାଖରେ ବ୍ଲୁଟୁଥ୍ କନେକ୍ସନ କିଛି ଅଛି କି ଦେଖିନିଅନ୍ତୁ । ଏହାଦ୍ୱାରା ଆପଣ ହ୍ୟାକର ପର୍ଯ୍ୟନ୍ତ ପହଞ୍ଚିପାରିବେ ।