କନକ ବ୍ୟୁରୋ : ଏଏସଆଇ ରିପୋର୍ଟ ଆଧାରରେ ଅଯୋଧ୍ୟା ନିଷ୍ପତ୍ତି ଶୁଣାଇଥିଲେ ସୁପ୍ରିମକୋର୍ଟ । ରିପୋର୍ଟରେ ଆର୍କିଓଲଜିକାଲ୍ ସର୍ଭେ ଅଫ୍ ଇଣ୍ଡିଆ ବା ଭାରତୀୟ ପ୍ରତ୍ନତତ୍ୱ ସର୍ବେକ୍ଷଣ ସଂସ୍ଥାର ରିପୋର୍ଟକୁ ଗ୍ରହଣ କରିି ସୁପ୍ରିମକୋର୍ଟ ରାୟ ଶୁଣାଇଥିଲେ । ଆଉ ୭୦ ବର୍ଷର ଏହି ମାମଲାରେ ଏଏସଆଇର ପ୍ରମାଣ ଗୁରୁତ୍ୱପୂର୍ଣ୍ଣ ଭୂମିକା ତୁଲାଇଥିଲା । କୌଣସି ଖାଲି ସ୍ଥାନରେ ମସଜିଦ ନିର୍ମାଣ ହୋଇନଥିଲା ବୋଲି ଏଏସଆଇ ତା’ର ରିପୋର୍ଟରେ ଦର୍ଶାଇଥିଲା । ୧୫ ବର୍ଷ ତଳେ ହୋଇଥିବା ସର୍ବେକ୍ଷଣରେ କ’ଣ ସବୁ ପ୍ରମାଣ ମିଳିଥିଲା, ର୍ ।
ଦେଶର ସବୁଠୁ ବଡ଼ ମକଦ୍ଦମାର ଫଇସଲା ପାଇଁ ଆଧାର ବନିଥିଲା ଭାରତୀୟ ପ୍ରତ୍ନତତ୍ୱ ସର୍ବେକ୍ଷଣ ସଂସ୍ଥାର ପ୍ରମାଣ । ଅଯୋଧ୍ୟା ବିବାଦ ଉପରେ ରାୟ ଶୁଣାଇବା ବେଳେ ସୁପ୍ରିମକୋର୍ଟ କହିଛନ୍ତି, ଆସ୍ଥା ଓ ବିଶ୍ୱାସ ଆଧାରରେ ଜମି ମାଲିକାନା ଦିଆଯାଇ ପାରିବ ନାହିଁ । ରାୟ ପଢ଼ିବା ବେଳେ ଏଏସଆଇ ବା ପ୍ରତ୍ନତତ୍ୱ ସର୍ବେକ୍ଷଣ ସଂସ୍ଥାର ରିପୋର୍ଟ ବୈଧ ବୋଲି କହିଥିଲେ ପୂର୍ବତନ ପ୍ରଧାନ ବିଚାରପତି ରଂଜନ ଗୋଗୋଇ ।
ଏଏସ୍ଆଇ ରିପୋର୍ଟ କ’ଣ କହିଥିଲେ ନଜର ପକାନ୍ତୁ -
ଖାଲି ସ୍ଥାନରେ ନିର୍ମାଣ ହୋଇନଥିଲା ମସଜିଦ୍
ପୁରୁଣା ନିର୍ମାଣ ଉପରେ ଗଢ଼ା ହୋଇଥିଲା ମସଜିଦ୍
ଖନନ ବେଳେ ଯାହା ମିଳିଛି, ତାହା ଇସ୍ଲାମିକ୍ ଢାଂଚା ନଥିଲା
ତେବେ ମନ୍ଦିର ଭଙ୍ଗାଯାଇ ମସଜିଦ୍ ହୋଇଥିବା ଉଲ୍ଲେଖ ନାହିଁ
