କରୋନା ପାଇଁ ବ୍ୟାଙ୍କଗୁଡିକୁ ଅର୍ଥବିଭାଗର ଚିଠି : ସ୍ୱତନ୍ତ୍ର ଗାଇଡଲାଇନ ଜାରି କରି ଏଟିଏମରେ ଯଥେଷ୍ଟ ଟଙ୍କା ମହଜୁଦ୍ ରଖିବାକୁ ନିର୍ଦ୍ଦେଶ, ଅଫିସ ସମୟରେ ମାସ୍କ ପିନ୍ଧି କାର୍ଯ୍ୟ କରିବାକୁ କର୍ମଚାରୀଙ୍କୁ ପରାମର୍ଶ

986

କନକ ବ୍ୟୁରୋ : କରୋନା ନେଇ ବ୍ୟାଙ୍କଗୁଡିକୁ ସ୍ୱତନ୍ତ୍ର ଗାଇଡଲାଇନ ଜାରି କରିଛି ଅର୍ଥ ବିଭାଗ । ଏ ନେଇ ବ୍ୟାଙ୍କଗୁଡିକୁ ଅର୍ଥ ବିଭାଗ ଚିଠି ଲେଖିଛି । କରୋନା ଭାଇରସ୍ ସଂକ୍ରମଣ ସଂଖ୍ୟା ଭାରତରେ ଧୀରେ ଧୀରେ ବୃଦ୍ଧି ପାଉଛି । ଓଡ଼ିଶାରେ ସ୍ଥିତି ଆୟତରେ ଥିଲେ ବି ଓଡ଼ିଶା ସରକାର ସଂକ୍ରମଣରୁ ବର୍ତ୍ତିବା ପାଇଁ ବିଭିନ୍ନ ପଦକ୍ଷେପ ନେଉଛନ୍ତି । ଏହି କ୍ରମରେ ବ୍ୟାଙ୍କ ଗୁଡ଼ିକ ପାଇଁ ଗାଇଡ଼ଲାଇନ୍ ଜାରି ହୋଇଛି ।

– ଏଟିଏମ ଗୁଡିକରେ ଯଥେଷ୍ଟ ପରିମାଣର ଟଙ୍କା ଗଛିତ ରଖିବାକୁ ନିର୍ଦ୍ଦେଶ ଦିଆଯାଇଛି ।

– କୋରନା ସଚେତନତା ପାଇଁ ପ୍ରତି ଏଟିଏମରେ ସତର୍କ ସୂଚନା ଫଳକ ପ୍ରଦର୍ଶିତ କରାଯାଉ ।

– ଅଫିସ ସମୟରେ ବ୍ୟାଙ୍କ କର୍ମଚାରୀ ମାକ୍ସ ବ୍ୟବହାର କରନ୍ତୁ ।

– ବ୍ୟାଙ୍କରେ ଭିଡ କମାଇବାକୁ ଅଧିକ ପରିମାଣରେ କାଂଉଟର ଖୋଲିବାକୁ ବି ନିର୍ଦ୍ଦେଶ ଦିଆଯାଇଛି । ଏଟିଏମ ଭିତରକୁ ଜଣକ ପରେ ଜଣକୁ ଛଡାଯିବ ।

– ଏଟିଏମରେ ଟଙ୍କା ଉଠାଇବା ପରେ ସାନିଟାଇଜରରେ ହାତ ଧୋଇବେ ଲୋକେ ।

– ଏଟିଏମ କାଉଣ୍ଟରକୁ ନିୟମିତ ମେସିନରେ ସଫା କରାଯିବ ।

– ବ୍ୟାଙ୍କ ଗୁଡ଼ିକ ଟଏଲେଟ୍ ଓ ୱାସରୁମରେ ପର୍ଯ୍ୟାପ୍ତ ପରିମାଣର ସାନିଟାଇଜର ଓ ସାବୁନ୍ ମହଜୁଦ ରଖିବେ ।

– ଆବଶ୍ୟକ ନଥିଲେ ଏଟିଏମ ବ୍ୟବହାର ନକରିବାକୁ ଗ୍ରାହକଙ୍କୁ ଏସଏମଏସ୍ ଜରିଆରେ ବ୍ୟାଙ୍କ ସତର୍କ କରାଇବ

– ଏହି ସମୟରେ ମୋବାଇଲ ଓ ଅନଲାଇନ୍ ବ୍ୟାଙ୍କିଂ ସେବା ଅଧିକ ବ୍ୟବହାର ଉପରେ ଗୁରୁତ୍ୱ ଦେବା ଉଚିତ

– ଗ୍ରାହକଙ୍କ ସୁବିଧା ପାଇଁ ପ୍ରତି ବ୍ୟାଙ୍କ ପକ୍ଷରୁ ଏକ ସ୍ୱତନ୍ତ୍ର ଉତ୍ସର୍ଗୀକୃତ ଟେଲିଫୋନ୍ ସେବା ଉବଲବ୍ଧ କରାଯିବ ।

Comments are closed.