କନକ ବ୍ୟୁରୋ : ମେ ୨୩ରେ ଆସିବ ୨୦୧୯ ମହାସମରର ଫଳାଫଳ । ଜାତୀୟ ଦଳ ଗୁଡ଼ିକ ଠାରୁ ଆରମ୍ଭ କରି ଆଚଳିକ ଦଳ ଗୁଡ଼ିକ ବିଜୟ ବାନା ଉଡ଼ାଇବା ପାଇଁ ଜୋରସୋରରେ ଉଦ୍ୟମ ଜାରି ରଖିଛନ୍ତି । ଜୋରସୋରରେ ପ୍ରଚାର ସହ ଚାଲିଛି ଆରୋପ ପ୍ରତ୍ୟାରୋପର ପର୍ବ । ବିଜେପି ତଥା ମୋଦି ସରକାରଙ୍କୁ ଗାଦିଚ୍ୟୁତ କରିବା ପାଇଁ ବିରୋଧୀ ଉଦ୍ୟମ ଜାରି ରଖିଛି । ଅନ୍ୟପଟେ ମୋଦି ସରକାର ମଧ୍ୟ ପୁଣି ଥରେ ଦିଲ୍ଲୀ ଗାଦି ଅକ୍ତିଆର କରିବା ପାଇଁ ପୁରା ଜୋର ଲଗାଇ ଦେଇଛନ୍ତି । ଏଭଳି ଘଡ଼ିସନ୍ଧି ମୁହୁର୍ତ୍ତରେ ସପା ମୁଖ୍ୟ ଅଖିଲେଶ ଯାଦବ ମୋଦି ସରକାରଙ୍କୁ ଟାର୍ଗେଟ କରିଛନ୍ତି । ବିଜେପିର ଅନ୍ତ ଆରମ୍ଭ ହୋଇଯାଇଛି ବୋଲି କହିଛନ୍ତି ସପା ମୁଖ୍ୟ ।
Kanak News is now on WhatsApp
Join and get latest news updates delivered to you via WhatsApp
ବର୍ତ୍ତମାନ ସମୟରେ ଲୋକପ୍ରିୟ ସିନେମା ଆଭେଞ୍ଜର୍ସ ଏଣ୍ଡଗେମ ସିନେମା ଟିକେଟ ପାଇଁ ସାରା ଦୁନିଆରେ ଦର୍ଶକ ମଧ୍ୟରେ ପ୍ରତିଯୋଗିତା ଚାଲିଛି । ଟିକେଟ୍ ପାଇବା ପାଇଁ ଲାଗୁଛି ଲମ୍ବା ଲାଇନ୍ । ଆଉ ଏଥିମଧ୍ୟରେ ସମାଜବାଦି ପାର୍ଟି ନେତା ଅଖିଲେଶ ଯାଦବ ଭିନ୍ନ ଭର୍ସନର ଏଣ୍ଡଗେମକୁ ନେଇ ଟ୍ୱିଟ କରିଛନ୍ତି । ଅଖିଲେଶ କହିଛନ୍ତି, ଉତ୍ତରପ୍ରଦେଶରେ ବିଜେପିର ଏଣ୍ଡଗେମ୍ ଆରମ୍ଭ ହେବାକୁ ଯାଉଛି । ସୂଚନାଯୋଗ୍ୟ ଉତ୍ତରପ୍ରଦେଶରେ ଲୋକସଭା ସିଟ୍ ସଂଖ୍ୟା ୮୦ । ଯାହା ଲୋକସଭା ନିର୍ବାଚନର ଦଶା ଓ ଦିଶା ନିର୍ଦ୍ଧାରଣ କରିଥାଏ । ତେଣୁ ସମସ୍ତଙ୍କ ନଜର ଉତ୍ତରପ୍ରଦେଶ ଉପରେ ।
ଅଖିଲେଶ ଯାଦବ ଟ୍ୱିଟ କରି କହିଛନ୍ତି, ବିଗତ ୫ ବର୍ଷରେ ବିଜେପି ସରକାର ଗଣତନ୍ତ୍ରର ସମସ୍ତ ସ୍ତମ୍ଭକୁ ବିଧ୍ୱସ୍ତ କରିଛି । ହେଲେ ଏବେ ଆରମ୍ଭ ହେବ ବିଜେପିର ଏଣ୍ଡଗେମ୍ । କାରଣ ଚଳିତ ଥର ମହାମେଂଟର ସରକାର ଆସୁଛି । ଟ୍ୱିଟ କରି ଏକ ପୋଷ୍ଟର ମଧ୍ୟ ସେୟାର କରିଛନ୍ତି ଅଖଲେଶ ଯାଦବ । ଫଟୋରେ ଲେଖାହୋଇଛି ମହାମେଂଟ ସରକାର, ଏବଂ ବ୍ୟାକଗ୍ରାଉଣ୍ଡର ରଙ୍ଗ ମାର୍ଭେଲ ଷ୍ଟୁଡ଼ିଓ ପରି ହୋଇଛି ।
Over the last five years, the BJP has destroyed every pillar of democracy.
But the #Endgame has begun. #MahaGathbandhan Sarkar
Coming soon pic.twitter.com/dOIYobwRge
— Akhilesh Yadav (@yadavakhilesh) April 26, 2019