୨୦୦୩ ମସିହାରେ ଅଯୋଧ୍ୟାରବିବାଦୀୟ ସ୍ଥଳରେ ଆର୍କିଓଲଜିକାଲ୍ ସର୍ଭେ ଅଫ୍ ଇଣ୍ଡିଆ ଅର୍ଥାତ୍ ଭାରତୀୟ ପ୍ରତ୍ନତତ୍ୱ ସର୍ବେକ୍ଷଣ ସଂସ୍ଥା ସର୍ବେକ୍ଷଣ କରିଥିଲା । ଆହ୍ଲାବାଦ ହାଇକୋର୍ଟଙ୍କ ନିର୍ଦ୍ଦେଶ ଅନୁସାରେ ବିବାଦୀୟ ଜମିରେ ଖନନ କାର୍ଯ୍ୟ ଆରମ୍ଭ କରିଥିଲା । ଖନନ ବେଳେ ଯେଉଁ ସବୁ ସାମଗ୍ରୀ ମିଳିଥିଲା, ତାକୁ ବୈଜ୍ଞାନିକ ପଦ୍ଧତିରେ ପରୀକ୍ଷା ନିରୀକ୍ଷା କରାଯାଇଥିଲା । ଏହି ଆଧାରରେ ମସଜିଦ୍ ତଳେ ପୁରୁଣା ମନ୍ଦିରର ଅବଶେଷ ରହିଛି ବୋଲି ଦାବି କରିଥିଲା ଏଏସଆଇ । ଆହ୍ଲାବାଦ ହାଇକୋର୍ଟଙ୍କ ଫଇସଲାରେ ମଧ୍ୟ ପ୍ରତ୍ନତତ୍ୱ ସର୍ବେକ୍ଷଣ ସଂସ୍ଥା ଦେଇଥିବା ପ୍ରମାଣ, ଗୁରୁତ୍ୱପୂର୍ଣ୍ଣ ଭୂମିକା ତୁଲାଇଥିଲା ।
() ହିନ୍ଦୁ ପକ୍ଷଙ୍କ ଯୁକ୍ତି ଥିଲା ଯେ ପଦ୍ମପୁରାଣ ଓ ସ୍କନ୍ଦପୁରାଣରେ ରାମ ଜନ୍ମଭୂମି ନେଇ ସ୍ପଷ୍ଟ ବ୍ୟାଖ୍ୟା ରହିଛି । ଏଏସଆଇର ଖନନ ରିପୋର୍ଟକୁ ଆଧାର କରି ଯୁକ୍ତି କରାଯାଇଥିଲା ଯେ ୧୫୨୮ ମସିହାରେ ଏକ ବିଶାଳ ମନ୍ଦିରକୁ ଭାଙ୍ଗି ଦିଆଯାଇ ମୋଗଲ ସମ୍ରାଟ ବାବରଙ୍କ ସେନାପତି ମୀର ବାକୀ ମସଜିଦ ନିର୍ମାଣ କରିଥିଲେ । ଖନନ ବେଳେ ଯେଉଁ ସବୁ ଅବଶେଷ ମିଳିଥିଲା, ତାହା ହିନ୍ଦୁ ଦେବାଦେବୀଙ୍କ ପ୍ରତୀକ ଥିଲା ।
() ସୁନ୍ନୀ ୱାକଫ୍ ବୋର୍ଡର ଦଲିଲ ଥିଲା ଭାରତୀୟ ସର୍ବେକ୍ଷଣ ସଂସ୍ଥା ଯେଉଁ ପ୍ରମାଣ ଦେଇଛି, ତାହା ବୈଜ୍ଞାନିକ ସିଦ୍ଧାନ୍ତ ଉପରେ ହୋଇନାହିଁ । ଏଏସ୍ଆଇ ରିପୋର୍ଟରେ ପ୍ରଶ୍ନ ଚିହ୍ନ ଲଗାଇଥିବା ଦୁଇ ଜଣ ସ୍ୱତନ୍ତ୍ର ପ୍ରତ୍ନତତ୍ୱବିତ୍ ସୁପ୍ରିୟା ବିରାମ ଓ ଜୟା ମେନନଙ୍କ ମତକୁ ଉଲ୍ଲେଖ କରିଥିଲା ସୁନ୍ନୀ ୱାକଫ୍ ବୋର୍ଡ ।
() ଦୁଇ ପକ୍ଷର ଯୁକ୍ତି ଶୁଣିବା ପରେ ଏଏସଆଇ ରିପୋର୍ଟକୁ ଗ୍ରହଣ କରିଥିଲେ ସର୍ବୋଚ୍ଚ ନ୍ୟାୟାଳୟ । ୭୦ ବର୍ଷର ପୁରୁଣା ମାମଲାରେ ବଡ଼ ଭୂମିକା ତୁଲାଇଥିଲା ଏହି ରିପୋର୍ଟ ।